EXODUS 14:29 - Lai (Hakha) Common Language Bible 2006

²⁹ Asinain Israel mi tu cu rili chung khan vawlei ro cungin an kal i ti cu an orhlei le an kehlei ah khan vampang bantukin an i chong.

EXODUS 14:29 Խաչաձեւ Հղումներ

EXODUS 14:22

Israel mi cu rili chung khan vawlei ro cungin an kal, ti cu orhlei kam le kehlei kamah vampang bantukin aa chong.

ISAIAH 51:13

Nanmah kha an sertu hna le van kha a samh i vawlei hram a bunhtu Bawipa kha nan philh cang dahra? Nanmah an hremtu hna an thinhun le nanmah thah an zaltu hna an thinlinh cu zeicahdah ṭih zungzal in nan um? An thinhunnak nih cun a tawngh hmanh an tawng kho hna lai lo.

ISAIAH 51:10

Rili ti kha a kaoter i rili chungin lam a tuahtu kha nangmah na si i na khamhmi hna nih khan cuka cun an tan.

ISAIAH 43:2

Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo.

JOSHUA 3:16

cunglei in a rungmi ti kha an dir i lam hlatpi ah Zarethan ram pawng i a ummi khua Adam ah cun a bu in an dir i, Arabah rili, Cite Rili lei i a vung luangmi cu an cat dih; cun Jeriko khua zawn cun mi nih cun an tan.

1 KORIN 10:1

Ka u le ka nau hna, Moses a zulmi kan pupa hna cung i a tlungmi thil kha philh hlah u ti kan duh hna. Annih cu an dihlak in minmei nih khan a runven hna i Rili Sen kha him tein an tan.

EXODUS 15:8

Na thaw in na chem i ti cu an i chong, a luang liomi ti cu vampang bangin a dir; rili thuk cu a ne tiangin a hak.

EXODUS 15:19

Faro rangtum hna cu a rangleng le a mawngtu hna he khan rili chungah an lut i Bawipa nih ti cu a kir ṭhan i a khuh dih hna. Sihmanhsehlaw Israel mi cu rili chung khan vawlei ro cungin an kal.

ISAIAH 11:15

Bawipa nih thli lin a chuahter lai i cu thli lin nih cun Nail tiva le Zufrates tiva kha a kaoter hna lai i tiva hme tete pasarih lawng kha a nganh hna lai caah ahopaoh nih an tan khawh hna lai.

2 SIANGPAHRANG 2:8

Cun Elijah nih a puan kha aa lak i a zual i ti kha a tuk i an pahnih in lei ro cungin an va kai hlan tiang, ti cu khattelei kam le khattelei kamah an i ṭhen.

NEHEMIAH 9:11

Cun an hmaiah rili kha na cheu i cucaah rili chungah khan vawlei ro cungin an kal; cun a dawitu hna kha, a ṭhawngmi ti chungah lung a tlak bangin, a thukmi ti chungah na paih hna.

SALM 78:13

Rili kha a cheu i a chungin a hruai hna; ti cu vampang bantukin a dirter hna.

SALM 106:9

Rili Sen cu nawl a pek i a ro, cun a mi cu vawlei ro cung kal bantukin a kalpi hna.

SALM 136:13

Rili Sen kha a cheu, a dawtnak cu zungzal in a hmun.