EXODUS 14:28 - Lai (Hakha) Common Language Bible 2006

²⁸ Ti cu a kir i Israel mi a dawitu vialte hna, rangleng vialte hna le a mawngtu vialte hna le Faro ralkapbu vialte hna kha a phum dih hna, pakhat hmanh an tang lo.

EXODUS 14:28 Խաչաձեւ Հղումներ

SALM 78:53

Him tein a kalpi hna i zeihmanh an ṭih lo, sihmanhsehlaw an ral hna cu rili nih a vui hna.

HABAKKUK 3:13

Na mi hna khamh awkah khan na kal i Na chiti thuhmi khamh awkah khan na ra; Miṭhalopa inn cu a cunglei in na vun ṭheh i a hram lung a langh ritret tiang na hlai.

SALM 136:15

Faro le a ralkap bu kha rili chungah a paih hna, a dawtnak cu zungzal in a hmun.

HEBRU 11:29

Rili Sen, vawlei ro cung bantukin Israel mi a tantertu hna kha zumhnak a si; Izipt mi nih tan an timh ve tikah ti nih khan a dolh hna.

NEHEMIAH 9:11

Cun an hmaiah rili kha na cheu i cucaah rili chungah khan vawlei ro cungin an kal; cun a dawitu hna kha, a ṭhawngmi ti chungah lung a tlak bangin, a thukmi ti chungah na paih hna.

2 CHANRELNAK 20:24

Judah mi cu ramlak i ralvennak innsang kha an phak tikah, mibupi cu an hei zoh hna i zohhmanh, annih cu an thi i vawlei ah khan an ril liangluang ko; pakhat hmanh an luat lo.

DEUTERONOMI 11:4

cun Izipt ralkapbu cungah, an rang hna le an rangleng hna cungah, nannih an in dawi tik hna ah a tuahmi, zeitindah Rili Sen ti kha a fenhter hna le zeitindah Bawipa nih nihin tiangin a hrawh hna, ti le;

EXODUS 15:10

Sihmanhsehlaw na thaw voi khat na chuah i rili nih a khuh hna; ṭih a nungmi ti chungah khan suan bantukin an tla.

EXODUS 14:13

Moses nih khan mi zapi cu a leh hna i, “Nan thinphang hlah u! Fek tein dir u law nanmah khamh awkah Bawipa nih zeidah nihin ah a tuah lai kha zoh tuah u: cu a tuah laimi cu hihi a si lai, nihin i nan hmuhmi Izipt mi hna hi zeitikhmanh ah nan hmu ṭhan ti hna lai lo.

EXODUS 15:19

Faro rangtum hna cu a rangleng le a mawngtu hna he khan rili chungah an lut i Bawipa nih ti cu a kir ṭhan i a khuh dih hna. Sihmanhsehlaw Israel mi cu rili chung khan vawlei ro cungin an kal.

BIACEIHTU 4:16

Cun Barak nih rangleng hna le ralkap hna cu Harosheth-hagoiim tiang a dawi hna i Sisera ralkap vialte cu vainam in an thi dih; pakhat hmanh an tang lo.

GENESIS 7:18

Ti cu a thuk deuh lengmang i lawng cu ti cungah cun a vuan.

GENESIS 50:9

Rangleng le rangcung ralkap zong kha an kal ve; bu ngan ngaingai an si.

SALM 106:22

Cuka ah cun khuaruahharmi thil tampi a tuah, Rili Sen ah cun thil ṭihnung tampi a tuah hna.