EXODUS 14:25 - Lai (Hakha) Common Language Bible 2006

²⁵ An rangleng ke cu a taapter hna i har lengmang fangfang in an kal kho, cucaah cun Izipt mi nih cun, “Israel mi hi zamtak hna u sih, Bawipa pei anmah lei ah a ṭang i kanmah a kan do ko hi,” an ti.

EXODUS 14:25 Խաչաձեւ Հղումներ

EXODUS 14:14

Bawipa nih nan ral cu an dohpiak hna lai, nannih cu zeihmanh nan tuah a herh lai lo,” a ti.

JEREMIAH 51:21

Nangmah in rangtum le a cung i aa citmi cu ka thah hna,

JOB 20:24

Vainam khan luat aa zuam tikah dar cantiang nih khan a rak thil lai;

DEUTERONOMI 3:22

Nan ṭih hna lai lo, zeitintiah Bawipa nan Pathian cu an dohpiaktu hna a si,’ tiah ka ti.

AMOS 9:1

Bawipa cu biakṭheng pawng i a dir kha ka hmuh i hi bangin a ti: “Innleng kha aa hninh dih nakhnga tung par kha tu tuah hna, Cun cuka i a ummi hna cu an lu ah a tlak hna nakhnga kuai cikcek in deng hna. An dih cikcek tiangin vainam in ka thah hna lai. Ahohmanh a luatmi an um lai lo, A tangmi him tein a ummi zong an um lai lo;

AMOS 5:19

Minung nih chiandeih a zamtak i vom he an i ton ni bantuk, Inn chungah a luh i vampang a vun dah i rul nih a rak cuk ni bantuk a si lai.

SALM 76:6

Na ṭhih hna tikah maw Jakob Pathian, an rangtum vialte le an rangcung ralkap vialte cu an ril dih!

SALM 68:12

“Siangpahrang hna le an ralkap hna cu an zam cang,” an ti. Inn i a ummi nu hna nih khan, hranchaw an tlaihmi kha an rak i phaw;

SALM 46:9

Hi vawleicung pumpi ah ral cu a daihter dih ko hna, likuk cu a khiah hna i fei cu a hrawh dih hna, phaw hna cu mei in a khangh dih hna.

JOB 27:22

Zaangfahnak um loin a hranh i a ṭhawnnak nih khan heh tiah a den chih.

JOB 11:20

Sihmanhsehlaw miṭhalo cu mitcawtnak nih khan a tlakhnawh lai i Luatnak lam vialte kha a thlau hna lai, An i ruahchanmi cu, an thaw hmanung bik chuah kha a si ko lai,” tiah a ti.

AMOS 1:14

Gilead ram nelrawn i fapawi nu hna cu an hlai dih hna Cucaah Rabbah kulhnak vampang cungah cun mei ka thlah lai i Cu mei nih cun an ralhruang vialte kha a kangh dih hna lai; Cu ni ah cun raltuknak hmun khan aunak a um lai i Thlichia le ṭotho an hrang lai.

BIACEIHTU 4:15

Cun Bawipa nih Sisera le a rangleng vialte le a ralkap vialte cu vainam in a sualsawhrok dih cikcek hna; Sisera cu a rangleng cungin a ṭum i a ke in a zaam.

EXODUS 14:4

Faro cu a lung ka ṭhawnter lai i a dawi hna lai i Faro le a ralkapbu cu ka tei hna lai, cu ka tei hnanak nih khan upatnak a ka hmuhter lai. Izipt mi nih keimah cu Bawipa ka si kha an hngalh lai,” a ti. Israel mi nih cun a chimh hna bang khan an tuah.

EXODUS 14:18

Annih cu ka tei hna tikah Izipt mi nih khan Bawipa ka si cu an hngalh lai,” a ti.

DEUTERONOMI 32:31

An lungpi cu kan Lungpi bantuk a si lo, Kan ral hna cu mihrut an si.

NEHEMIAH 6:16

Cun kan ral vialte nih an theih tikah, kan pawngkam i a ummi miphun vialte hna cu an thin a phang i anmah le anmah an i zumhnak kha a ṭum ngaingai; zeicahtiah hi rian cu kan Pathian bawmhnak thawngin liim a si ti kha an hngalh.

EXODUS 15:3

Bawipa cu ralkap a si, a min cu Bawipa a si.

DEUTERONOMI 1:30

Izipt ram i nan mithmuh ah an tuahpiak hna bantuk le mipa nih a fa a puak bantuk i Bawipa nan Pathian nih ramlak i nan kalnak lam vialte ah, hi hmun nan phak hlantiang, an puak hna nan hmuh bantuk khan nan hmai i a kalmi Bawipa nan Pathian hrimhrim nih an dohpiak hna lai,’ tiah ka ti.

JOSHUA 10:14

Cu bantuk ni, Bawipa nih minung aw a ngaih ni bantuk kha, cu hlanah siseh cu hnuah siseh a um bal lo; zeitintiah Bawipa nih Israel cu a dohpiak.

2 CHANRELNAK 20:29

Cun Bawipa nih Israel mi hna i an ral cu a tuk hna ti an theih tikah ram kip mi nih Bawipa cu an ṭih.

NEHEMIAH 4:14

Cun thil umtuning kha ka hei zoh i, tuavon hna le bawi hna le mi zapi a dang dang hna kha, “Annih cu ṭih hna hlah u. A lian a ngan i ṭih a nungmi Bawipa kha hngal camcin tuah u, cun nan unau hna le nan fapa hna le nan fanu hna le nan nupi hna le nan inn hna caah khan do hna u,” tiah ka ti hna.

NEHEMIAH 9:11

Cun an hmaiah rili kha na cheu i cucaah rili chungah khan vawlei ro cungin an kal; cun a dawitu hna kha, a ṭhawngmi ti chungah lung a tlak bangin, a thukmi ti chungah na paih hna.

SALM 35:1

A ka dohmi kha do ve hna law a ka tumi kha tu ve hna, Maw Bawipa.

ISAIAH 31:4

Bawipa nih a ka thawh i, “Sa a uammi chiandeih cu tuukhal pawl nih an au an khuanhnawh len zongah an ṭhawl khawh lo bantukin keimah Ralkapbu Bawipa zong hi, Zion Tlang ka humhaknak hin zeihmanh nih a ka ṭhawl kho lai lo.