EXODUS 14:24 - Lai (Hakha) Common Language Bible 2006

²⁴ Khuadei laite ah khin Bawipa nih cun minmei tom le mei tom chung khan Izipt mi kha a vun zoh hna i a tuaiter dih hna.

EXODUS 14:24 Խաչաձեւ Հղումներ

EXODUS 13:21

Chun ah Bawipa cu an hmaiah minmei tom in annih kha lam hmuhsak awkah a kal i zan ah an hmaiah mei tom in annih kha ceunak pek awkah a kal, cucaah cun zan zongah chun zongah an kal kho.

EXODUS 14:25

An rangleng ke cu a taapter hna i har lengmang fangfang in an kal kho, cucaah cun Izipt mi nih cun, “Israel mi hi zamtak hna u sih, Bawipa pei anmah lei ah a ṭang i kanmah a kan do ko hi,” an ti.

SALM 48:5

Sihmanhsehlaw an hmuh tikah an lau i an thin a phang i an zam.

JOB 40:12

Aa porhlawmi paoh cu zoh hna law tangah ṭhum ko hna; Cun miṭhalo hna cu an dirnak ah khan lam hna.

JOB 34:29

Dai tein a um zongah aho nih dah sual an phawt khawh lai? A hmai kha a thuh tikah aho nih dah an mawhchiat khawh lai? Lung a khongmi miphun le a mi vialte hna cungah, Pathian zei i a rel lomi siangpahrang kha an bawi i a ser bel ah zeitindik a si hnga?

JOB 34:20

Hmakhatte ah zanṭim ah a thi khomi an si; A tawngh hna tikah mirum cu an lo ko, Miṭhawng hna cu minung kut in si loin an lo ko.

SALM 104:32

Vawlei kha a zoh tikah vawlei cu a ther in a ther, tlang kha a tawngh tikah meikhu kha a chuak.

JOB 22:13

Sihmanhsehlaw nang nih cun naa thawh i, ‘Pathian nih zeidah a hngalh? Muihnak nih a tuam i biaceih khawhnak ah khua a hmu kho lai lo;

1 SAMUEL 11:11

Cun a thaizing ah Saul nih mi kha phu thum ah a ṭhen hna i zinglei ven caan ah khin riahhmun chungah khan an lut i chun ni linh tiang Ammon mi kha an sam hna, cun a nung rihmi cu an i ṭhek dih i cucaah pahnih in a um ṭimi an um lo.

SALM 78:14

Chun ah khuadawm in a hruai hna i zan ah mei ceu in a hruai hna.

SALM 90:4

Kum thong khat hi nang caah cun ni khat bantuk a si; a dih cangmi nizan bantuk kha a si ko, zan khat chung i suimilam caan tawite pakhat bantuk khi a si ko.

AMOS 9:4

An ral hna nih sal ah a bubu in an hruai hna zongah, Khika zongah cun vainam kha that hna ka ti ṭhiamṭhiam lai; An ṭhatnak ding caah si loin a chiatnak ding caah An cungah ka mit kha ka chiah peng ko lai.