EXODUS 14:21 - Lai (Hakha) Common Language Bible 2006

²¹ Moses nih rili cungah khan a kut a hler i zan khuadei a ṭhawngmi nichuahlei thli kha a hrang i cu thli nih cun rili cu a nam i vawlei ro ah a canter. Ti cu aa ṭhen i

EXODUS 14:21 Խաչաձեւ Հղումներ

ISAIAH 63:12

Zungzal hmunmi minthannak hmuh awkah, a mi hna hmaiah rili hmanh a cheu i a sal Moses thawngin thil lianngan a tuah i a ṭhawnnak a hmangmi Bawipa kha khuika ah dah a si hnga?” an ti.

EXODUS 15:8

Na thaw in na chem i ti cu an i chong, a luang liomi ti cu vampang bangin a dir; rili thuk cu a ne tiangin a hak.

SALM 66:6

Rili cu vawlei ro ah a canter i kan pupa hna nih tiva cu an ke in an tan. Cuka ah cun, a tuahmi thil ruangah khan kan i lawm.

ISAIAH 51:10

Rili ti kha a kaoter i rili chungin lam a tuahtu kha nangmah na si i na khamhmi hna nih khan cuka cun an tan.

SALM 78:13

Rili kha a cheu i a chungin a hruai hna; ti cu vampang bantukin a dirter hna.

SALM 74:13

A ṭhawngmi na thazang in rili kha na cheu i rili chung rulpi kha an lu na den dih hna.

NEHEMIAH 9:11

Cun an hmaiah rili kha na cheu i cucaah rili chungah khan vawlei ro cungin an kal; cun a dawitu hna kha, a ṭhawngmi ti chungah lung a tlak bangin, a thukmi ti chungah na paih hna.

JOSHUA 4:23

Bawipa nan Pathian nih kan tan dih hlantiang kan caah a cartermi Rili Sen cungah a tuah bang khan, Jordan tiva ti cu nan tan dih hlantiang a carter,

SALM 136:13

Rili Sen kha a cheu, a dawtnak cu zungzal in a hmun.

EXODUS 14:16

Na ṭhiangṭhunh kha hler law rili cungah khan na kut samh tuah, cun rili kha aa ṭhen lai i Israel mi cu rili chung khan vawlei ro cungin an kal kho lai.

ISAIAH 51:15

“Keimah cu Bawipa nan Pathian ka si; rili cu ka thawhter i a tilet cu ka awnhter hna. Ka min cu Ralkapbu Bawipa a si!

JOB 26:12

A ṭhawnnak in rili rulpi kha a cheu, a thiamnak in Rahab kha a thah.

LAMKALTU 7:36

A miphun kha Izipt ram in a chuahpi hna i Izipt ram le Rili Sen le thetse ram ah khan kum sawm li chung khuaruahhar le hmelchunhnak thil kha a tuah hna.

GENESIS 8:1

Pathian nih Noah le a sin i lawng chungah a ummi saram vialte le saṭil vialte kha a philh hna lo, cucaah vawlei cungah thli a hranter i ti cu ṭum hram aa thawk.

EXODUS 7:19

Bawipa nih Moses cu a thawh i, “Aaron kha, ‘Na ṭhiangṭhunh cu Izipt ram chung ti vialte cungah hler tuah, tiva si hna seh, tilak si hna seh, tidil si hna seh, an cungah hler tuah. Ti cu thisen ah an i cang dih lai i ram chungah khan a dihlak in thisen a um lai, thing tikuang le lung tikuang hmanh ah thisen cu a um lai,’ tiah chim,” a ti.

EXODUS 14:20

Izipt mi ralkapbu le Israel mi ralkapbu hna karlak ah khan minmei tom cu a um. Minmei nih cun khua a muihter i khuamuih zong a tuanhter, cucaah zan khuadei Izipt ralkapbu le Israel ralkapbu cu pakhat le pakhat an i naih kho lo.

JOSHUA 2:10

Zeitintiah Izipt ram in nan chuah tikah zeitindah Bawipa nih nan hmaiah Rili Sen ti kha a carter i zeitindah Jordan tiva ral ah a ummi Amor mi siangpahrang pahnih Sihon le Og kha nan hrawh cikcek hna kha kan theih.

JOSHUA 3:17

Cun Israel mi vialte nih leiro cungin an tan lioah, Jordan tiva chungah cun, Bawipa biakamnak kuang a zawntu tlangbawi hna kha, an phun ning piin Jordan tiva cu an tan dih hlantiang, leiro cungah cun an dir.

2 SIANGPAHRANG 2:8

Cun Elijah nih a puan kha aa lak i a zual i ti kha a tuk i an pahnih in lei ro cungin an va kai hlan tiang, ti cu khattelei kam le khattelei kamah an i ṭhen.

ISAIAH 23:11

Bawipa nih rili cungah a kut a samh cang i pennak kha a hrawh cang hna. Foinisia ram chawleh chawhrawlnak hmun kha hrawh awkah nawlbia a chuah cang.

ISAIAH 43:16

Hlanpi ah hin Bawipa nih rili tan in lam pakhat a rak ser i cu lam cu tilet chungin a kal.

ISAIAH 50:2

Ka mi hna cu anmah khamh awk i ka hei fuh hna tikah khan, zeicahdah an ka leh duh lo? Ka auh hna tikah khan, zeicahdah an ka chawnh duh lo? Anmah khamhtu dingah ka der tuk maw? Ka bia in rili kha ka kaoter khawh i tiva kha thetse ram ah ka canter khawh hna; an chung i a ummi nga kha ti an hmuh lo caah an thi.

ISAIAH 63:13

Bawipa nih ti thuk a tanpi lio hna ah khan, ramlak rang bantukin an ke a fek i voi khat hmanh an ril lo.

HABAKKUK 3:8

Maw Bawipa, tiva hna cungah na thin a hung maw? Na thin hunhnawhmi cu tiva cu an si maw? Nangmah nih na teinak rangleng a hnuktu rangtum hna cu na chiah hna tikah, Na thinhunnak cu Rili cungah a si maw?

JOB 38:24

Zei lam in dah linhnak cu khuazakip ah ṭhek a si i Nichuahlei thli nih vawlei cungah a kalpi dih hna?

SALM 148:8

Nimtlau le rial, hawhra le khuadawm, a nawl a ngaimi thlichia, nannih nih Bawipa cu thangṭhat ko u!

ISAIAH 44:27

Rili cu ka nawl in ka carter.