EXODUS 13:18 - Lai (Hakha) Common Language Bible 2006

¹⁸ Phihlik kheng tlang vel in a velter deuh hna i thetse ram in Rili Sen lei tu ah khan a kalpi hna. Israel mi cu ral hriamnam tling tein an ngei.

EXODUS 13:18 Խաչաձեւ Հղումներ

DEUTERONOMI 32:10

“Amah nih thetse ram ah khan a char, Thetse ram thlitu a awn vungmangmi ah khan a char. A kulh, a zohkhenh, a mit falai bantukin a ven.

EXODUS 14:2

“Israel mi kha, hnulei ah kir u law Pi-ha-hiroth hmai Migdol le rili karlak, Baal-zefon hmai, rili kamah khan riak u, tiah chim hna.

EXODUS 12:51

Cu ni hrimhrim ah cun Bawipa nih Israel mi hna cu an bu an bu cio in Izipt ram khan a chuahpi hna.

SALM 107:7

A hruai hna i an umnak ding khua ah khan a kalpi hna.

JOSHUA 1:14

Nan nupile hna le nan fale hna le nan saṭil cu Jordan tiva ral Moses nih an pekmi hna ram ah hin an rung tang lai; sihmanhsehlaw nannih lak i miralṭha vialte cu ralthuam in i thuam in, nan unau hna hmaiah nan kai lai i nan bawmh hna lai,

DEUTERONOMI 17:16

Amah belte amah caah rang kha a tamter chin hna lai lo, a rang tamter awkah mi kha Izipt ram ah a kirter fawn hna lai lo, zeicahtiah Bawipa nih nannih sinah, ‘Khi leiah nan kir hrimhrim ti lai lo,’ tiah a chim cang.

JOSHUA 4:12

Reuben fapa hna le Gad fapa hna le Manasseh phun cheu hna kha Moses nih a rak chimh hna bang khan Israel mi hmaiah cun hriamnam i ken in an kal;

JOSHUA 4:13

ral doh dingah timh cia tein ralthuam in aa thuammi mi sang li tluk, Bawipa hmaiah ral doh awkah, Jeriko nelrawn leiah cun an kal.

SALM 136:16

Thetse ram chungah khan a mi kha amah nih a hruai hna, a dawtnak cu zungzal in a hmun.

GENESIS 50:25

Cun Josef nih cun Israel fapale kha bia a kamter hna i, “Pathian nih nannih kha ka chim bantuk cun an bawmh hna tikah ka ruh hi hi hmun hin nan sinah i kalpi hrimhrim dingin bia ka kam u,” a ti hna.

EXODUS 14:9

Izipt mi nih cun an rangtum vialte he, Faro rangleng hna le a mawngtu hna le a ralkap hna he cun an dawi ciammam hna i rili kam i an riahnak Pi-ha-hiroth pawng Baal-zefon hmaiah khan an hei phak hna.

SALM 68:8

vawlei cu aa hnin i van in ruahpi a sur; cu bantukin a si cu Sinai Tlang Pathian a rat ca le Israel Pathian a rat ruangah a si.