EXODUS 12:5 - Lai (Hakha) Common Language Bible 2006

⁵ Cu sa cu a bei lomi, hma zeihmanh a ngei lomi, kum khat a timi a si lai; tuu zong a si ah, meheh zong a si ah, a zeipaoh kha nan i thim khawh lai.

EXODUS 12:5 Խաչաձեւ Հղումներ

MALAKHI 1:14

‘A tuurun chungah a ṭhami tuukawng a ngei ko nain a biakam tlinternak caah Bawipa sinah hlennak in do a tla lomi saṭil a pechanmi cu a cungah chiat tlung seh! Keimah cu a liannganmi Siangpahrang ka si i ka min cu miphun hna nih an ṭih, tiah ralkapbu Bawipa nih a ti.

DEUTERONOMI 17:1

“Bawipa nan Pathian sinah cawtum siseh tuu siseh dotla lo le tlin lonak zeihmanh a ngeimi paoh cu raithawinak ah nan hmang lai lo, zeitintiah mah cucu Bawipa nan Pathian caah fihnung a si.

HEBRU 7:26

Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.

LEVITIKAS 23:12

Cun faphal nan hninh ni ah cun tuufa dotla, a pa, kum khat a timi Bawipa sin i khangh thawinak caah nan thawi lai.

LEVITIKAS 1:10

“Khangh thawinak ca i a pekchanhmi cu tuurun chungin siseh, meheh run chungin siseh a si ahcun, a tum dotla a si lai;

LEVITIKAS 1:3

“A pekchanhnak cu cawrun chungin khangh thawinak a si ahcun, a tum do a tlami kha pek a si lai; Bawipa hmaiah amah cu cohlan a si nakhnga tonnak thlam innka ah cun a pek lai;

1 SAMUEL 13:1

Saul cu pennak hram a thawk tikah kum … a si i amah nih kum … le kum hnih Israel mi kha a uk hna.

EXODUS 12:4

Cun innchungkhar pakhatkhat cu, kha sa kha a pum in a ei khotu dingah mi nan tlawm tuk ahcun nan innpa nanmah an changtu hna he khan, a minung zat tuak in, cu sa cu nan i hrawm lai. Pakhat nih zeizat dah ei khawh a si ti tuak in cu sa a ei dingmi cu, cu zat cu si u sih ti khan nan khaan lai.

NAMBAR 7:57

khangh thawinak ca i cawtum no pakhat, tuukawng pakhat, tuufa a pa kum khat a timi pakhat;

NAMBAR 7:39

khangh thawinak ca i cawtum no pakhat, tuukawng pakhat, tuufa a pa kum khat a timi pakhat;