EXODUS 12:49 - Lai (Hakha) Common Language Bible 2006

⁴⁹ Cu phunglam nih cun Israel mi taktak zong kha a nenh hna i nan sin i khua a sami ramdangmi zong kha a nenh hna,” tiah a ti.

EXODUS 12:49 Խաչաձեւ Հղումներ

NAMBAR 15:29

Hngalh loin palhnak a tuahmi caah phungbia pakhat lawnglawng nan ngei lai, amah cu Israel mi taktak a si ah siseh, an lak i a pemmi khual a si ah siseh.

NAMBAR 9:14

Cun nan lakah khual pakhat a pem i Bawipa sin lanhtak puai cu a nawlbia le a phunglam ning in ulh a duh ve ahcun, cu bantuk cun tuah ko seh; mipem ca le mah ram mi caah nawlbia pakhat lawng nan ngeih awk a si lai,” tiah a ti.

LEVITIKAS 24:22

Mipem ca le laikhat caah phungbia pakhat nan ngei lai tiah chim hna; zeitintiah keimah cu Bawipa nan Pathian ka si,” tiah a ti.

GALATI 3:28

Cucaah Judah mi le Jentail mi, sal le luatmi, nu le pa karah zeihmanh thleidannak a um ti lo, Khrih Jesuh he nan i pehtlaihnak thawngin pakhat nan si dih cang.

KOLOSE 3:11

Cu a phichuak cu hihi a si: Jentail mi ti a um ti lo, Judah mi ti a um ti lo, cuarpartan ti a um ti lo, tan lomi ti a um ti lo, mihrut, Sithian mi, miluat, sal, ti a um ti lo, zeizong vialte cu Khrih a si ko i zeizong vialte chungah Khrih cu a um ko.

EXODUS 12:50

Israel mi vialte nih khan Moses le Aaron chimmi cu an ngaih i Bawipa nih Moses le Aaron a fialmi hna ning khan an tuah.

LEVITIKAS 19:34

Nannih an pemmi hna khual cu nannih lak i nanmah rammi bantuk a si lai i nangmah naa dawt bantukin na dawt lai; zeitintiah nannih zong Izipt ram ah khual nan rak si: kei cu Bawipa nan Pathian ka si.

NAMBAR 35:15

Hi khua paruk hna hi Israel mi ca le phun dangmi le an sinah a pemmi khual hna caah an si lai, timhnak ngei loin mi a thatmi paoh nih cuka ah an zam khawh nakhnga.