EXODUS 12:48 - Lai (Hakha) Common Language Bible 2006

⁴⁸ Ramdangmi pakhatkhat nan sinah a um i Bawipa sinah lanhtak puai kha tuah a duh ve ahcun a sin i a ummi pa vialte kha an cuarpar nan tan hmasa hna lai i cu hnuah cun puai ah cun aa tel kho lai; amah cu Israel mi taktak bantukin nan zoh lai. Sihmanhsehlaw cuarpar tan lomi nih cun an ei hrimhrim lai lo.

EXODUS 12:48 Խաչաձեւ Հղումներ

NAMBAR 9:14

Cun nan lakah khual pakhat a pem i Bawipa sin lanhtak puai cu a nawlbia le a phunglam ning in ulh a duh ve ahcun, cu bantuk cun tuah ko seh; mipem ca le mah ram mi caah nawlbia pakhat lawng nan ngeih awk a si lai,” tiah a ti.

KOLOSE 3:11

Cu a phichuak cu hihi a si: Jentail mi ti a um ti lo, Judah mi ti a um ti lo, cuarpartan ti a um ti lo, tan lomi ti a um ti lo, mihrut, Sithian mi, miluat, sal, ti a um ti lo, zeizong vialte cu Khrih a si ko i zeizong vialte chungah Khrih cu a um ko.

GALATI 3:28

Cucaah Judah mi le Jentail mi, sal le luatmi, nu le pa karah zeihmanh thleidannak a um ti lo, Khrih Jesuh he nan i pehtlaihnak thawngin pakhat nan si dih cang.

EZEKIEL 47:22

Hi ram cu Israel miphun hna kha ro caah camcawhfung khiah in nan i phaw lai, cun ramdangmi nan sin i a ummi hna zong kha fapa a ngeimi cu nan phawt ve hna lai. Annih cu Israel ram kek ah nan rel ve hna lai i Israel miphun hna lakah khan camcawhfung khiah in ro kha an co ve lai.

EXODUS 12:43

Bawipa nih Moses le Aaron cu a thawh hna i, “Lanhtak Puai tuah ningcang cu hi bantukin a si lai: Ramdangmi ahohmanh nih an ei lai lo,

EXODUS 12:19

Ni sarih chung, nan inn chungah thilnu nan chia hrimhrim lai lo, thilnu phulhmi changreu a eimi cu nanmah miphun chung mi a si ah, ramdang mi a si ah, Israel mi bu chungin thlei a si lai.

EZEKIEL 44:9

Mah hihi Bawipa Pathian bia an si: Ramdangmi ahohmanh, lungthin in siseh, pum in siseh, cuarpar tan lo a simi cu ka hmunthiang chungah an lut kho lai lo, Israel mi lak i a ummi hmanh ramdangmi cu ahohmanh an lut kho lai lo.

GENESIS 17:11

Atu ri hin cun fapa nan ngeihmi paohpaoh cu ni riat a si ah an cuarpar nan tan hrimhrim hna lai, nan inn chung i a chuakmi nan sal hna zong, cun ramdangmi sin i nan cawkmi sal hna zong an i tel chih dih lai. Hi nih hin nanmah le keimah karlakah biakamnak a um kha a langhter lai.

EZEKIEL 14:7

Israel mi nih si hna seh, miphundang mi nih si hna seh, ahohmanh nih keimah kha an ka hlawt i an lung in siasal kha an i khihchih i anmah rilhnak a tluntertu thil ṭhalo kha an i zohchih peng i cu bantuk mi hna nih cun keimah kha chawnh awkah profet sinah an rat ahcun, keimah Bawipa nih annih cu ka pum in ka leh hna lai.

LEVITIKAS 19:34

Nannih an pemmi hna khual cu nannih lak i nanmah rammi bantuk a si lai i nangmah naa dawt bantukin na dawt lai; zeitintiah nannih zong Izipt ram ah khual nan rak si: kei cu Bawipa nan Pathian ka si.