EXODUS 12:32 - Lai (Hakha) Common Language Bible 2006

³² Nan ka hal bangin nan tuu le nan meheh le nan caw kha i kalpi hna u law, chuak u. Cun thluachuahnak ka hmuh nakhnga thla ka campiak u,” a ti hna.

EXODUS 12:32 Խաչաձեւ Հղումներ

EXODUS 10:26

Kan saṭil cu kan sinah an kal ve hrimhrim a hau; pakhat hmanh kan kaltak hna lai lo. Bawipa kan Pathian biaknak caah cun saṭil kha kan thim hna a hau lai i cuka kan va phak hlanah cun kanmah hrimhrim zong nih Bawipa biaknak caah zei hi dah kan hman hna lai ti kha kan hngal rih lai lo,” a ti.

GENESIS 27:34

Cucu Esau nih a theih tikah fakpi le lunghno ngaiin a ṭap i, “Kei zong na thluachuahnak cu ka pe ve ko,” tiah a ti.

EXODUS 10:9

Moses nih cun, “Kan dihlak in kan kal lai, kan ngakchia hna he, kan tar hna he, kan fapa hna he ka fanu hna he, kan tuu hna he kan meheh hna he kan caw hna he kan kal lai, zeicahtiah Bawipa sinah biaknak puai kan ngeih awk a herh,” a ti.

EXODUS 9:28

Bawipa sinah cun thlacam u; hi khuari le rial hi kan ing kho ti hna lo. Nan kal lai, tiah bia kan kam hna, sau nan hngah a hau ti lai lo,” a ti.

EXODUS 8:28

Faro nih cun, “Lamhlapi nan kal lo ding ahcun, thetse ram ah khan Bawipa nan Pathian sin i raithawi awkah cun kan kalter ko hna lai. Thla ka campiak tuah u,” a ti hna.

GENESIS 27:38

Esau nih a pa cu ngol duh loin a nawl chih lengmang i, “Ka pa, thluachuahnak cu pakhat lawng maw na ngeih ko? Kei zong ka pe ve ko,” a ti i fak piin a ṭap.

GENESIS 15:14

Asinain cu bantukin a hremtu hna miphun kha keimah nih dan ka tat hna lai i cu ram in an chuah tikah chawva tampi he an chuak lai.