EXODUS 12:31 - Lai (Hakha) Common Language Bible 2006

³¹ Cu zan ṭhiamṭhiam ah cun Faro nih khan Moses le Aaron cu a auh hna i, “Nanmah le Israel mi hna cu khulrang in chuak u. Ka mi kha kaltak hna u law nan ti bangin nan Pathian cu va bia u.

EXODUS 12:31 Խաչաձեւ Հղումներ

EXODUS 6:1

Cun Bawipa nih Moses cu a thawh i, “Atu cu Faro cungah zeidah ka tuah lai ti kha na hmuh cang lai. Annih kalter dingah khan a hnek hrimhrim in ka hnek lai. A ram chungin a ṭhawl hrimhrim in an ṭhawl hna lai,” a ti.

SALM 105:38

Izipt mi nih khan annih cu an ṭih hna caah an kal tikah khan Izipt mi cu an i lawm.

EXODUS 10:9

Moses nih cun, “Kan dihlak in kan kal lai, kan ngakchia hna he, kan tar hna he, kan fapa hna he ka fanu hna he, kan tuu hna he kan meheh hna he kan caw hna he kan kal lai, zeicahtiah Bawipa sinah biaknak puai kan ngeih awk a herh,” a ti.

EXODUS 8:8

Faro nih Moses le Aaron kha a auh hna i, “Bawipa sinah cun thlacam u law ka mi hna sin hin utlak hi la hna seh, cun nan mi hna cu Bawipa sinah raithawinak an pekchanh khawh nakhnga ka kalter hna lai,” a ti.

EXODUS 11:8

“Cun na bawi vialte hna hi ka sinah an ra lai i ka hmaiah an kun lai i, ‘Nangmah le na mi hna cu va kal ko u,’ tiah an ti lai. Cu hnuah cun hi ram hin ka chuak lai,” tiah a ti fawn. Cun thinhung ngaiin Moses nih Faro cu a chuahtak.

EXODUS 10:29

Moses nih cun, “Na chim bang cun si ko seh! Zeitikhmanh ah in hmu ti hlah ning,” tiah a leh.

EXODUS 8:25

Cun Faro nih khan Moses le Aaron kha a auh hna i, “Va kal u law hi ram chungah hin nan Pathian sinah cun raithawinak cu va tuah u,” a ti.

EXODUS 11:1

Bawipa nih Moses cu a thawh i, “Faro le Izipt mi hna cungah hin dantatnak pakhat lawnglawng ka tlunter rih lai. Cu hnuah cun an kalter ko hna lai. An kalter hna tikah cun a ṭhawl in an ṭhawl hna lai.

EXODUS 12:39

Izipt ram in an i chuahpimi thilnu telh lo changnawn kha changreu ah an ser. Izipt ram in khulrang tuk in an ṭhawl hna caah khan thilnu cu an phulh lo. Rawl i timhlamhnak caan zeihmanh an ngei lo.

1 SAMUEL 6:6

Zeicahdah Izipt mi le Faro nih an lung an hahter bantukin nan hahter ve lai? A cawhdeh hna hnuah mi kha an kalter hna i an chuak, a si lo mei?