EXODUS 12:15 - Lai (Hakha) Common Language Bible 2006

¹⁵ “ ‘Ni sarih chung thilnu phulh lo changreu kha nan ei lai. A hmasa bik ni ah, nan inn chung khan thilnu kha nan thianh dih hna lai, a ni hmasa bik ni in a ni sarihnak ni tiang thilnu phulhmi changreu a eimi cu Israel mi chung khan thlei an si lai.

EXODUS 12:15 Խաչաձեւ Հղումներ

DEUTERONOMI 16:3

Thilnu cawhmi changreu nan ei chih lai lo; thilnu cawh lo changreu, temhinnak changreu he cun ni sarih chung nan ei lai. Izipt ram chungin nan chuah ni kha nan nunchung vialte nan hngalh camcin nakhnga — Izipt ram chung i namhnaw ngaiin nan rak zam kha.

GENESIS 17:14

Cuarpar aa tan lomi pa cu a miphun chungin hlonh a si lai, zeicahtiah keimah he biakamnak cu a zul lo,” tiah a ti.

NAMBAR 9:13

Sihmanhsehlaw a thiang a si i khual a tlawng lo nain lanhtak puai ulh loin a um menmi cu, cu mi cu a mi hna sinin hlonh a si lai, zeicahtiah Bawipa sin pekchanhnak cu a caan khiahmi te ah khan a pek lo caah; mah mi nih cun a sualnak cu a phorh ko lai.

EXODUS 34:18

“Thilnu Phulh Lo Changreu Puai kha nan tuah lai; Abib thla chungah khan nan tuah lai, kan fial hna bantukin thilnu telh lo changreu kha ni sarih chung nan ei lai; zeicahtiah Abib thla kha Izipt ram in nan chuah thla a si.

EXODUS 23:15

Thilnu Phulh Lo Changreu puai kha nan tuah lai; kan chimh cang hna bantuk khan, Abib thla chung i ni khiahmi ni sarih chung kha thilnu phulh lo changreu nan ei lai, zeicahtiah cu thla cu Izipt ram in nan chuah thla kha a si. Ahohmanh ka hmaiah kut put ngei loin nan chuak lai lo.

DEUTERONOMI 16:8

Ni ruk chung thilnu cawh lo changreu kha nan ei lai; ni sarihnak ni ah Bawipa nan Pathian caah a liannganmi pumhnak a um lai; cu ni ah cun rian nan ṭuan lai lo.

NAMBAR 28:17

Cun hi thla ni hleinga ni ah hin puai a si; ni sarih chung thilnu telh lo changreu ei a si lai.

EXODUS 34:25

“Raithawinak caah saram nan ka pek tikah thilnu phulhmi changreu nan hmang lai lo. Lanhtak Puai i nan thahmi sa kha a thaizing tiang zeihmanh nan i chiah lai lo.

EXODUS 12:8

Cu zan ah cun sa cu a em in nan em lai i thilnu phulh lo changreu le ankha he nan ei lai.

GALATI 5:12

An tuaitamtu hna nih hin a dongh tiang lawlaw in tuah hna seh law ka hei duh hnga dah — an til i dit lawlaw hna seh!

LAMKALTU 12:3

hi nih hin Judah mi kha an lung a lawmhter hna ti kha a hmuh tikah Peter zong kha a tlaihter fawn hna. (Mah hihi Thilnu Phulh Lo Changreu Puai lioah khan a si).

LUKA 12:1

Mi cu a thongthong in an i pum i, i pah lulhmalh in an um tikah, Jesuh nih a hmasa bik ah a zultu kha a thawh hna i, “Farasi mi thilnu kha i ralring u, ka chim duhmi cu midepde an sinak hi a si.

MATTHAI 16:12

Khi tikah a zultu pawl nih khan, i ralring u, a kan timi hi changreu rawhnak thilnu kha si loin, Farasi mi hna le Sadusi mi hna cawnpiaknak kha a si, ti kha an hngalh.

MALAKHI 2:12

Hi thil a tuahmi hna paoh cu, umhmun khuar in khua a sami an si ah, a vak a vai lengmangmi an si ah, Ralkapbu Bawipa sinah pekchanhnak kha rak pu hna hmanh seh law, Bawipa nih Jakob umnak hmun in a ṭhawl hna lai.

DEUTERONOMI 16:5

Bawipa nan Pathian nih an pekmi hna nan khua chungah lanhtak thawinak cu nan pechan lai lo;

LEVITIKAS 17:14

“Zeitintiah titsa vialte nunnak cu thi cu a si; cu caah Israel mi sinah, zei sa thi hmanh nan ei lai lo, zeitintiah titsa vialte nunnak cu an thi cu a si; a eitu paoh cu hlonh a si lai, tiah ka rak ti.

LEVITIKAS 17:10

“Israel innchungkhar mi siseh, an sin i a pemmi siseh, ahohmanh nih zei thi hmanh a ei ahcun, thi a eimi cu ka hmai ka chiathnawh lai i a mi hna chungin ka hlonh lai.

EXODUS 31:14

Cucaah cun dinhnak ni cu nan ca i ni zarh ah ser a si cang caah, nan ulh hrimhrim awk a si. A ul lomi cu thah a si hrimhrim lai. Dinh ni i rian a ṭuanmi paoh cu a phun hawi sinin thlei a si hrimhrim lai.

LUKA 2:43

Puai ni kha a dih tikah inn lei tlun ah khan an i thawh, sihmanhsehlaw ngakchiapa Jesuh kha Jerusalem khua ah cun a tang. Cucu a nu le a pa nih an hngal lo;

EXODUS 30:33

Hi bantuk chiti a sermi siseh, tlangbawi a si lomi thuhnak ca i hi chiti a hmangmi siseh, cu bantuk mi cu a phunhawi sinin thlei an si lai,’ tiah na chimh hna lai,” a ti.

2 CHANRELNAK 30:21

Cun Jerusalem i a ummi Israel mi hna nih cun thilnu telh lo changreu puai cu ni sarih chung lunglawm ngaingai in an hman; cun Levi mi hna le tlangbawi hna nih khan Bawipa cu ni fate an thangṭhat i Bawipa cu an thazang dihlak in hla in an hlorh.

EZRA 6:22

Cun thilnu telh lo changreu puai kha ni sarih lunglawmhnak in an tuah; zeicahtiah Pathian nih an lung a lawmhter hna i Assiria siangpahrang lung cu anmah leiah khan a merter, cucaah anih nih khan Pathian, Israel mi hna Pathian inn rian ah khan, a bawmh hna.

EXODUS 13:3

Mi zapi kha Moses nih cun a thawh hna i, “Sal ah nan cannak inn, Izipt ram in nan chuah ni hi philh hrimhrim hlah u, zeicahtiah hi ni ah hin Bawipa nih ṭhawnnak a liannganmi he an chuahpi hna. Thilnu phulhmi changreu nan ei hrimhrim lai lo.

EXODUS 30:38

Ahohmanh hi bantuk zihmui mah hman awkah aa sermi cu a phunhawi sinin thlei a si lai,” a ti.