EXODUS 11:8 - Lai (Hakha) Common Language Bible 2006

⁸ “Cun na bawi vialte hna hi ka sinah an ra lai i ka hmaiah an kun lai i, ‘Nangmah le na mi hna cu va kal ko u,’ tiah an ti lai. Cu hnuah cun hi ram hin ka chuak lai,” tiah a ti fawn. Cun thinhung ngaiin Moses nih Faro cu a chuahtak.

EXODUS 11:8 Խաչաձեւ Հղումներ

DANIEL 3:19

Khi tikah Nebukhadnezzar cu Shadrak le Meshak le Abednego cungah cun a thin a hung tuk hringhran i a thin a hun tuk caah a hmai zong aa simsawi dih.

EZEKIEL 3:14

Thlarau nih a ka cawi i a ka zuanpi i lunglawmhnak he khat in ka kal i Bawipa kut cu ka cungah ṭhawng ngaiin a um.

BIAPHUAN 3:9

Ngai hmanh! Judah mi kan si tiah aa ti i a si ṭung lomi, milihchim pawl, Satan ta a simi kha, na hmaiah ka ratter hna lai i na ke hramah ka kunter hna lai. Annih nih an dihlak in, kan dawt kha, an hngalh lai.

MARKA 3:5

Cu tlukin an lung a hah le an palh kha a hmuh hna tikah a thin a hung a ngaih a chia i mipa cu a thawh i, “Na kut kha samh,” a ti. A samh i a dam ai!

ISAIAH 49:26

Nanmah an hremtu hna cu anmah le anmah kha ka thahter hna lai, lainawn le thinhun kha a rit in an i rit chih lai. Cu tikah mi vialte nih Bawipa ka si kha an hngalh lai i, nanmah an khamhtu hna le an luattertu hna ka si kha an hngalh lai. Keimah cu Israel Pathian ṭhawng ka si kha an hngalh lai,” a ti.

ISAIAH 49:23

Siangpahrang cu nan caah nan pa bantuk an si lai i siangpahrang bawinu hna nih cun hringtu nu bantukin an in umh hna lai. Nan hmaiah niam ngaiin an kun lai i upatnak an in pek hna lai; nanmah an in hmaizah hnanak cu an langhter lai. Khi tikah Bawipa ka si cu nan hngalh lai i keimah bawmhnak a hngakmi paoh cu a khel hna lai lo,” a ti.

SALM 6:1

Bawipa, na thinhung hlah law, ka si hlah! Na thinhun in dan ka tat hlah.

2 SIANGPAHRANG 3:9

Cucaah Israel siangpahrang cu Judah siangpahrang le Edom siangpahrang he tiah an kal. Cun annih nih aa vel in ni sarih an kal tikah ralkap caah siseh, anmah a zultu saṭil hna caah siseh ti a um lo.

1 SIANGPAHRANG 20:10

Benhadad nih a sinah cun a hei thlah hna i, “Cu bangin pathian hna nih ka cungah tuah hna seh law tam deuh zongin tuah hna seh, Samaria khua leidip cu a ka zultu hna caah pei khat cio in a zaat ding a si ahcun,” tiah a ti.

BIACEIHTU 8:5

Cu caah Sukkoth khuami hna sinah cun, “Zaangfahnak in keimah a ka zultu hna kha changreu rak pe hna u; zeicahtiah an baa cang i Midian siangpahrang Zebah le Zalmunna kha ka dawi ṭung hna,” tiah a ti.

BIACEIHTU 4:10

Cun Barak nih Zebulun le Naftali cu Kedesh ah a auh hna; cun mi sang khat a sinah cun an kal; Deborah zong a sinah a kal ve.

DEUTERONOMI 32:24

Rawlṭam in an lotlau lai i A kangh in a kangmi linhnak le sivai ṭha rai nih an ei hna lai; Sahrang ha hna cu, leidip ah a lawnmi thil sivai hna he, An cungah ka tlunter lai.

DEUTERONOMI 29:24

miphun vialte nih, ‘Zeicaahdah Bawipa nih hi ram cungah hi bangin a tuah? Hi thinhunnak a linhnak hi zei sullam dah a si?’ an ti lai.

NAMBAR 12:3

Moses cu vawleicung mi vialte lakah lungnem bik a si.

HEBRU 11:27

Siangpahrang thinhunnak kha ṭih loin Moses cu Izipt ram khan a chuak i cu a chuahtertu cu zumhnak a si; hmuh khawh lomi Pathian kha hmu seh law cu bang, a kir in a kir duh ti lo.

EXODUS 10:29

Moses nih cun, “Na chim bang cun si ko seh! Zeitikhmanh ah in hmu ti hlah ning,” tiah a leh.

NEHEMIAH 5:6

Annih an aukhuannak le an chimmi bia hna cu ka theih tikah ka thin a hung ngaingai.