EXODUS 11:3 - Lai (Hakha) Common Language Bible 2006

³ Bawipa nih Izipt mi cu Israel cungah khan hmaizahnak a ngeihter hna. A ngaingai ti ahcun Izipt bawi pawl le mi zapi nih khan Moses cu mingan ngaingai pakhat ah an ruah.

EXODUS 11:3 Խաչաձեւ Հղումներ

EXODUS 12:36

Bawipa nih Izipt mi cu Israel mi cungah khan hmaizahnak a ngeihter hna i an halmi hna paoh kha an pek hna. Israel mi nih Izipt mi cu an ṭheh ṭipṭiap ko hna.

EXODUS 3:21

“Izipt mi cu ka mi kha kan hmaizahter hna lai i cucaah nan kal tikah kutro in nan kal lai lo.

BIAPHUAN 3:9

Ngai hmanh! Judah mi kan si tiah aa ti i a si ṭung lomi, milihchim pawl, Satan ta a simi kha, na hmaiah ka ratter hna lai i na ke hramah ka kunter hna lai. Annih nih an dihlak in, kan dawt kha, an hngalh lai.

ISAIAH 60:14

Nangmah a rak in hremtu hna an fapale kha an ra ve lai i nangmah cu hmaizahnak pek awkah an kun lai. Hlan i zei ah a rak in rel lomi vialte hna kha na ke hram ah an kun lai. Nangmah cu, ‘Bawipa Khua, Israel Pathian Thiang Khua Zion,’ an in ti lai.

SALM 106:46

Thong i a thlatu hna kha an cungah zaangfahnak a ngeihter hna.

GENESIS 39:21

Asinain Bawipa nih khan Josef cu a umpi i a cungah zaangfahnak a ngei i cucaah thongbawi kha a lung a hmuh ngaingai.

LAMKALTU 7:22

Moses cu Izipt fimnak vialte kha an cawnter i bia ah siseh, thil tinak ah siseh, mingan ngaingai ah a hung cang.

ESTHER 9:4

Mordekai cu siangpahrang inn chungah khan mingan a si i peng dihlak ah khan a min cu a thang chin lengmang i Mordekai cu nawl a ngei chin lengmang.

2 SAMUEL 7:9

cun khuazeika na kalnak hmanh ah nangmah sinah ka um i na hmai in na ral vialte kha ka hloh dih hna; cun vawlei cung i mi lianngan hna min bantukin min ngan kan serpiak lai.

DEUTERONOMI 34:11

Izipt ram chung i Faro le a sal vialte hna le a ram dihlak cungah, hmelchunhnak le khuaruahharnak, Bawipa nih Moses a tuahtermi bantuk le

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

EXODUS 12:35

Israel mi nih cun Moses nih a chimh hna bang khan, Izipt mi cu sui hlawn le ngun hlawn le hnipuan kha an hal hna.

DEUTERONOMI 34:10

Cun cu thawk in Israel mi chungah Bawipa nih hmaitonh in a hngalhmi profet Moses bantuk an chuak ti lo.

JOSHUA 4:14

Khi ni ah Bawipa nih Joshua cu Israel mi vialte hmaiah a hlorh i Moses an rak ṭihzah bantuk khan amah cu a chan chung vialte an ṭihzah ve.