EXODUS 10:17 - Lai (Hakha) Common Language Bible 2006

¹⁷ Cucaah atu voi khatte hi cu, ka sualnak kha ka ngaithiam u law hi thihnak dantatnak hi Bawipa nan Pathian nih a ka ṭhialpiak nakhnga amah sinah cun thla ka campiak u,” a ti hna.

EXODUS 10:17 Խաչաձեւ Հղումներ

EXODUS 8:8

Faro nih Moses le Aaron kha a auh hna i, “Bawipa sinah cun thlacam u law ka mi hna sin hin utlak hi la hna seh, cun nan mi hna cu Bawipa sinah raithawinak an pekchanh khawh nakhnga ka kalter hna lai,” a ti.

EXODUS 9:28

Bawipa sinah cun thlacam u; hi khuari le rial hi kan ing kho ti hna lo. Nan kal lai, tiah bia kan kam hna, sau nan hngah a hau ti lai lo,” a ti.

1 SIANGPAHRANG 13:6

Cun siangpahrang nih Pathian mi cu a thawh i, “Bawipa na Pathian cu ka nawlpiak law, thla ka campiak tuah, ka kut hi a dam ṭhan nakhnga,” tiah a ti. Cun Pathian mi nih Bawipa cu a nawl i siangpahrang cu a kut kha a dam ṭhan i hmasa i bantuk kha a si ṭhan.

2 KORIN 1:10

Cu tlukin ṭih a nungmi thihnak chungin a kan khamh i hmailei zongah a kan khamh ko lai.

ROM 15:30

Kan Bawipa Jesuh Khrih le Thiang Thlarau pekmi dawtnak in kan nawl hna: keimah caah Pathian sinah thla rak cam lengmang ve u.

LAMKALTU 8:24

Simon nih Peter cu a thawh i, “Na chimmi vialte hi pakhat hmanh ka cungah a tlun nakhnga lo Bawipa sinah thla ka campiak tuah,” tiah a ti.

ISAIAH 26:16

Bawipa, nangmah nih na mi cu dan na tat hna i harnak an in tikah na sinah thla an cam.

2 SIANGPAHRANG 4:40

Cun ei awkah mi cu an suah hna. Sihmanhsehlaw tihang cu an ei lioah khan an ai i, “Maw Pathian mi, hi um chungah hin thihnak a um!” an ti. Cun annih nih an ei kho ti lo.

1 SAMUEL 15:25

Cucaah atu cu, ka sualnak kha ka ngaithiam law, ka sinah kir tuah, Bawipa kha ka biak nakhnga, tiah kan nawl,” tiah a ti.

EXODUS 8:28

Faro nih cun, “Lamhlapi nan kal lo ding ahcun, thetse ram ah khan Bawipa nan Pathian sin i raithawi awkah cun kan kalter ko hna lai. Thla ka campiak tuah u,” a ti hna.

EXODUS 9:27

Faro nih Moses le Aaron kha a auhter hna i, “Tutan cu keimah ka sual; Bawipa cu ahmaan i kei le ka mi hna cu kan palh.

EXODUS 8:4

Nangmah siseh, na mi si hna seh, na bawi pawl si hna seh an in kaihnawh hna lai,” a ti,’ tiah va chim,” tiah a ti.

NAMBAR 21:7

Cun annih nih Moses sinah an ra i, “Bawipa le nangmah kha kan in mawhchiat hna caah kan sual cang; kannih sinin rul kha a lak hna nakhnga, Bawipa sinah thlacam tuah,” tiah an ti. Cucaah Moses nih annih caah thla a cam.