EXODUS 1:8 - Lai (Hakha) Common Language Bible 2006

⁸ Siangpahrang thar, Josef a hngal lomi kha Izipt ram ah khan a hung bawi.

EXODUS 1:8 Խաչաձեւ Հղումներ

LAMKALTU 7:18

A hnu a hnuah cun siangpahrang dang, Josef a hngal lomi nih Izipt ram cu a hun uk.

PHUNGCHIMTU 9:15

Cu khua chungah cun misifak te a simi mifim pakhat hi a um i a fimnak in khua cu a luatter khotu ding a rak si. Sihmanhsehlaw ahohmanh nih cu misifakpa cu an ruat lo.

LAMKALTU 7:19

Kan miphun kha a rak hlen hna i a kan hringsortu hna kha a rak hrem hna, an fale kha an thih nakhnga an inn chungin lengah a rak chiahter hna.

DEUTERONOMI 26:6

Izipt mi nih an kan hrem, an kan tuk i, rian hrang an kan chonh.

SALM 105:25

Izipt mi cu a mi kha a huatter hna i a sal hna cungah khan hlennak in rian a ṭuanter hna.

EXODUS 3:7

Cun Bawipa nih cun, “Zeitluk in dah ka mi hna nih Izipt ram ah temhinnak an huah ti kha fiang tein ka hmuh cang; a hremtu hna nih an cung i rian fak an khinh hna ruang i bawmhnak hal in an ainak kha ka theih. An nganfahnak cu ka hngalh dih cikcek.

EXODUS 3:9

Israel mi an ainak kha ka theih cang i Izipt mi nih zeitluk in dah an hrem hna kha ka hmuh.

EXODUS 3:16

Va kal law Israel mi hruaitu pawl vialte kha va pum hna law, ‘Bawipa, nan pupa hna Pathian, Abraham Pathian, Isak Pathian, Jakob Pathian kha ka sinah a lang i, “Nan sinah ka ra i Izipt mi hna nih nan cungah zeidah an tuah ti kha ka hmuh cang;

BIACEIHTU 2:10

Cun cu chan mi vialte zong cu an pupa hna sinah pumh an si; cun annih hnuah Bawipa siseh, Israel ca i a tuahmi rian siseh, a hngal lomi chan thar a hung chuak.