EXODUS 1:11 - Lai (Hakha) Common Language Bible 2006

¹¹ Cucaah sal uktu bawi kha an cungah an chiah hna i rian fak ṭuan kha hnek rumro in an hnek hna, Israel mi nih cun rawl khonnak khua Pithom le Rameses kha Faro caah cun an sak.

EXODUS 1:11 Խաչաձեւ Հղումներ

GENESIS 15:13

Bawipa nih cun a thawh i, “Na tefa hna cu ram dang ah khual an si lai, cuka ah cun sal ah an cang lai i kum za li chung hremnak an ing lai.

EXODUS 3:7

Cun Bawipa nih cun, “Zeitluk in dah ka mi hna nih Izipt ram ah temhinnak an huah ti kha fiang tein ka hmuh cang; a hremtu hna nih an cung i rian fak an khinh hna ruang i bawmhnak hal in an ainak kha ka theih. An nganfahnak cu ka hngalh dih cikcek.

EXODUS 2:11

Cu hnu tlawmpal, Moses cu a hung upat tikah khan, a phunhawi mi cu a va leng hna i zeitluk in dah rianhrang ṭuan an hnek hna ti kha a va hmuh. A miphun hawi pakhat Izipt mipa i a thah zong kha a va hmuh fawn.

GENESIS 47:11

Cun Josef nih cun a pa le a unau pawl cu Izipt ram chungah khan umnak a serpiak hna i Faro nawl peknak bangin Izipt ram chung i ram ṭha bik Rameses ram ah cun thilri a ngeihter hna.

SALM 81:6

“Nan keng cung thilrit pipi kha kan lakpiak cang hna i nan rianṭuannak bawm kha kan chiahter cang hna.

DEUTERONOMI 26:6

Izipt mi nih an kan hrem, an kan tuk i, rian hrang an kan chonh.

NAMBAR 20:15

kan pupa nih Izipt ram ah an vung kal i Izipt ram ah saupi kan um i Izipt mi hna nih fak piin kanmah le kan pupa hna kha an kan hrem;

PHUNGTHLÛKBIA 27:4

Thinhunnak hi a puar i thinlinhnak hi a hrang ko, sihmanhsehlaw nahchuahnak he cun tahchunh awk tlak hmanh an si lo.

SALM 105:13

Ram khat in ram khat ah an vai, peng khat in peng dang ah an pem,

SALM 68:13

cu hranchaw hna cu ngun in tuammi ṭhuro milem tete an si, an thla cu sui bantukin a tleu. (Zeicahdah a cheu cu raldoh ni ah tuu kawm chungah nan um ko?)

2 CHANRELNAK 8:4

Ramlak i Tadmor kha le Hamath i thil khonnak khua a sermi vialte kha a ser hna.

1 SIANGPAHRANG 9:19

cun Solomon nih a ngeihmi thil khonnak khua vialte le a rangleng hna ca khua hna le a rangcung ralkap khua hna le Jerusalem, Lebanon le a penmi ram dihlak ah Solomon nih sak a duhmi paoh saknak caah hnekmi rianṭuantu bu a sernak kong cu mah hihi a si.

EXODUS 5:15

Cun Israel mi kuli khawng pawl cu Faro sinah khan an va kal i, “Bawipa, zeicahdah hi bantukin kan cungah na tuah?

EXODUS 1:14

tlakser rian le tlakrawh rian le rian har phun zakip kha an ṭuanter hna i cuticun rethei ngaingai in an chiah hna. Rian har phun zakip kha rumro in an hnek hna.

EXODUS 5:10

Sal uktu hna le kuli khawng pawl cu mi zapi sinah khan an va kal i, “Faro nih, ‘Capawl ka pe ti hna lai lo,

2 CHANRELNAK 16:4

Cun Benhadad nih Siangpahrang Asa kha a bia a ngaih i a ralkapbu haotu hna kha Israel mi khua doh awkah a thlah hna i Ijon, Dan, Abelmaim le Naftali i thil chiahnak khua vialte kha an tei hna.

SALM 129:1

Israel, na no lio tein na ral nih zeitluk in dah an rak in hrem kha, chim tuah!

EXODUS 5:8

Asinain tlakrawh an sermi a tlawm a tam cu, hlan i an sermi zat ṭhiamṭhiam kha a si lai; nan ṭhumhpiak hrimhrim hna lai lo. ‘Kan Pathian sinah raithawi kan duh caah kan kalter,’ an ti cu an thathut caah a si ko.

SALM 129:2

I thawh law, “Ka no lio tein ka ral nih fak piin an ka hrem zungzal, sihmanhsehlaw an ka tei lo.