ESTHER 9:4 - Lai (Hakha) Common Language Bible 2006

⁴ Mordekai cu siangpahrang inn chungah khan mingan a si i peng dihlak ah khan a min cu a thang chin lengmang i Mordekai cu nawl a ngei chin lengmang.

ESTHER 9:4 Խաչաձեւ Հղումներ

1 CHANRELNAK 11:9

Cun David cu, ralkapbu Bawipa kha a sinah a um caah, a ngan chin lengmang.

2 SAMUEL 3:1

Saul innchungkhar le David inn-chungkhar karlakah khan i dohnak saupi a um; David cu a ṭhawng chin lengmang i sihmanhsehlaw Saul innchungkhar cu an der chin lengmang.

ZEFANIAH 3:19

Khi caan a phak tikah, zohhmanh, Nangmah an hremtu vialte hna kha keimah nih ka tongh hna lai. A beimi kha ka chanh hna lai i a ṭhekmi kha ka pumh hna lai; Ka mi hna cu hmasa i zawmhtaih an rak sinak ram paohpaoh ah khan thangṭhatnak le minthannak ka hmuhter ṭhan hna lai.

PHUNGTHLÛKBIA 4:18

Sihmanhsehlaw miding mi hna lam cu zingka ceunak, chun laicer tiangin a ceu chin lengmangmi bantuk a si.

SALM 18:43

Ral thawh hmangmi miphun chungin na ka khamh i miphun hna uktu ah na ka ser: ka hngalh bal lomi kha ka kut tangah an um.

SALM 1:3

Tiva kamah a khomi thingkung, a caan hmaan tein a thei a tlai i a hnah a uai bal lomi bantuk an si. An tuahmi thil kip ah khua awng an tong.

1 CHANRELNAK 14:17

Cun David minthannak nih cun ram vialte kha a cul dih i miphun vialte cungah amah ṭihnak kha Bawipa nih a tlunter.

1 SAMUEL 2:30

Cucaah Bawipa Israel Pathian nih, “Na chungle hna le na pa chungle hna cu zungzal in ka hmaiah an lut an chuak lai,” tiah ka rak ti taktak, sihmanhsehlaw atu cu Bawipa nih hitin a thanh: A si naisai ti lai lo, zeitintiah a ka upatmi cu ka upat hna lai i a ka zawmtaimi cu zei ah ka rel hna lai lo.

JOSHUA 6:27

Cucaah Bawipa cu Joshua sinah a um i cu ram chung vialte ah cun a min a thang.

MATTHAI 4:24

Amah thawng cu Siria ram zongah khan a thang dih i zawtnak a phunphun in a zawmi vialte hna le harnak a phunphun a ingmi hna kha amah sinah cun an ratpi hna: khuavang nih a tuahmi hna le mitlu a simi hna le a zengmi hna kha a damter dih hna.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

ESTHER 10:2

Cun a lianhngannak in a tuahmi vialte le a ṭhawnnak le Mordekai cu upatnak a sangmi ah siangpahrang nih a chiahnak kong vialte cu Media le Persia siangpahrang hna Chanrelnak Cauk chungah an i ṭial lo mei?

EXODUS 11:3

Bawipa nih Izipt mi cu Israel cungah khan hmaizahnak a ngeihter hna. A ngaingai ti ahcun Izipt bawi pawl le mi zapi nih khan Moses cu mingan ngaingai pakhat ah an ruah.

SALM 92:13

Annih cu Bawipa inn chungah cinmi thing bantuk, Bawipa biakinn chungah hninghno ngaiin a um i