ESTHER 8:9 - Lai (Hakha) Common Language Bible 2006

⁹ Thla thumnak thla, Sivan thla, a ni kul le ni thum ni ah, khi caan ah siangpahrang caṭialtu kha an auh i Mordekai nawl peknak ning paoh khan, India ram in Ethiopia ram tiang siangpahrang kut tang bawi hna le ram uktu hna le bawi dangdang hna sinah khan, Judah mi kong cu ca in an kuat hna, peng za khat le peng kul le peng sarih an si, peng kip ah anmah le an ca cio in le miphun kip sinah anmahle an holh cio in an kuat hna, cun Judah mi hna zong cu anmahle an ca le an holh in an kuat ve hna.

ESTHER 8:9 Խաչաձեւ Հղումներ

ESTHER 1:22

Siangpahrang ram chung vialte ah khan, ram kip ah khan anmahle an holh cio le miphun kip sinah khan anmah le an ca cio in, pa paohpaoh cu amahle a innchung ah cun bawi a si lai i a miphun holh khan holh a si lai, tiin ca a kuat hna.

ESTHER 1:1

Ahasuerus chan, India ram in Ethiopia ram tiang, ram za khat le ram kul le ram sarih a uktu Ahasuerus chan ah khan,

DANIEL 6:1

Ram uktu dingah khan Darius nih mangki bawi za khat le pakul a chiah hna i

DANIEL 4:1

Siangpahrang Nebukhadnezzar nih, vawlei cung i a ummi miphun vialte hna le holh phun vialte hna sinah thawng kan thanh hna:

2 SIANGPAHRANG 18:26

Cun Hilkiah fapa Eliakim le Shebnah le Joah nih ralbawi ngan bik cu, “Zaangfahnak tein na sal hna hi Aramaik holh in kan chawn tuah, zeitintiah kan hngalh ko; ralhau cungah a ummi hna theih ah Judah holh in kan chawn hlah,” tiah an ti.

DANIEL 6:25

Cun Dairus Siangpahrang nih vawlei cung dihlak i miphun vialte le holh phun vialte sinah cun ca a kuat hna i, “Nan thluachuahnak cu karh chin ko hna seh!

2 CHANRELNAK 15:10

Annih cu Asa a bawi kum hleinganak, a thla thum thla ah khan Jerusalem ah an i pum.

ESTHER 10:1

Siangpahrang Ahasuerus nih a ram le rili kam ram hna cu ngunkhuai a thawhter hna.