ESTHER 8:2 - Lai (Hakha) Common Language Bible 2006

² cun siangpahrang nih cun Haman a pekmi a min khenhnak kutdonghrolh kha aa phoih i Mordekai kha a pek. Cun Esther nih Mordekai cu Haman inn zohkhenhtu ah khan a chiah.

ESTHER 8:2 Խաչաձեւ Հղումներ

ESTHER 3:10

Cucaah cun siangpahrang nih a kutdong cung i min khenhnak kutdong hrolh kha a lak i Hammedatha fapa Agag mi Haman, Judah mi hna ralpa kha a pek.

DANIEL 2:48

Siangpahrang nih cun Daniel cu rian kainak a pek i laksawng man sungsung tampi a ṭhenh i Babilon ram vialte uktu le Babilon mifim vialte hna haotu bik ah a ser.

GENESIS 41:42

Faro nih cun a minkhenhnak kutdonghrolh kha aa phoih i Josef kutdong ah cun a hrolh; la hmangṭhia puan dawh ngaingai kha a aihter i a hngawng ah sui ṭhi a oih.

LUKA 15:22

Sihmanhsehlaw a pa nih khan a sinum kha a auh hna i, ‘Khulrang in puan ṭha bik kha rak pu u law aih u. A kutdong ah kutdonghrolh hrolh u law a ke ah kedan danh u.

SALM 37:34

Bawipa cu i bochan u law a nawl kha zul tuah u; ram kha co awkah thazang an pek hna lai i miṭhalo cu pawnchuah an si kha nan hmuh lai.

ESTHER 8:3

Cun Esther nih siangpahrang sinah cun bia a chim ṭhan; a ke hram ah khan a bawk i Agag mi Haman nih Judah mi cungah a ṭha lomi khuakhannak a ruahmi le rawinak a timhmi let ṭhan awkah khan mitthli he a nawl.

ESTHER 10:2

Cun a lianhngannak in a tuahmi vialte le a ṭhawnnak le Mordekai cu upatnak a sangmi ah siangpahrang nih a chiahnak kong vialte cu Media le Persia siangpahrang hna Chanrelnak Cauk chungah an i ṭial lo mei?