ESTHER 8:1 - Lai (Hakha) Common Language Bible 2006

¹ Khi ni ah khan Siangpahrang Ahasuerus nih Siangpahrangnu Esther cu Judah mi ral a simi Haman inn kha a pek. Cun Esther nih Mordekai cu a zeidah a si kha a rak chimh caah siangpahrang hmaiah khan a ra chuak;

ESTHER 8:1 Խաչաձեւ Հղումներ

ESTHER 2:7

Amah nih cun a pa unau fanu Hadassah cu nu siseh pa siseh a ngeih hna lo caah a cawm, Hadassah cu Esther cu a si; cu ngaknute cu aa dawh ngaingai i duh a nung ngaingai, a nu le a pa nih an thihtak tikah khan Mordekai nih amah fanu hrimhrim ah khan aa ser.

PHUNGTHLÛKBIA 13:22

Miṭha nih cun an fa fa chin tiangin ro an chiahpiak hna, sihmanhsehlaw misual mi nih an pumh luaimaimi chawva cu miding hna sinah a kal ko lai.

ESTHER 2:15

Cun a fanu bantuk taktak ah aa serhtu Mordekai i a pa unau Abihail i a fanu Esther caah siangpahrang sin i va luh caan cu a phak tikah, siangpahrang tilditmi, nu a zohkhenhtu hna Hegai nih ruahnak a cheuhmi thil kha dah ti lo cu, zeihmanh Esther nih cun a hal lo. Cun Esther cu a hmumi paoh an mit a tling dih.

SALM 39:6

thlahawm menmen an si ko. An tuahmi vialte hi pakpalawng an si dih; chaw le va kha heh tiah an khon, sihmanhsehlaw a cotu ding cu aho an si kha an hngal lo.

LUKA 12:20

Sihmanhsehlaw Pathian nih a thawh i, ‘Mihrutpa, tuzan hrimhrim ah hin na nunnak cu an in lakpiak a hau lai; cucaah nangmah ca i na khonmi thilri vialte hi aho nih dah a co kun lai?’ a ti,” tiah a ti.

ESTHER 7:6

Cun Esther nih cun aa thawh i, “Dotu le ral a simi cu hi miṭhalopa Haman hi a si!” tiah a ti. Cu tikah Haman cu siangpahrang le siangpahrangnu hmaiah cun a thin a phang ngaingai i a ther in a ther.

PHUNGTHLÛKBIA 28:8

A miak le a karh in a rumnak a chap chintu nih, misifak hna cung i zaangfahnak a ngeimi pa caah khan a khon a si.

ESTHER 1:14

amah a hun changtu Persia le Media mi hna i an bawi pasarih, siangpahrang hmai a hmu tawnmi le a pennak chungah bawi bikbik a simi Karshena, Shethar, Admatha, Tarshish, Meres, Marsena le Memukan an si, cu hna cu phungbia le biaceihnak ah a thiam ngaingaimi hna a ti tawn hna ning khan a thawh hna i,

ESTHER 8:7

Cun Siangpahrang Ahasuerus nih Siangpahrang Esther le Judah mi Mordekai cu a thawh hna i, “Zohhmanh u, Haman inn cu Esther kha ka pek cang i Judah mi kha thah a duh hna caah amah cu thlainak ah an thlai cang.