ESTHER 7:8 - Lai (Hakha) Common Language Bible 2006

⁸ Cun siangpahrang cu siangpahrang inn dum chung khan puai tuahnak hmun ah khan a ra kir ṭhan i Haman cu Esther ṭhutnak ṭhutdan cungah khan a rak bawh ko kha a hmuh. Siangpahrang nih cun, “Keimah ka inn cia cungah, ka um hngan hrimhrim ah siangpahrang bawinu hmanh a tihram dah mu!” tiah a ti. Bia cu siangpahrang kaa chung khan an chuah cangka, Haman cu a hmai kha an khuh colh.

ESTHER 7:8 Խաչաձեւ Հղումներ

ESTHER 1:6

Laa in tahmi puanzar a rangmi le puanzar aa thlaimi a dummi hna cu la hmangṭhia in le a senduk in a senmi la in lungrang tung i ngunkual ah khan an ṭem chih hna; cun lung hak le lung rang le lungvar le lung mansung in a mui an sermi ṭuang ah cun sui ṭhutdan le ngun ṭhutdan kha an chiah hna.

ESTHER 6:12

Cun Mordekai cu siangpahrang kutka ah khan a kir ṭhan. Sihmanhsehlaw Haman cu a ṭah bu le a lu i khuh in a inn ah khulrang in a ṭin.

ISAIAH 22:17

Mi ngan cu na si sawk ko lai, sihmanhsehlaw Bawipa nih an thur lai i an hlonh lai.

JOB 9:24

Pathian nih vawlei cu miṭhalo hna kut chungah a pek; Biaceihtu vialte kha mitcaw ah a ser hna. Cucu Pathian nih a tuah lo ahcun, aho nih dah a tuah kun?

ISAIAH 49:23

Siangpahrang cu nan caah nan pa bantuk an si lai i siangpahrang bawinu hna nih cun hringtu nu bantukin an in umh hna lai. Nan hmaiah niam ngaiin an kun lai i upatnak an in pek hna lai; nanmah an in hmaizah hnanak cu an langhter lai. Khi tikah Bawipa ka si cu nan hngalh lai i keimah bawmhnak a hngakmi paoh cu a khel hna lai lo,” a ti.

MARKA 14:65

Cun mi cheukhat nih Jesuh cu cil an chak i a mit an huh i an bengh. “Ahodah an beng, kan chim tuah,” an ti. Cun ralvengtu pawl nih khan an kalpi i an bengh.

ESTHER 1:5

Cun hi ni hna an dih tikah Susa khuapi chung i a ummi mi vialte hna caah, a ngan he a hme he, rawl danghnak pakhat, ni sarih chung, siangpahrang inn dum chung tual ah cun a serpiak hna.

ESTHER 7:10

Cun siangpahrang nih, “Cuka ah cun amah kha va thlai u,” a ti. Cucaah Mordekai ca i a phunmi thahnak tung ah khan amah Haman cu an thlai. Khi tikah siangpahrang thinhunnak cu a dam.

AMOS 3:12

Hihi Bawipa bia an si: Tuukhal nih chiandeih kaa chungin, a ke pahnih khat maw a hna pelpawi ceo maw, a chuh ṭhan khawh tawn bantukin, Samaria ram chung i ihkhun dawhdawh le ṭhutdan nuamnuam cung i a ṭhumi Israel mi hna lak khan a pelpawite ceo khamh an si lai.