ESTHER 6:3 - Lai (Hakha) Common Language Bible 2006

³ Cun siangpahrang nih, “Hi kongah hin Mordekai cu upatnak siseh, thangṭhatnak siseh, zeital pek a si maw?” tiah a ti. Siangpahrang a tuammuaitu hna nih khan, “A caah zeihmanh tuahmi a um lo,” tiah an ti.

ESTHER 6:3 Խաչաձեւ Հղումներ

PHUNGCHIMTU 9:15

Cu khua chungah cun misifak te a simi mifim pakhat hi a um i a fimnak in khua cu a luatter khotu ding a rak si. Sihmanhsehlaw ahohmanh nih cu misifakpa cu an ruat lo.

GENESIS 40:23

Asinain zu bawi nih khan Josef kha cu a ruat ti lo, a philh diam ko.

DANIEL 5:29

Cun Belshazzar nih nawl a pek hna i Daniel cu puan sen kha an aih i a pennak chungah bawi ngan bik pathumnak a si tiah thawngthanhnak an tuah.

DANIEL 5:16

Sihmanhsehlaw nang cu mang sullam kha a chim khawh i dawi leh zong kha a thiam tiah kaan theih. Cucaah caṭial cu na rel khawh hna i a sullam na chim khawh hna ahcun maimaw puan kha aih na si lai i na hngawng ah sui ṭhi rual oih na si lai,” tiah a ti.

DANIEL 5:7

Khuachia ṭhawlthiam hna le camhthiam hna le mang ihthiam hna kha, runpi hna u, tiah fak piin a au i Babilon mifim hna cu. “Hi ca ṭialmi hi a rel kho i a sullam a ka chim khotu paoh cu puan sen aih an si lai i a hngawng ah sui ṭhi rual oih an si lai i ka pennak chungah bawi ngan pathumnak an si lai,” tiah a ti.

1 CHANRELNAK 11:6

David nih, “Jebus mi a tu hmasa bik paoh cu ralbawi bik a si lai,” tiah a ti. Cun Zeruiah fapa Joab cu a hung kal hmasa bik i cucaah ralbawi bik ah cun a cang.

ESTHER 6:2

Cun Bigthana le Teresh, siangpahrang tilditmi pahnih, innka cawngtu hna nih Siangpahrang Ahasuerus tlaih an timh i zeitindah Mordekai nih an konglam a chimnak aa ṭialmi kha an hmuh.

ESTHER 6:4

Cun siangpahrang nih, “Ahodah tual chungah a um?” tiah a ti. Cu lioah cun Haman cu Mordekai thlainak ding ca i a timhmi thlainak i Mordekai cu thlai awkah siangpahrang cu ra chimh awkah siangpahrang inn lenglei tual i a luh kate khi a si.