ESTHER 5:2 - Lai (Hakha) Common Language Bible 2006

² cun siangpahrang nih Siangpahrangnu Esther cu tual i a dir kha a hei hmuh tikah, Esther cu mithmai ṭha a pek i a kut in aa putmi sui bawifung kha amah leiah cun a hlerpiak. Cun Esther nih khan a hei naih i bawifung parte cu a va tongh.

ESTHER 5:2 Խաչաձեւ Հղումներ

ESTHER 8:4

Cun siangpahrang nih sui bawifung kha Esther leiah cun a hei hler;

ESTHER 4:11

“Siangpahrang sinum vialte hna le siangpahrang peng chung mi vialte hna nih nu siseh, pa siseh, ahohmanh kawh loin siangpahrang sinah chungchin tual chungah an luh ahcun, phung pakhat lawnglawng a um ti kha hngalh dih a si: cu phung cu siangpahrang nih a nun nakhnga a bawi fung kha a hlerpiak lo ahcun ahohmanh aa khatrep in thah awk an si ko. Cun atu hi ni sawm thum chung va luh awkah kawh ka si ti lo,” tiin Mordekai cu bia a cah.

PHUNGTHLÛKBIA 21:1

Siangpahrang lungthin cu Bawipa kut chungah a ummi a si, tilaknak tilam bantukin a duhnak lei paoh ah a mermi a si.

LAMKALTU 10:4

Vancungmi kha thinphang ngaiin dengteo in a zoh i, “Zeidah, bawipa?” tiah a ti. Vancungmi nih cun a hun leh i, “Pathian nih na thlacamnak le misifak na bawmh hnanak kha an cohlanpiak i nangmah cu an philh lo.

LAMKALTU 7:10

harnak a inmi dihlak chungin him tein a chuahter. Josef cu Izipt siangpahrang Faro hmaiah a chuah tikah khan nuncan dawh le fimnak kha a pek. Faro nih cun Josef cu ram uktu bawi le siangpahrang innchungkhar uktu bawi ah a ser.

SALM 116:1

Bawipa nih ka thlacamnak kha a ka ngaihpiak i a ka theihpiak caah Bawipa cu ka dawt.

ESTHER 2:9

Cun ngaknu nih cun a lung a ton i a hmaiah mithmai ṭha a hmu. Cun Hegai nih khan zihmui le a co awk hnga rawl kha siangpahrang inn in thimmi nu pasarih hna he khan khulrang in a pek hna i amah le a sinum hna cu nu khaan chung i hmun ṭha bik ah khan a kalter hna.

NEHEMIAH 1:11

Maw Bawipa na sal ka thlacamnak hi ka ngaihpiak ko sawh; cun na sal hi nihin ah ka hlawh ka tlinter ko law hi mipa hmaiah hin zaangfahnak ka pe ko,” tiah ka ti. Cu lioah cun kei cu siangpahrang hrai putu ka rak si.

GENESIS 32:28

Mipa nih cun, “Na min cu Jakob a si ti lai lo. Pathian zong na paih, minung zong na paih hna i na tei hna; cucaah na min cu Israel a si cang lai,” a ti.