ESTHER 5:1 - Lai (Hakha) Common Language Bible 2006

¹ Ni thumnak ni ah Esther cu a bawi thuam khan aa thuam i siangpahrang inn chung chungchin tual, siangpahrang khaan kaupi hmai zawn i a ummi ah khan a dir. Siangpahrang cu siangpahrang inn chungah khan, siangpahrang inn luhnak zawn i a ummi a bawi ṭhutdan cungah khan a ṭhu;

ESTHER 5:1 Խաչաձեւ Հղումներ

BIAPHUAN 3:21

Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai.

ESTHER 6:4

Cun siangpahrang nih, “Ahodah tual chungah a um?” tiah a ti. Cu lioah cun Haman cu Mordekai thlainak ding ca i a timhmi thlainak i Mordekai cu thlai awkah siangpahrang cu ra chimh awkah siangpahrang inn lenglei tual i a luh kate khi a si.

ESTHER 4:16

“Va kal law Susa khua chung i a ummi Judah mi vialte kha va pum hna, cun keimah caah rawl ulhnak pakhat ni thum chung rak ser u; chun ah siseh zan ah siseh zeihmanh ei in ding hlah u. Cun nannih nih nan tuah bantukin kei le ka sinum hna zong nih rawl ulhnak cu kan rak tuah ve lai. Cun phung he aa ralchanhmi a si nain siangpahrang sinah cun ka va kal lai, ka thih ah thih si ko seh,” tiah a ti hna.

ESTHER 4:11

“Siangpahrang sinum vialte hna le siangpahrang peng chung mi vialte hna nih nu siseh, pa siseh, ahohmanh kawh loin siangpahrang sinah chungchin tual chungah an luh ahcun, phung pakhat lawnglawng a um ti kha hngalh dih a si: cu phung cu siangpahrang nih a nun nakhnga a bawi fung kha a hlerpiak lo ahcun ahohmanh aa khatrep in thah awk an si ko. Cun atu hi ni sawm thum chung va luh awkah kawh ka si ti lo,” tiin Mordekai cu bia a cah.

ESTHER 8:15

Susa khuapi cu lunglawmhnak in a au len lioah khan Mordekai cu, siangpahrang puan a dum le a rang kha aa aih i sui luchin kha aa chinh i la hmangṭhia le sendung puan kha i aih in siangpahrang hmai cun a hung chuak.

LUKA 22:30

Ka Pennak ah ka cabuai ah nan ding nan ei lai i Israel mi phun hleihnih kha biaceihpiak awkah bawi ṭhutdan cungah nan ṭhu lai,” tiah a ti.

MATTHAI 27:64

Cucaah cun thlan kha ni thum tiang ṭha tein cawng hna seh; cu ti a si lo ahcun, a zultu hna nih khan an va kal riangmang lai i a ruak kha an va fir lai i, thihnak in thawhter a si cang, tiah mi kha an chimh ko hna lai i a donghnak i a kan hlennak hi a hmasa i a kan hlennak nakkhan a chia deuh sual lai,” an ti.

MATTHAI 11:8

Zei ko dah zoh awkah nan va kal? Puan dawhdawh in aa thuammi hna zoh awkah maw? Puan dawhdawh in aa thuammi cu bawi inn ah pei an um tawn cu!

MATTHAI 10:16

“Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.

ESTHER 1:11

Siangpahrangnu Vashti cu midawh ngai a si caah aa dawhnak cu mizapi hna le bawi hna kha hmuhsak awkah a bawi luchin he siangpahrang hmaiah cun ra chuak seh, tiah a ti hna.

ESTHER 4:17

Cun Mordekai cu a kal i Esther nih nawl a pek bang khan a tuah dih.

ESTHER 2:5

Susa khuapi chungah cun Judah mi pakhat, a min Mordekai a simi a um; amah cu Jair fapa a si, Jair cu Shimei fapa a si, Shimei cu Benjamin phun Kish fapa a si;