ESTHER 4:8 - Lai (Hakha) Common Language Bible 2006

⁸ Mordekai nih cun, annih hrawhnak ding caah Susa khua chung i nawlbia an chuahmi ṭial chinmi pakhat kha a pek i, Esther kha na va hmuhsak lai i a sullam na va chimh lai i siangpahrang sinah a va kal lai i amah cu a miphun hna caah a va nawl nakhnga na fial lai, tiah a ti.

ESTHER 4:8 Խաչաձեւ Հղումներ

PHUNGCHIMTU 10:4

Uktu bawi kha na cungah a thin a hun ahcun na dir hmun kha va chuahtak hlah; Dai tein na um ko ahcun, palhnak a fakmi kha ngaihthiam khawh a si.

JOB 9:15

Ka sual lo i sual a ka phawtu sinah khan zaangfahnak ka hal nain Zeihmanh lehnak ka hmu lo.

ESTHER 2:20

Mordekai nih a fial bangin Esther nih zei miphun le ahodah a rualchan an si kha a langhter lo; zeicahtiah Esther nih Mordekai cu, a rak cawm lio bantuk te khan a nawl a ngaih.

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

1TIMOTE 6:13

Zeizong vialte nunnak a petu Pathian le Pontius Pilat hmaika ah aa phuangmi Khrih Jesuh hmaiah nangmah cu hitihin nawl kan pek.

LAMKALTU 12:20

Herod cu Tair le Sidon mi hna cungah khan a thin a hun ngaingai caah, cu hna nih cun a bu in amah cu ton awkah a sinah khan an va kal. A hmasa bik ah siangpahrang inn uktu Blastas kha anmah lei ṭang dingin an i sawm. Cun Herod sinah cun an va kal i i rem ko u sih, tiah an va nawl. Zeicahdah tiah an rawl laknak cu Herod siangpahrang ram hin a si.

PHUNGTHLÛKBIA 21:1

Siangpahrang lungthin cu Bawipa kut chungah a ummi a si, tilaknak tilam bantukin a duhnak lei paoh ah a mermi a si.

ESTHER 8:6

Zeicahtiah, zeitindah ka miphun cung i a tlung ding harnak hmuh cu ka in khawh lai? Zeitindah ka rualchan hna hrawh dih an si hmuh cu ka in khawh lai?” tiah a ti.

ESTHER 4:9

Cun Mordekai nih a chimmi cu Hathak nih a va kal i Esther kha a chimh.

SALM 122:6

Jerusalem daihnak caah thla cam u! “Nangmah an duhmi cu an thluachuak hna seh!