ESTHER 4:5 - Lai (Hakha) Common Language Bible 2006

⁵ Khi tikah amah a tuammuaitu caah chiahmi siangpahrang tilditmi pakhat Hathak kha Esther nih cun a kawh i Mordekai sinah khan va kal i hi thil hi zeidah a sullam a si i zeicahdah a si ti kha va hngalh awkah nawl a pek

ESTHER 4:5 Խաչաձեւ Հղումներ

HEBRU 4:15

Kan Tlangbawi Ngan hi kan santlaih lonak ah kan cung i zaangfahnak a ngei kho lomi tlangbawi a si lo. Kan Tlangbawi Ngan hi kanmah bantuk tein tukforhnak a ing vemi a si, sihmanhsehlaw sualnak zeihmanh a tuah lomi a si.

1 KORIN 12:26

Pum chung nge pakhatkhat nih fahnak a in ahcun a dang nge vialte zong nih khan an rak inpi ve; cun pakhatkhat nih khan thangṭhatnak a hmuh ahcun a dang vialte zong nih khan aa lawmhnak cu an rak i hrawm ve.

ROM 12:15

Aa lawmmi sinah vaa lawm ve u, a ṭapmi sinah va ṭap ve u.

ESTHER 1:12

Sihmanhsehlaw tildit pawl nih siangpahrang nawlbia an hei lanhpimi cu Siangpahrangnu Vashti nih khan a rak al i a chuak duh lo. Hi ruangah hin siangpahrang cu a thin a hung a thinhunnak cu a chungah a kangh in a kang.

ESTHER 1:10

A ni sarihnak ni, siangpahrang cu zu nih a lung a lawmhter ni ah cun, inn zohkhenhtu a simi hna tildit pasarih Mehuman, Biztha, Harbona, Bigtha le Abagtha, Zethar le Karkas hna cu nawl a pek hna i

FILIPI 2:4

Cun midang duhning kha hmuh thiam i zuam u law nanmah duhnak lawng kha ruat hlah u.

ESTHER 4:4

Cun cu kong cu a sinum nu hna le a cawngtu tildit pawl nih khan Esther cu an ra chimh tikah a lungre a thei ngaingai; Mordekai cu a buri kha i phoih i puan kha i aih awkah hnipuan a hei chanh, sihmanhsehlaw aa lak duh lo.

ESTHER 4:6

Cun khua chung tual, siangpahrang kutka hmai zawn ah khan Hathak cu Mordekai sinah khan a va kal i

ESTHER 4:9

Cun Mordekai nih a chimmi cu Hathak nih a va kal i Esther kha a chimh.

ESTHER 4:10

Cun Esther nih khan Hathak cu a chawnh i