ESTHER 3:2 - Lai (Hakha) Common Language Bible 2006

² Cun siangpahrang kutka ah a ummi siangpahrang sinum vialte hna nih khan Haman cu an kunpiak i upatnak an pek; zeicahtiah cuticun nan tuah lai tiah siangpahrang nih khan nawl a pek hna. Sihmanhsehlaw Mordekai nih cun a kunpiak lo i upatnak zong a tuahpiak lo.

ESTHER 3:2 Խաչաձեւ Հղումներ

FILIPI 2:10

Cucaah Jesuh min upatnak caah cun vancung i a ummi vialte nih si hna seh, vawlei i a ummi vialte nih si hna seh, vawlei tang i a ummi vialte nih si hna seh, an khuk an i bil lai i

SALM 15:4

Pathian nih a hlawtmi kha zeirello in a um i Bawipa nawl a zulmi cu a upat i Zeitluk in a har hmanh ah a biakam ningin a tuah zungzal i

ESTHER 5:9

Cun cu ni cu Haman cu lunglawm le thanuam in a ṭin. Sihmanhsehlaw Haman nih Mordekai cu siangpahrang kutka i a hmuh tikah a hmaiah cun a dir zong a dir lo i a ther zong a ther lo caah khan Mordekai cungah cun a thin a hung ngaingai.

ESTHER 3:5

Cun Haman nih Mordekai nih a ka kunpiak duh lo i upatnak a ka pe duh lo ti kha a hmuh tikah a cekne tiangin a runh.

ESTHER 3:1

Cun hi thil hna ah hin Siangpahrang Ahasuerus nih Agag mi Hamedatha fapa Haman cu a rian a kaiter i hawi hmaiah khan a chiah i amah sinah a ummi bawi vialte hna cungah khan a ṭhutter.

ESTHER 2:21

Cun cu caan ah cun, Mordekai cu siangpahrang kutka i a ṭhut lioah khan, siangpahrang a tildit pahnih innka a cawngtu Bigthana le Teresh cu an thin a hung i Siangpahrang Ahasuerus cu tlaih awk kha an timh.

ESTHER 2:19

Cun ngaknu hna cu a voi hnihnak an i pumh tikah Mordekai cu siangpahrang kutka ah khan a ṭhu.

1 SAMUEL 15:3

Atu cu va kal law, Amalek kha va tu, an ngeihmi vialte kha va hrawk dih; zuah hna hlah, sihmanhsehlaw pa thlulo nu thlulo, ngakchia thlulo, bawhte thlulo, tuu thlulo, kalauk thlulo, laa thlulo in va that hna,’ a ti,” tiah a ti.

DEUTERONOMI 25:19

Cucaah nan velchum i a ummi nan ral hna lakin Bawipa nan Pathian nih ro ca i co awkah an pekmi hna ram chungah, Bawipa nan Pathian nih dinhnak an pek hna tikah, vanrang toi in Amalek hngalh camcinnak cu nan hloh awk a si lai; va philh hlah u.

EXODUS 17:16

Moses nih cun aa thawh i, “Bawipa hmelchunhnak puanzar cu i tlaih u! Bawipa nih Amalek mi cu a zungzal in a doh hna lai,” a ti.

EXODUS 17:14

Cun Bawipa nih Moses kha a thawh i, “Hi kong hi philh a si nakhnga lo cauk chungah ṭial tuah, cun Amalek mi kha a philh in philh an si lai, tiah Joshua kha chim,” tiah a ti.

GENESIS 41:43

Siangpahrang rangleng pahnihnak ah khan a citter i a cawngtu hna kha a hmai in an kal i, “Lam kian u,” tiah an au. Cuticun Josef cu Izipt ram vialte uktu bawi ah khan ser a si.

ESTHER 2:5

Susa khuapi chungah cun Judah mi pakhat, a min Mordekai a simi a um; amah cu Jair fapa a si, Jair cu Shimei fapa a si, Shimei cu Benjamin phun Kish fapa a si;

ESTHER 3:3

Khi tikah kutka i a ummi siangpahrang sinum hna nih cun Mordekai cu an thawh i, “Zeicahdah siangpahrang nawlbia cu na al?” tiah an ti.

DANIEL 2:49

Cuhleiah Daniel nih a nawl bantukin siangpahrang nih cun Shadrak, Meshak le Abednego cu Babilon ram uktu ah a ser hna. Sihmanhsehlaw Daniel tu cu siangpahrang inn ah khan a um.