ESTHER 3:1 - Lai (Hakha) Common Language Bible 2006

¹ Cun hi thil hna ah hin Siangpahrang Ahasuerus nih Agag mi Hamedatha fapa Haman cu a rian a kaiter i hawi hmaiah khan a chiah i amah sinah a ummi bawi vialte hna cungah khan a ṭhutter.

ESTHER 3:1 Խաչաձեւ Հղումներ

NAMBAR 24:7

A balin chungin ti a luang lai i Ti tampi chungah a ci cu a um lai, A siangpahrang cu Agag nakin a sang deuh lai i A pennak cu hlorh a si lai.

DANIEL 6:2

an cungah cun vuanzi pathum a chiah hna; siangpahrang duhnak kha a tlin khawh nakhnga mangki bawi hna nih cun cu vuanzi pathum hna sinah cun thawngthanhnak an tuah lengmang awk a si i cu pathum hna lak i pakhat cu Daniel kha a si ve.

ESTHER 5:11

Cun annih cu Haman nih a rumnak sunparnak le a fapa zeizat an si le siangpahrang nih rian kainak le upatnak a pekmi vialte le siangpahrang bawi hna le sinum vialte hna cung i a chiahnak kha a relh ṭhan hna.

ESTHER 3:10

Cucaah cun siangpahrang nih a kutdong cung i min khenhnak kutdong hrolh kha a lak i Hammedatha fapa Agag mi Haman, Judah mi hna ralpa kha a pek.

1 SAMUEL 15:33

Cun Samuel nih, “Nangmah na vainam nih nu kha fa loin a tuah hna bantukin, cu bangin na nu cu nu hna lakah fa ngei lomi a si ve lai,” tiah a ti. Cun Samuel nih Agag cu Bawipa hmaiah Gilgal khua ah cun a sam cikcek.

GENESIS 41:40

Ka ram zohkhenhtu ah hin nangmah cu kan chiah lai i na bia kha a mi kip nih an ngaih lai. Nangmah nakin ka ngan deuhnak cu siangpahrang ṭhutdan cung ṭhutnak kong lawngah hin a si lai,” a ti.

PHUNGTHLÛKBIA 29:2

Miding mi hna cu nawl ngeimi an si tikah mi cu an i lawm, Sihmanhsehlaw miṭhalo hna kha uktu an si tikah mi cu an hrum tawn.

ESTHER 8:3

Cun Esther nih siangpahrang sinah cun bia a chim ṭhan; a ke hram ah khan a bawk i Agag mi Haman nih Judah mi cungah a ṭha lomi khuakhannak a ruahmi le rawinak a timhmi let ṭhan awkah khan mitthli he a nawl.

ESTHER 7:6

Cun Esther nih cun aa thawh i, “Dotu le ral a simi cu hi miṭhalopa Haman hi a si!” tiah a ti. Cu tikah Haman cu siangpahrang le siangpahrangnu hmaiah cun a thin a phang ngaingai i a ther in a ther.

ESTHER 1:14

amah a hun changtu Persia le Media mi hna i an bawi pasarih, siangpahrang hmai a hmu tawnmi le a pennak chungah bawi bikbik a simi Karshena, Shethar, Admatha, Tarshish, Meres, Marsena le Memukan an si, cu hna cu phungbia le biaceihnak ah a thiam ngaingaimi hna a ti tawn hna ning khan a thawh hna i,

EZRA 7:14

Zeitintiah nangmah kut chung i a ummi na Pathian phungbia bangin Judah le Jerusalem kong kha va dothlat awkah, nangmah cu siangpahrang le a ruahnak petu pasarih hna nih kan in thlah,

1 SAMUEL 15:8

Cun Amalek mi siangpahrang Agag kha a nung in a tlaih i mi vialte kha vainam in a sam dih hna.

GENESIS 41:55

Izipt ram chung mi vialte cu an rawl a hung ṭam tikah Faro sinah cun rawl cu an hal. Anih nih Izipt mi cu a thawh hna i, “Josef sinah va kal u law a chimning paoh in va tuah u,” a ti hna.

PHUNGCHIMTU 10:6

Mihrut mi hi hmunsang le nawlngeihnak kha an pek hna i mirum kha an thlei hna le