ESTHER 10:3 - Lai (Hakha) Common Language Bible 2006

³ Judah mi Mordekai cu Siangpahrang Ahasuerus changtu a si i a miphun hna ṭhathnemnak kha a kawl i a mi vialte hna sinah khan daihnak bia a chim caah Judah mi lakah khan mingan a si i a unau hna mi tampi lakah khan zapi duhmi a si.

ESTHER 10:3 Խաչաձեւ Հղումներ

NEHEMIAH 2:10

Sihmanhsehlaw Horon mi Sanballat le a sinum Tobiah, Ammon mi kha, Israel fale hna kha an nunnuamhnak kawlpiak awkah mi a ra, ti an theih tikah lungnuam lo ngaiin an um.

ROM 14:18

Cu bantukin Khrih rian a ṭuanmi paoh cu Pathian nih a lawmh hna i minung nih an thangṭhat hna.

ROM 10:1

Ka u le ka nau hna, ka phun hawi mi hi khamh si hna seh ti cu ka lungthin dihlak in ka duh hringhran ko. An caah Pathian sinah thla ka cam lengmang.

DANIEL 5:29

Cun Belshazzar nih nawl a pek hna i Daniel cu puan sen kha an aih i a pennak chungah bawi ngan bik pathumnak a si tiah thawngthanhnak an tuah.

2 CHANRELNAK 28:7

Cun Efraim miṭhawng Zikhri nih siangpahrang fapa Maaseiah le siangpahrang inn uktu Azrikam le nawl ngeihnak leiah siangpahrang a hun dottu Elkanah kha a thah hna.

GENESIS 41:40

Ka ram zohkhenhtu ah hin nangmah cu kan chiah lai i na bia kha a mi kip nih an ngaih lai. Nangmah nakin ka ngan deuhnak cu siangpahrang ṭhutdan cung ṭhutnak kong lawngah hin a si lai,” a ti.

DANIEL 5:16

Sihmanhsehlaw nang cu mang sullam kha a chim khawh i dawi leh zong kha a thiam tiah kaan theih. Cucaah caṭial cu na rel khawh hna i a sullam na chim khawh hna ahcun maimaw puan kha aih na si lai i na hngawng ah sui ṭhi rual oih na si lai,” tiah a ti.

ESTHER 3:2

Cun siangpahrang kutka ah a ummi siangpahrang sinum vialte hna nih khan Haman cu an kunpiak i upatnak an pek; zeicahtiah cuticun nan tuah lai tiah siangpahrang nih khan nawl a pek hna. Sihmanhsehlaw Mordekai nih cun a kunpiak lo i upatnak zong a tuahpiak lo.

1 SAMUEL 23:17

Cun amah kha, “Na thinphang hlah; zeitintiah ka pa Saul kut nih nangmah cu an hmu bal lai lo; nangmah cu Israel siangpahrang na si lai i keimah cu an changtu ka si lai; ka pa Saul zong nih mah hi a hngalh ko,” tiah a ti.

DANIEL 6:3

An rianṭuannak ah cun Daniel nih vuanzi dang hna le mangki dang hna cu a thil ti khawhnak in a iap hna i cucaah siangpahrang nih ram vialte uktu ding i chiah awkah a lung chungin a ruah.

GENESIS 45:10

Goshen peng ah na um lai i ka pawngah na um kho lai — nangmah he, na fale he, na tule he, na tuu hna he, na meheh hna he, na caw hna he, na ngeihmi thil vialte hna he.

GENESIS 45:11

Goshen i na um ahcun kan zohkhenh khawh lai. Mangṭam hi kum nga chung a um rih lai i nangmah le na innchungkhar le na ngeihmi thil vialte kha harnak ton ding kan duh hna lo,’ tiah bia an cah ti in va chim u.

1 SAMUEL 18:16

Sihmanhsehlaw Israel mi vialte le Judah mi vialte nih David kha an duh; zeitintiah amah cu annih hmaiah a chuak a lut lengmangmi a si.

ESTHER 2:5

Susa khuapi chungah cun Judah mi pakhat, a min Mordekai a simi a um; amah cu Jair fapa a si, Jair cu Shimei fapa a si, Shimei cu Benjamin phun Kish fapa a si;