ESTHER 1:6 - Lai (Hakha) Common Language Bible 2006

⁶ Laa in tahmi puanzar a rangmi le puanzar aa thlaimi a dummi hna cu la hmangṭhia in le a senduk in a senmi la in lungrang tung i ngunkual ah khan an ṭem chih hna; cun lung hak le lung rang le lungvar le lung mansung in a mui an sermi ṭuang ah cun sui ṭhutdan le ngun ṭhutdan kha an chiah hna.

ESTHER 1:6 Խաչաձեւ Հղումներ

AMOS 6:4

Nannih cu vuiho in ṭamhmi nan ihkhun ah khan nan it i Nan ṭhutdan nem cungah khan nan zau, Saṭil run chung i a thaumi tuufa hna le cawfa hna kha nan ei;

EZEKIEL 23:41

a ṭha ngaingaimi ihkhun cungah khan na ṭhu i an hmaiah cun cabuai kha an hun i cu cabuai cungah cun keimah zihmui le chiti kha an chiah hna.

AMOS 2:8

Biahrennak ca i an lakmi puan cungah khan biakṭheng pawng kip ah an it i An Pathian inn chungah khan dantatnak in an lakmi zureu kha an din.

ESTHER 7:8

Cun siangpahrang cu siangpahrang inn dum chung khan puai tuahnak hmun ah khan a ra kir ṭhan i Haman cu Esther ṭhutnak ṭhutdan cungah khan a rak bawh ko kha a hmuh. Siangpahrang nih cun, “Keimah ka inn cia cungah, ka um hngan hrimhrim ah siangpahrang bawinu hmanh a tihram dah mu!” tiah a ti. Bia cu siangpahrang kaa chung khan an chuah cangka, Haman cu a hmai kha an khuh colh.

ESTHER 8:15

Susa khuapi cu lunglawmhnak in a au len lioah khan Mordekai cu, siangpahrang puan a dum le a rang kha aa aih i sui luchin kha aa chinh i la hmangṭhia le sendung puan kha i aih in siangpahrang hmai cun a hung chuak.

EXODUS 26:1

“Puan biakinn kha, khumlahrual a hmang a ṭhiami le tuuhmul a mui a dum, maimaw le a sen a simi in tahmi puan zun hra in na ser lai. Cun hi puan cungah cun cherubim kha dawh tein nan suai hna lai.

1 SAMUEL 28:23

Sihmanhsehlaw a al i, “Ka ei lai lo,” tiah a ti. Sihmanhsehlaw a sinum hna nih khan, minu he cun, an hnek peng i an bia kha a ngaih hna. Cucaah vawlei khan a tho i ihkhun cungah a ṭhu.

AMOS 3:12

Hihi Bawipa bia an si: Tuukhal nih chiandeih kaa chungin, a ke pahnih khat maw a hna pelpawi ceo maw, a chuh ṭhan khawh tawn bantukin, Samaria ram chung i ihkhun dawhdawh le ṭhutdan nuamnuam cung i a ṭhumi Israel mi hna lak khan a pelpawite ceo khamh an si lai.