ESTHER 1:4 - Lai (Hakha) Common Language Bible 2006

⁴ a siangpahrang sunparnak chawhlawn le a lianhngannak sunlawinak le upatnak kha ni saupi, ni za khat le ni sawm riat chung a hmuhsak hna.

ESTHER 1:4 Խաչաձեւ Հղումներ

JOB 40:10

“Lianhngannak le hmaizahnak in i fam law Sunparnak le rumra in i thuam tuah.

BIAPHUAN 4:11

“Kan Bawipa le kan Pathian, Nangmah cu sunparnak le upatnak le lianhngannak kha hmuh awkah aa tlakmi na si. Zeicahtiah zeizong vialte kha nangmah nih na ser hna i Nangmah duhnak bangin annih cu ser an si i nunnak an ngei,” tiah an ti.

KOLOSE 1:27

Pathian nih aa tinhmi cu, mi vialte caah si seh tiah a rak ruahmi biathli, a sunglawi i a lianngan ngaingaimi biathli, a mi hna sin i a phuanmi cu a si. Cu biathli cu, Khrih cu nan chungah a um i cucaah nannih cu Pathian sunparnak kha nan i hrawm lai, timi hi a si.

EFESA 1:18

Zei ruahchannak hmuh awkah dah an kawh hna ti le, a mi a kamhmi hna a thluachuahnak khuaruahhar cu zeitluk in dah a tam i

ROM 9:23

Cun a sunglawimi a sunparnak zong kha langhter a duh i a kan zaangfahmi kannih cungah khan cu a sunparnak cu a kan toih, kannih cu a sunparnak hmu dingin a kan timhmi cu kan si.

MATTHAI 6:13

Tukforhnak chungah kan phakter hlah, Mi Ṭhalopa sin khan him tein kan khamh tuah.

MATTHAI 4:8

Cun Khuachia nih cun Jesuh cu tlang sang ngaingaimi pakhat ah a kalpi i vawleicung ram vialte le an sunparnak vialte kha a hmuhsak i,

DANIEL 5:18

Siangpahrang ka bawipa, Cung Nung Bik Pathian nih na pa Nebukhadnezzar cu pennak le ṭhawnnak le sunparnak le lianhngannak kha a pek;

DANIEL 4:36

Ka lungthin kel i ka hung kir ṭhan tikah khan ka bawinak le ka sunparnak le ka pennak lianhngannak kha pek ṭhan ka hung si. Ka tlangpi hna le ka bawi hna nih khan ka bia kha an duh. Ka pennak kha fehter a si i ka ṭhawnnak cu tam piin a karh.

DANIEL 4:30

“Mah hihi a liannganmi Babilon, keimah nih siangpahrang umnak caah keimah ṭhawnnak a nganmi le keimah upatnak langhternak caah ka sermi a si lo maw?” tiah a au.

EZEKIEL 28:5

Chawlehnak i na fimnak thawngin chawva cu naa pon tengtung ko hna i, Na rumnak rup cun na ruamkainak cu a ṭhang.

ISAIAH 39:2

Hezekiah nih khan lamkaltu pawl cu ṭha tein a rak conglawmh hna i a chawva kha a hmuhsak hna — sui le ngun le zihmui le thil rimhmui le a ral hriamnam kha a hmuhsak hna. A thil chiahnak inn i a chiahmi si hna seh, a ram chung thil si hna seh, a hmuhsak lomi hna zeihmanh an um lo.

SALM 145:5

Mi nih na sunparnak le lianngannak kha an chim lai, kei nih thil khuaruahhar na tuahmi kha ka ruat hna lai.

SALM 93:1

Bawipa cu siangpahrang a si! Rumra in aa thuam i a tai cu thazang in aa sawmh. Vawlei cu a umnak hmun ah khan fek tein a chiah i a hninh in hninh khawh a si lo.

SALM 45:3

A ṭhawngmi siangpahrang, na vainam kha i bei tuah; nang cu a ṭhawngmi le a liannganmi siangpahrang na si.

SALM 21:5

Nangmah nih na bawmh caah a sunparnak cu a ngan, minthannak le lianhngannak na pek,

1 CHANRELNAK 29:25

Cun Bawipa nih Israel mi vialte hna mithmuh ah Solomon cu upatnak ngan a pek i amah hlanah Israel mi chung i siangpahrang ahohmanh a rak pek hna lomi siangpahrang sunparnak kha amah cu a pek.

ESTHER 1:3

a bawinak kum thum kum ah khan a bawi vialte hna le a sinum hna caah puai a tuah i Persia le Media ralbawi hna le ram uktu bawi hna le tuavon hna kha a hmaiah cun an um i

ESTHER 1:5

Cun hi ni hna an dih tikah Susa khuapi chung i a ummi mi vialte hna caah, a ngan he a hme he, rawl danghnak pakhat, ni sarih chung, siangpahrang inn dum chung tual ah cun a serpiak hna.