EFESA 6:19 - Lai (Hakha) Common Language Bible 2006

¹⁹ Cun thla rak ka campiak ve u, bia ka chim tikah Pathian nih chim awk bia a ka pek nakhnga le ralṭha in ka chim nakhnga le thawngṭha biathli cu ka langhter khawh nakhnga, ka caah thla rak cam u.

Laibaibal Thiang (BSI)

¹⁹ cun thawngṭha biathli cu phuang dingin pêk ka si i ka kâ ka ân i ral ṭhain ka chim khawh nâkhnga thla ka campiak ve u,

EFESA 6:19 Խաչաձեւ Հղումներ

KOLOSE 4:3

Cun Pathian nih a bia chimnak caan, Khrih biathli phuannak caan cu a kan pek nakhnga kannih ca zongah thla rak cam lengmang ve u. Atu thong i ka tlaknak chan hi cucu pei a si cu.

LAMKALTU 4:29

Cucaah atu cu Bawipa, an kan hronak hi kan hngalhpiak law kannih na sal rual nih hin na bia cu ralṭha chinchin in kan chim nakhnga a nawl kan pe ko.

2 THESALON 3:1

U le nau hna, a donghnak ah, Bawipa bia cu nan lakah a rak karhter bantuk khan, khulrang in a karh chin lengmang i sunparnak kha a hmuh nakhnga, thla kan campiak u.

1THESALON 5:25

U le nau hna, kannih zong thla rak kan campiak ve u.

HEBRU 13:18

Thla kan campiak lengmang ko u. A hmaanmi thil kha tuah kan duhmi a si zungzal caah kan chiaṭha thleidannak kha a thiang ko.

LAMKALTU 4:31

Annih nih thla an cam dih tikah an i pumhnak hmun cu aa hnin. Thiang Thlarau in an khat i Pathian bia cu ralṭha ngaiin an chim.

1THESALON 2:2

Thesalonika khua i nan sin kan phak hlanah zeitindah Filipi khua ah an kan serhsat i an kan nihsawh ti cu nan hngalh. Asinain, Pathian nih a Thawngṭha kha nannih chimh awkah ralṭhatnak a kan pek i harnak tampi a um nain kan chim.

2 KORIN 8:7

Zumhnak ah siseh, biachimnak ah siseh, hngalhnak ah siseh, midang bawmh duhnak ah siseh, kanmah nan kan dawtnak ah siseh, nan rum ngaingai ko. Cucaah cun hi dawtnak rian zongah hin a siangmi nan si awk kha kan in duh hna.

EFESA 1:9

Pathian nih a fimnak le a thil hmuh khawhnak in a rak i timhmi cu a hun tuah i Khrih thawngin tlinter a timhmi a khuakhannak a rak i thupmi kha kannih cu a kan hngalhter cang.

1 KORIN 4:1

Kannih cu Khrih sal, Pathian biathli kengtu ah khan nan kan ruah awk a si.

LAMKALTU 28:31

Pathian Pennak kong kha a chimh hna i Bawipa Jesuh Khrih kong kha a cawnpiak hna i ralṭha ngai le zeihmanh dawntu um loin a chimh hna.

LAMKALTU 19:8

Paul cu pumhnak inn chungah khan a lut i thla thum chung mizapi kha ralṭha ngaiin a chimh hna, annih kha heh tiah a al hna i Pathian Pennak kong i an lung a pem nakhnga aa zuam.

LAMKALTU 13:46

Sihmanhsehlaw Paul le Barnabas nih khan ralṭha chinchin in an chimh hna i, “Nannih sin i Pathian bia chim hmasa hi a herh taktakmi a si. Sihmanhsehlaw nannih nih nan duh lo ca le zungzal nunnak hmu dingah aa tlak in nan i ruah lo caah, nannih cu kan in kaltak hna lai i Jentail mi sinah kan kal cang lai.

FILEMON 1:22

Cun inn zong rak ka damhpiak law ka duh hnga. Pathian nih nan thlacamnak kha an leh ṭheo hna lai i nanmah sinah a ka ratter ṭhan lai ti kha ka zumh.

KOLOSE 2:2

Cu bantukin ka ṭuan cu, an lungthin kha ralṭhatnak in a khah i dawtnak in pakhat le pakhat an i komh i hngalhnak hmaan nih a chuahpimi hnangamnak tampi kha an ngeihnak hnga ka duh caah a si. Cun annih nih Pathian biathli cu an hngalh lai i cu biathli cu Khrih kha a si ko.

2 KORIN 3:12

Hi ruahchannak kan ngeih caah hin kan ral a ṭha ngam.

1 KORIN 1:5

Zeicahtiah Khrih thawngin zeizong vialte ah nan rum cang, holh lei le hngalhnak lei zongah nan rum cang.

LAMKALTU 14:3

Khika ah lamkaltu hna kha saupi an cam. Bawipa kong kha ralṭha ngaingai in an chim i a velngeihnak kong an chimmi kha ahmaan ti hmuhsaknak caah khuaruahharnak tuah khawhnak kha a pek hna.

LAMKALTU 9:27

Khi tikah Barnabas nih khan amah cu a bawmh i lamkaltu pawl sinah khan a kalpi. Zeitindah Saul nih lampi ah Bawipa a hmuhnak kong le Bawipa nih a sinah bia a chimnak kong tehna kha a chimh hna. Damaskas khua i Saul nih ralṭha ngaiin Jesuh min in phung a chimnak zong kha a chimh hna.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

2 KORIN 7:4

Kaan zumh tuk hringhran hna. Kaan chawr tuk hringhran hna. Harnak kan inmi vialte ah hin lung ṭhawng ngaiin ka um ko rih, lawmhnak in a liam in ka liam ko.

2 KORIN 1:11

Nannih nih nan thlacamnak in nan kan bawmh caah, a kan khamh ṭhan ko lai ti zong kha kan i ruahchan. Cucaah cun kan ca i thla tampi nan cammi cu Pathian nih an leh hna lai i thluachuahnak a kan pek lai; cun kanmah ruangah mi tampi nih Pathian cu lawmhnak in an thangṭhat lai.

1 KORIN 2:7

ka chimmi fimnak cu Pathian biathli fimnak, minung hngalh lomi, vawlei ser hlan hrimhrim in Pathian nih kan sunparnak ding ca i a rak timhmi fimnak tu kha a si.

ROM 15:30

Kan Bawipa Jesuh Khrih le Thiang Thlarau pekmi dawtnak in kan nawl hna: keimah caah Pathian sinah thla rak cam lengmang ve u.

LAMKALTU 18:26

Pumhnak inn ah khan ralṭha ngaiin a cawnpiak hna. Cun amah cu Prisilla le Akuila nih khan an theih tikah an inn ah an kalpi i Pathian Lam kong kha hmaan deuh chin in an cawnpiak.

LAMKALTU 4:13

Biaceihtu hna nih Peter le Johan cu an ralṭhatning kha an hmuh i fimthiamnak zeihmanh a ngei lomi, mi sawhsawh an si ko ti kha an hngalh tikah an khuaruah a har. Khi tikah annih cu Jesuh hawikom an rak si ti kha an hun hngalh.

LAMKALTU 2:4

Annih cu Thiang Thlarau in an khat i Thlarau nih chim khawhnak a pek hna bantuk cio khan, holh dang in an holh.

LAMKALTU 9:29

Grik holh in a holhmi Judah mi hna he zong khan bia an i ruah i a al zong an i al len, sihmanhsehlaw annih nih cun thah kha an timh.

ROM 16:25

Pathian cu sunparnak pe u sih. Ka chimmi Khrih kong Thawngṭha le kan hnulei chan tampi chung aa thupmi biathli kha phuan a sining in, Pathian nih cun nan zumhnak ah fek tein an dirter khawh hna lai.

2 KORIN 6:11

Korinth khua i a ummi ka hawi dawtle hna! Hlangfang tein bia kan in chimh hna i kan lung kha kaupi in kan in hunpiak hna.

EFESA 3:9

Pathian nih a thli tein khua a rak khanmi ah khan zeitindah rian a ṭuan ti kha, mi vialte hngalhternak rian cu Pathian nih a ka fial. Zeizong vialte Sertu Pathian nih cun kan hnulei chan chung vialte kha a biathli cu a rak thuh,