EFESA 6:18 - Lai (Hakha) Common Language Bible 2006

¹⁸ Hi vialte hi thlacam buin tuah u law Pathian kha bawmhnak hal u. Thlarau nih an hruai hna ningin zeitik caan paoh ah thlacam u. Hi caah timhcia tein um zungzal u law nan hnabei zeitikhmanh ah dong hlah u; Pathian mi hna caah thlacam zungzal u.

Laibaibal Thiang (BSI)

¹⁸ thlacamnâk le nawlnâk vialte kha Thlarau in tuah ulaw, fimhring te le ralring tein mithiang vialte caah biatak tein thla cam u-

EFESA 6:18 Խաչաձեւ Հղումներ

1THESALON 5:17

a zungzal in thlacam u,

KOLOSE 4:2

Thlacam ah ṭang u law, lawmhnak in Pathian sinah thla nan cam tikah lungfim tein um u.

FILIPI 4:6

Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u.

1TIMOTE 2:1

Cucaah a hmasa bik ah fial kan duhmi cu, nawlnak le thlacamnak le halnak le lawmhnak biachimnak kha mi vialte caah, kan Pathian sinah tuah u sih. Siangpahrang hna le nawlngeitu hna caah

JUDAS 1:20

Sihmanhsehlaw ka hawile hna, nannih cu a thiang bikmi nan zumhnak cungah khan fek chin lengmang in i sa chin lengmang ko u. Thiang Thlarau ṭhawnnak thawng khan thlacam u law

MARKA 14:38

Cun annih cu, “Nan dihlak in hngilh loin um u law tukforhnak chungah nan tlak nakhnga lo, thla cam u, thlarau nih cun a duh ko, sihmanhsehlaw titsa cu a thazang a tlawm,” tiah a ti.

LUKA 21:36

Hi a tlung hnga dingmi thil vialte hi him tein chuak lakin nan tan khawh nakhnga, thazang nan ngeih nakhnga le Mi Fapa hmaiah nan dir khawh nakhnga, ralring tein um u law thla va cam zungzal ko u,” tiah a ti.

MATTHAI 26:41

Tukforhnak chungah nan luh nakhnga lo hngilh lo tein um u law thlacam tuah u. Thlarau nih cun a huam ko, sihmanhsehlaw titsa cu a der,” tiah a ti.

DANIEL 9:20

Cuticun bia ka chim i thla ka cam i keimah ka sualnak le ka mi hna an sualnak cu ka phuan i Bawipa ka Pathian hmaika ah cun a tlang thiang caah cun nawlnak kha ka tuah.

EFESA 1:16

nanmah ruang i Pathian lawmh cu a ngol in ka ngol lo. Ka thlacamnak ah kan philh hna lo.

SALM 6:9

bawmh hal in ka aunak kha a theih i ka thlacamnak kha a ka leh.

ROM 12:12

Nan i ruahchanmi thawng khan nan tha nuam ko u; harnak nan in tikah lungsau thinfual in um u law thla cam zungzal u.

MARKA 13:33

Cu caan cu zeitik ah a si lai kha nan hngalh lo caah i ralring te le fimhring tein um ko u.

1 PETER 4:7

Zeizong vialte donghnak caan hi a nai ko cang. Cucaah cun thla nan cam khawh nakhnga, mah le mah aa uk khomi le ralring tein a ummi nan si lai.

LAMKALTU 1:14

Thlacam awkah atu le atu a bu tein an i pum i an sinah cun nu hna le Jesuh nu Mary le Jesuh naule kha an um ve.

LUKA 22:46

Annih cu, “Zeicahdah nan i hngilh? Tukforhnak ah nan tlak nakhnga lo tho u law thlacam u,” a ti hna.

SALM 4:1

Ka au tikah ka let tuah, maw Pathian a ka chanhtu, Harnak chung i ka um tikah nangmah nih na ka bawmh tawn. Atu zong ka zaangfah law ka thlacamnak hi ka theihpiak tuah.

HEBRU 5:7

Vawlei cung a um lioah, Jesuh nih thihnak in a khamh khotu Pathian sinah aihramnak le mitthli he thlacamnak le nawlnak kha a tuah. Amah cu a lung a nemmi le Pathian sinah aa pemi a si caah Pathian nih a theih.

2TIMOTE 1:3

Kan pupa hna nih an rak biak bantukin kei zong nih lungthiang tein ka biakmi Pathian cu, chun he zan he ka thlacamnak i nangmah kan theih fate, ka lawmh zungzal.

FILIPI 1:4

cun nan ca i thla ka cam fate lunglawmhnak in ka cam,

1 SIANGPAHRANG 8:52

Na salpa nih kan nawlnak le na mi Israel mi nih an in nawlnak ah hin na mit chia hram ko, an in auh tik paoh ah na hna chit ko hna.

1 SIANGPAHRANG 9:3

Cun Bawipa nih a thawh i, “Ka hmai i na thlacamnak le na ka nawlnak vialte cu ka theih cang; hi na sakmi inn hi ka thianter cang i zungzal ca in a chungah ka min ka chiah cang; ka mit le ka lung cu khika ah an um camcin lai.

1 SIANGPAHRANG 8:54

Solomon nih Bawipa sinah hi thlacamnak le nawlnak vialte a cam dih tikah, van leiah zaa chan in a khuk aa bilnak Bawipa biakṭheng hmai khan a tho i,

EFESA 6:19

Cun thla rak ka campiak ve u, bia ka chim tikah Pathian nih chim awk bia a ka pek nakhnga le ralṭha in ka chim nakhnga le thawngṭha biathli cu ka langhter khawh nakhnga, ka caah thla rak cam u.

LAMKALTU 12:5

Cucaah Peter cu thong chungah khan an chiah ko, asinain khrihfabu chungmi hna nih cun a caah khan thla fak piin an cam.

HOSEA 12:4

Vancungmi he khan an i pai i a tei. Jakob cu a ṭap i thluachuahnak ka pe tiah a hal. Khi tikah Pathian cu Jakob sinah cun Bethel ah khan a ra i amah he cun an i chawn.

DANIEL 6:10

Daniel nih cu nawlbia cu chuah a si cang ti a theih tikah a inn ah a lawi. A inn khaan cung dot ah khan Jerusalem lei hoih in thlalangawng pathum an um. Khika ah khan a tuah tawn phung a si zungzal bantukin a khuk aa bil i ni khat ah voi thum lengmang thla a cam i a Pathian kha a thangṭhat.

ISAIAH 26:16

Bawipa, nangmah nih na mi cu dan na tat hna i harnak an in tikah na sinah thla an cam.

1 SIANGPAHRANG 8:59

Bawipa hmaiah nawlnak ka tuahnak ka bia hna hi Bawipa kan Pathian pawngah chun zan in um seh law, a sal ka rian hi ni khat hnu ni khat a herhnak bangin ka ṭanpi ko seh;

FILEMON 1:5

Hi kaa lawmhnak cu Pathian mi vialte na dawtnak hna le Bawipa Jesuh na zumhnak kong ka rak theih caah khan a si.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

JOB 27:10

Lianngan Bik cu aa bochan hnga maw? Pathian cu a au camcin hnga maw?

ESTHER 4:8

Mordekai nih cun, annih hrawhnak ding caah Susa khua chung i nawlbia an chuahmi ṭial chinmi pakhat kha a pek i, Esther kha na va hmuhsak lai i a sullam na va chimh lai i siangpahrang sinah a va kal lai i amah cu a miphun hna caah a va nawl nakhnga na fial lai, tiah a ti.

LAMKALTU 10:2

Amah cu biaknak leiah aa zuam ngaingaimipa a si i amah le a innchungkhar nih khan an dihlak in Pathian kha an biak. Amah nih khan Judah mi hna lak i misifak hna kha siang ngaiin a bawmh hna i Pathian sinah thla zong a cam zungzal.

LAMKALTU 6:4

Kannih tu cu thlacam le Pathian Bia chimnak ah khan kan caan cu a dihlak in kan hmang ko lai,” tiah an ti.

EFESA 3:18

Pathian mi vialte hna he Khrih dawtnak a kauhning le a sauning le a sanning le a thuhning kha nan hngalh khawh nakhnga, nan caah thla ka cam.

EFESA 3:8

Pathian mi hna lak i a hme bik nak hmanh in a hme deuhmi ka si ko nain, Khrih a rumnak a dong kho lomi Thawngṭha cu Jentail mi hna sinah chim awk le

ROM 8:15

Pathian nih an pekmi hna Thlarau cu sal i an canter ṭhantu hna ding thlarau a si lo, ther lengmang le phang lengmang i nan rak nunning ah an kalpi ṭhantu hna ding zong a si fawn lo. Pathian fa ah a kan sertu ding tu kha a si i amah nih cun Pathian kha, “Ka Pa, ka Pa,” tiah a kan auhter khawh.

EFESA 2:22

Amah he nan i pehtlaihnak thawngin nannih zong hawi dang vialte he, Pathian nih a Thlarau in a umhnawhmi inn ah ser nan si cang.

LUKA 3:37

Lamek cu Methuselah fapa a si, Methuselah cu Enok fapa a si, Enok cu Jared fapa a si, Jared cu Mahalaleel fapa a si, Mahalaleel cu Kainan fapa a si,

KOLOSE 1:4

Zeicahtiah Khrih Jesuh nan zumhnak le Pathian mi nan dawtnak hna kong kha kan rak theih.

GALATI 4:6

Pathian fa nan si caah khan Pathian nih, a Fapa Thlarau cu nan lung chungah a run thlah i cu Thlarau nih cun, “Ka Pa, ka Pa,” tiin a au.

LUKA 3:26

Naggai cu Maath fapa a si, Maath cu Mattathias fapa a si, Mattathias cu Semein fapa a si, Semein cu Josek fapa a si, Josek cu Joda fapa a si,

KOLOSE 1:3

Nan ca i thla kan cam tikah, kan Bawipa Jesuh Khrih i a Pa kan Pathian sinah lawmhnak bia kan chim zungzal.

1 SAMUEL 1:12

Bawipa hmai i thla a cam lengmang lioah cun Eli nih a kaa kha a rak i chingchiah.

MATTHAI 17:21

Sihmanhsehlaw hi bantuk cu thlacamnak le rawl ulhnak lawng nih a ṭhawl khawh; zei dang nih cun a ṭhawl kho lo,” tiah a ti.