EFESA 6:10 - Lai (Hakha) Common Language Bible 2006

¹⁰ A donghnak ah, Bawipa he nan i pehtlaihnak thawng le a ṭhawnnak a nganmi thawngin nan thazang cu, ṭhawnter chin ko u.

Laibaibal Thiang (BSI)

¹⁰ A donghnâk ah ka ule nau hna, Bawipa le a lianngan mi a ṭhawnnâk ah ṭhawng ngaiin um u.

EFESA 6:10 Խաչաձեւ Հղումներ

FILIPI 4:13

Ṭhawnnak a ka petu Khrih thawngin thil zeipaoh ka tuah khawh ko hna.

ISAIAH 40:31

Sihmanhsehlaw Bawipa aa bochanmi cu thazang thar an la. Mupi bangin an zuang lai; an tlik tikah an baa lai lo, an kal tik zongah an tha a di lai lo.

JOSHUA 1:9

Keimah nih nawl kan pek a si lo mei? Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko,” tiah a ti.

1 KORIN 16:13

Lungfim tein um u, nan zumhnak ah khan fek tein dir u, ralṭha in um u law thazang ṭhawng in um u.

1 PETER 5:10

Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.

KOLOSE 1:11

Zeizong vialte kha lungsau thinfual in nan in khawh nakhnga, amah thazang chungin a chuakmi thazang nih in ṭhawnter ko hna seh.

EFESA 1:19

a zummi hna chung i rian a ṭuantu a ṭhawnnak cu zeitluk in dah a ngan ti kha nan hngalh khawh nakhnga caah a ceunak cu nan hmuh khawhnak hnga, nan lung kha in hunpiak ko hna seh. Hi kan chung i a ummi ṭhawnnak hi,

EFESA 3:16

Nan chunglei minung sinak ah a ṭhawngmi nan si nakhnga le zumhnak thawngin Khrih cu nan lungthin chungah khua a sak nakhnga, cun a sunparnak ro bukbau chungin A Thlarau thawngin ṭhawnnak an pek hna nakhnga, Pathian cu ka nawl. Nan hrih nan hram cu dawtnak chungah fek tein nan bunh nakhnga le

2TIMOTE 4:17

Sihmanhsehlaw Bawipa nih a ka umpi i Jentail mi vialte nih an theih khawh nakhnga Thawngṭha cu tling cikcek tein chim khawhnak thazang a ka pek; cun chiandeih kaa chung khan a ka chanh.

ISAIAH 40:28

Nan hngal lo maw? Nan thei lo maw? Bawipa cu zungzal hmunmi Pathian a si i Amah nih vawlei kha a ser dih; zeitikhmanh ah a baa bal lo i a thazang a tlawm bal lo. Ahohmanh nih a lungthin kha an hngal lo.

2TIMOTE 2:1

Ka fapa, Khrih Jesuh he kan i pehtlaihnak thawngin kan hmuhmi Pathian vel nih ṭhawnnak in pek ko seh.

2 CHANRELNAK 15:7

Sihmanhsehlaw nannih cu nan lung ṭhawng ko u! Nan kut kha derter hna hlah u, zeitintiah nan rian cu man a ngei lai,” tiah a ti.

HAGGAI 2:4

Sihmanhsehlaw atu cu maw Zerubbabel, na lungṭhawng ko, tiah Bawipa nih a ti; maw Jehozadak fapa Joshua, Tlangbawi Ngan, na lungṭhawng ko; ramchung mi vialte hna, ṭuan tuah u, tiah ralkapbu Bawipa nih a ti.

SALM 138:3

Kan auh tikah na ka leh, na ṭhawnnak in na ka ṭhawnter.

FILIPI 4:8

A donghnak ah ka u le ka nau hna, nan lungthin kha a ṭha le thangṭhat awk a tlakmi thil in khahter hna u: a taktak a simi thil, a sunglawimi thil, a hmaanmi thil, aa dawhmi thil le upat awk a tlakmi thil in khahter hna u.

ZEKHARIAH 8:13

Judah innchungkhar le Israel innchungkhar hna, nannih cu miphun vialte hna sinah chiatserhnak hmelchunhnak kha nan rak si; sihmanhsehlaw atu cu kan khamh hna lai i thluachuahnak hmelchunhnak nan si cang lai. Lung ṭhawng in um u, nan thin phang hlah u!

1 CHANRELNAK 28:10

Cucaah i ralring tuah, zeicahtiah nangmah cu Bawipa nih a thiangmi hmun ca i inn sak awkah an thim cang; ṭhawng ngaiin um law ṭuan tuah,” tiah a ti.

1 SAMUEL 23:16

Cun Saul fapa Jonathan kha a tho i David sinah Horesh ah khan a kal i amah kha Pathian ah a kut a fehter.

ZEKHARIAH 8:9

Mah hihi ralkapbu Bawipa bia a si: Biakinn cu sak a si ṭhan lai, tiin profet hna nih, ralkapbu Bawipa inn kha a hram dirh a si lio in atu tiang an chim lengmangmi biakamnak, atu chan ah a theimi nannih nih lung ṭhawng in um tuah u.

DEUTERONOMI 31:23

Cun Bawipa nih Nun fapa Joshua kha rian a pek i, “Ṭhawng law, na ral ṭha tuah; zeitintiah Israel fale hna cu annih pek awkah chiat ka sermi ram chungah na luhpi hna lai; nangmah sinah ka um lai,” tiah a ti.

1 CHANRELNAK 28:20

Khi tikah David nih a fapa Solomon cu a thawh i, “Ṭhawng ngai le ralṭha ngaiin um law ṭuan tuah. Ṭih hlah, na lung dong hlah; zeicahtiah Bawipa Pathian, keimah i ka Pathian hrimhrim cu na sinah a um. Bawipa inn chung rianṭuannak ca i rian vialte cu lim a si hlantiang amah nih cun an deuh lai lo i an hlaw fawn lai lo.

2 KORIN 13:11

Atu cu ka u le ka nau hna, dam tein rak um u. Nan umtuning kha rak i remh u. Kan nawlnak hna hi rak ngai u; pakhat le pakhat i rem u law dai tein rak um u. Cun dawtnak le remnak Pathian cu nan sinah a um lai.

1 PETER 3:8

A donghnak ah ka chim duhmi cu, ruahnak khat le lungthin khat in um u, u le nau bantukin i daw u law pakhat le pakhat i zaangfah u law toidor tein um u.

FILIPI 3:1

A donghnak ah, ka u le ka nau hna, Bawipa ah cun i lawm ko u. Hmasa i ka rak ṭial cangmi nolh ṭhan kha ka zeeng lo i nanmah an humhaktu hna a si.

1 PETER 4:11

Zeizong kip ah Jesuh Khrih thawngin Pathian nih thangṭhatnak a hmuh nakhnga, phung a chimmi nih Pathian bia kha chim u, rian a ṭuanmi nih Pathian pekmi thazang khan ṭuan u, sunparnak le lianhngannak cu zungzal in zungzal tiang amah ta a si. Amen.

1JOHAN 2:14

Ka dawtle hna, Pa kha nan hngalh caah hi ca hi kan kuat hna. Pale hna, a hramthawk tein a ummi kha nan hngalh caah kan kuat hna. Tlangval hna, nan ṭhawn caah kan kuat hna; Pathian bia cu nan chungah a um i Miṭhalopa kha nan tei cang.