EFESA 6:1 - Lai (Hakha) Common Language Bible 2006

¹ Ngakchia hna, nan nule nan pa bia ngai hna u, cucu khrihfa rian a si i ahmaanmi thil zong a si caah nan tuah awk a si.

Laibaibal Thiang (BSI)

¹ Ngakchia hna, Bawipa ah nan nu le nan pa nawl ngai hna u, cucu a dikmi a si.

EFESA 6:1 Խաչաձեւ Հղումներ

PHUNGTHLÛKBIA 23:22

Nangmah an hringtu na pa kha a bia va ngai, na nu kha a tar tikah va serhsat hlah.

PHUNGTHLÛKBIA 6:20

Ka fapa, na pa nawlbia kha zul hna law na nu cawnpiaknak kha hlaw hna hlah:

PHUNGTHLÛKBIA 1:8

Ka fapa, na pa cawnpiaknak cu ngai law Na nu ṭhithruainak cu hlaw hlah.

DEUTERONOMI 21:18

“Mipa pakhatkhat nih lung a khawng i ralchanh a hmangmi fapa a ngeih i, a pa bia siseh a nu bia siseh a ngaih duh lo i, an chimhring nain zel ah a rel hna lo ahcun,

LEVITIKAS 19:3

Nannih vialte nih nan nu le nan pa kha nan upat hna lai i ka sabbath hna kha nan ulh hna lai, kei cu Bawipa nan Pathian ka si.

1TIMOTE 5:4

Sihmanhsehlaw nuhmei nih cun fa si hna seh, tu si hna seh a ngeih hna ahcun, cu hna nih zumh awk tlak tein an innchungkhar zohkhenh le an pa si hna seh, an pi an pu si hna seh, cawm ṭhan ve cu an rian pakhatnak ah an chiah awk a si i cucu biaknak lei in an rian Pathian nih tuah hna seh ti a duhmi cu a si.

ROM 12:2

Hi vawlei kalning hin kal ve lengmang ti hlah u, sihmanhsehlaw chunglei in Pathian nih nan lungthin kha a dihumnak in in thleng hna seh. Cu tikah a ṭhami thil le Pathian nih a lawmhmi thil le a tlingmi thil kha nan hngalh khawh lai, cucu Pathian duhmi an si.

PHUNGTHLÛKBIA 30:17

a pa kha a nihsawh i a nu kha a tar tikah zei ah a rel lomi cu, a mit kha nelrawn langak nih an khoih lai i langta nih an ei lai.

ROM 7:12

Cucaah Nawlbia cu a thiang i tuah awk timi cu a thiang ahmaan i a ṭha ko.

LUKA 2:51

Cuticun Jesuh cu an sinah Nazareth khua ah khan a kir i a nu le a pa kut tangah nawl ngai tein a um: Hi thil vialte hi a nu nih a lung chungah aa ken dih.

JOB 33:27

Cun mi vialte hmaiah, ‘Ka sual cang, Dinnak kha dinlonak ah ka ser cang i cucu ka rak ruat bal lo,’ a ti ahcun,

1 PETER 2:13

Bawipa ruangah, nawl a ngeimi hna kha, an nawl ngai ko hna u, nawl ngeihnak sang bik a ngeimi Siangpahrang kha a nawl ngai u law

HOSEA 14:9

A fimmi nih cun hika i aa ṭialmi hi i hngalh hna seh law an lungchung in i cinken hna seh. Bawipa lam cu lamding an si i miding mi nih cun cu lam cu an zulh hna, sihmanhsehlaw misual mi cu an ril i an tlu.

PHUNGTHLÛKBIA 30:11

An pale kha chiat a serh i an nule kha a thangṭhat lomi an um tawn,

GENESIS 28:7

Jakob nih a nu le a pa kha an nawl a ngaih hna i Mesopotamia ram ah a kal cang ti kha a hngalh.

SALM 19:8

Bawipa phunglam cu ahmaanmi an si, cu phunglam a zulmi cu an lung aa lawm. A nawlbia cu dinnak leiah a tlingmi an si i hngalhthiamnak lungthin pe khotu an si,

ESTHER 2:20

Mordekai nih a fial bangin Esther nih zei miphun le ahodah a rualchan an si kha a langhter lo; zeicahtiah Esther nih Mordekai cu, a rak cawm lio bantuk te khan a nawl a ngaih.

1 KORIN 15:58

Cucaah ka u le ka nau hna, fek tein dir u law zeihmanh nih in ṭhial kho hna hlah seh. Bawipa rian teimak tein nan ṭuannak ah cun i manh lo ngaiin um zungzal ko u, Bawipa rian nan ṭuanmi cu alak a si bal lo ti kha nan hngalh.

ROM 16:2

Pathian mi cu pakhat le pakhat nan i cohlan awk a si bantukin nannih nih amah cu Bawipa min in rak cohlang u law bawmhnak a herhmi paoh ah khan rak bawm u; amah cu mi tampi caah hawikom ṭha a si, keimah ca zongah a si ve.

SALM 119:75

Bawipa, na nawlbia kha an ding ti ka hngalh i zumhawktlakmi na si caah dan na ka tat cu a si.

GENESIS 37:13

Israel nih khan Josef cu a thawh i, “Na ule cu Shekhem ah saṭil kha an khal hna. I tim law an sinah kan thlah lai,” a ti. Josef nih cun, “Kaa tim ko,” tiah a leh.

JEREMIAH 35:14

Jonadab nih a tefa hna cu zu din lo awkin nawl a pek hna i annih nih an pu nawlbia cu an ngaih caah nihin ni tiang te hin ahohmanh zuding an um lo. Sihmanhsehlaw nannih cu bia kan chim lengmang hna nain ka bia nan ngai duh lo.

NEHEMIAH 9:13

Sinai Tlang cungah khan na rung ṭum i vancung khin annih cu na run chawnh hna i phunglam dikdik le phungbia taktak le phung ṭhaṭha le nawlbia ṭhaṭha kha na pek hna i

1 SAMUEL 17:20

Cun David cu zingka tein a tho i tuu cu a cawngtu pakhat sinah a chiahtak hna i, thil kha a kalpi hna i Jesse nih a fial bantuk khan a kal; cun ralkapbu cu ral hla i sak pah in raldoh awk i i tiannak hmun i an chuah lioah khan riahhmun cu a va phan.

SALM 119:128

Cucaah cun na cawnpiaknak kha ka zulh hna i lam hmaanlo vialte kha ka huat hna.

RUTH 3:5

Cun anih nih, “Na chimmi paoh cu ka tuah lai,” tiah a leh.

JEREMIAH 35:8

Kan pu Rekhab fapa Jonadab nawl cu kan ngaih i kan chan chung vialte zu kan ding lo, kan nupile zong nih an ding lo, kan fapale zong nih an ding lo, kan fanule zong nih an ding lo.

JEREMIAH 35:18

Cun Rekhab mi cu Jeremiah nih a thawh hna i, “Hi bia hi Ralkapbu Bawipa, Israel Pathian bia a si: Nannih nih nan pu Jonadab nawl kha nan ngaih i a nunchimhnak kha nan zulh i an fialmi vialte hna kha nan tuah caah,

GENESIS 48:12

Cun Josef nih Israel phei cung cun a ṭhial hna i a hmaiah cun a kun.

GENESIS 50:12

Cuticun Jakob nih a chimh hna bang khan a fale nih cun an tuah;