EFESA 5:26 - Lai (Hakha) Common Language Bible 2006

²⁶ Khrihfabu cu ti in thiang tein a ṭawl hnuah Pathian sinah a bia in a pek.

Laibaibal Thiang (BSI)

²⁶ anih cu bia hmangin ti in a khawlh-ṭawl i a thianter khawh lai;

EFESA 5:26 Խաչաձեւ Հղումներ

JOHAN 15:3

Nannih cu kan chimhmi hna bia thawngin nan thiang cang.

HEBRU 10:22

Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih.

JOHAN 3:5

Jesuh nih cun, “Biatak tein kan chimh: ahohmanh ti le thlarau in hrin a si lo ahcun Pathian Pennak chungah cun a lut kho lai lo.

EZEKIEL 36:25

Nan cungah ti thiang kan theh hna lai i nannih an thurhhnawmhtertu hna thil vialte khan kan thianh hna lai; nan siasal biaknak thurhhnawmhnak vialte khan kan thianh dih hna lai.

1 KORIN 6:11

A cheu cu cu bantuk cu nan rak si. Asinain sualnak in thianh nan si cang; Pathian sinah pekchanh nan si cang; Bawipa Jesuh Khrih min le kan Pathian Thlarau thawngin Pathian he remter nan si cang.

EFESA 6:17

Cun luchin caah khamhnak kha i chinh u law Thlarau nih an pekmi hna vainam caah Pathian bia kha i lak u.

1JOHAN 5:6

A rami cu Jesuh Khrih hi a si, tipil a innak ti le a thihnak thi he a rami a si. Ti he lawng a ra lo, ti he thi he a ra. Cun cucu biatak a si ti kha Thlarau hrimhrim nih tehte a khaan, zeicahtiah biatak cu Thlarau kha a si.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

ZEKHARIAH 13:1

Khi ni ah cun David tefa hna le Jerusalem khuami hna cu an sualnak le an thurnak vialte tlenghnak caah cerhti pakhat a put lai.

HEBRU 10:10

Jesuh Khrih nih Pathian duhmi kha a tuah caah, voi khat ah za lak in amah a pum aa pekchanhnak thawng khan kannih cu kan sualnak in a kan thianh cang.

1 PETER 3:21

cucu atu i nanmah an khamhtu hna tipil innak a rak sawhtu hi a si. Tipil innak cu pum hnawm kholh hi a si lo, chiaṭha thleidannak thiang nih Pathian sin i biakamnak a tuahmi tu hi a si. Tipil innak nih cun Jesuh Khrih thihnak in a thawh ṭhannak thawngin an khamh hna i

HEBRU 9:14

Cu hmanh nih cu bantukin a tuah khawh ahcun, Khrih thisen nih cun, zeitluk in dah a tuah khawh chinchin lai! Zungzal hmunmi Thlarau in a tlingmi raithawinak bantukin Pathian sinah amah le amah cu aa pe. Kannih nih Pathian nung kha kan biak khawh nakhnga santlai lomi rian kan tuah tawnmi kan chiaṭha thleidannak chung i a cammi kha a thi in a kan thianhpiak lai.

LAMKALTU 22:16

Cucaah zeicahdah sau deuh ngan a herh? Tho law tipilnak ing ko, amah min na auhnak thawngin na sualnak vialte kha i thianh ko,’ tiah a ka ti.

1 PETER 1:2

Jesuh Khrih kha a nawl ngaih awk le a thi in nannih cu tlengh awkah Pathian kan Pa tinhning in thim nan si i a Thlarau nih miphun thiang ah an ser hna. Vel le daihnak cu tling khitkhet in nan ta si ko seh.

JUDAS 1:1

Jesuh Khrih sal le Jeim nau a simi Judas nih, Pathian kawhmi, Pathian kan Pa dawtnak chung le Jesuh Khrih huhphenhnak chungah a ummi kha, ca kan kuat hna.

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

JOHAN 17:7

atu cu na ka pekmi laksawng paohpaoh hi nangmah sin chuakmi a si ti kha an hngalh.

EZEKIEL 16:9

Cu tikah ti in kan kholh i na thi kha ka ṭawl i chihriti kan thuh.

JEIM 1:18

Amah nih amah duh tein a kan ser i a kan sernak ah cun biatak kha a hman, cucaah kannih cu a sermi thil vialte lakah cungnung bik kan si.

JOHAN 15:8

Nannih nih thei tampi nan tlai thawngin ka Pa sunparnak kha nan langhter i cuticun ka zultu i nan i canning cu a si.

LEVITIKAS 8:6

Cun Moses nih Aaron le a fapa hna cu a ratpi hna i ti in a kholh hna.

LEVITIKAS 16:30

zeitintiah hi ni ah hin nannih caah, nannih cu thianh awkah, remnak ser a si lai; nan sualnak vialte in Bawipa hmaiah nan thiang lai.

JOHAN 13:10

Jesuh nih cun, “Aa kholh cangmi cu a pumpi tein a thian cang caah a ke dah ti lo cu i ṭawl ṭhan a herh ti lo. Nan dihlak in nan thiang dih — pakhat bel,” tiah a ti.

ROM 10:8

Zumhnak thawngin Pathian he i remnak kong ah chimmi cu hiti tu hin a si. “Pathian bia cu nan pawngte ah a um ko, nan lei cung le nan lung chungah a um ko,” — hi bia hi zumhnak bia a si kan timi bia cu a si.

2 KORIN 11:2

Pathian nih an sian hna lo bantukin kei zong nih kan siang ve hna lo. Nannih cu Khrih he i um dingin ka ham cangmi ngaknu thiang bantuk nan si.

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

HEBRU 4:12

Pathian bia cu a nung i a ṭhawng. Kap hnih har vainam nakin a haar deuh. Hlang lak in a cheu khawh, nunnak le thlarau an i tonnak tiang, hliahcang le thlik an i tonnak tiang a cheu khawh. Minung lungthin duhnak le ruahnak vialte kha a hngalh dih.

HEBRU 10:14

Voi khat raithawinak in an sualnak thianhpiak a simi hna cu zungzal ca in a tlingmi ah a ser hna.

HEBRU 10:29

Cu hmanh cu ti a si ahcun, Pathian Fapa zei i a rel lomi cu zeitindah tuah a si lai? Sualnak in a thianhtu Pathian biakamnak thisen zei i a rel lomi cu zeitindah tuah a si lai? Vel a ngeimi Thlarau a nihsawhtu cu zeitindah tuah a si lai? A in laimi dantatnak cu zeitluk in dah a ngan chinchin lai, ruat ko hmanh.

HEBRU 13:12

Hi ruangah hin Jesuh zong kha, hau lengah a thih kha a si i cucu a thi in mi kha kan sualnak thianhpiak a kan duh caah a si.

2 PETER 1:9

Sihmanhsehlaw cu thil a ngei lomi cu lamnaite lawng a hmu khomi a si i thil dang zeihmanh a hmu kho lomi bantuk a si, amah nih cun ka sualnak kha ṭawlpiak ka si cang, ti kha a philh.

LEVITIKAS 14:11

Cun tlangbawi a thianhtu nih cun thianh dingmi le mah thil hna hi Bawipa hmaiah, tonnak thlam innka ah khan a chiah hna lai.