EFESA 5:2 - Lai (Hakha) Common Language Bible 2006

² Khrih nih a kan dawt i a nunnak kha kan caah a pek bantukin, kannih zong kan nunnak cu dawtnak nih a uk ve awk a si. Khrih nih kan ca i a pekmi a nunnak cu Pathian duhmi raithawinak le pekchanhmi rimhmui cu a si.

Laibaibal Thiang (BSI)

² Krih nih a kan dawt i Pathian sinah raithawinâk le rimhmui pekchanhmi ah kan ca i â pêk bangin dawt nâkin nung u.

EFESA 5:2 Խաչաձեւ Հղումներ

JOHAN 13:34

Nawlbia thar kan pek hna: pakhat le pakhat i daw u. Keimah nih kan dawt hna bantuk hin pakhat le pakhat nan i dawt awk a si.

GALATI 2:20

cucaah a nungmi cu keimah kha ka si ti lo, ka chung i a ummi Khrih tu hi a si deuh. Atu i ka nunmi nunning hi, a ka daw i ka ca i a nunnak a pemi Pathian Fapa zumhnak thawngin ka nung.

KOLOSE 3:14

Cun hi thil vialte cungah hin dawtnak kha chap u law dawtnak cu zeizong vialte, i rem ṭhipṭhep tein a funtomtu cu a si.

2 KORIN 2:15

Cucaah kannih cu Khrih nih Pathian sinah a pekchanhmi rimthaw zihmui bantuk kan si, cu zihmui cu khamh lio lengmangmi hna sin zong a phan i a tlau lio lengmangmi hna sin zong a phan.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

1 KORIN 16:14

Nan tuahmi thil paohpaoh kha dawtnak in va tuah u.

MATTHAI 20:28

Cuticun pei Mi Fapa hi a si cu, rian ṭuanpiak dingah ka rat ṭung lo, mi tampi an rian ṭuanpiak awk le annih tlanhnak ca i ka nunnak pek awkah pei ka rat cu,” tiah a ti hna.

1 PETER 4:8

Zeidang vialte nakin, pakhat le pakhat lungtak tein i daw u, zeicahtiah dawtnak nih cun sualnak tampi kha a khuh khawh.

2 KORIN 8:9

Nannih nih kan Bawipa Jesuh Khrih vel kha nan hngalh ko: a rum nain nanmah ruangah sifak ah a cang, cuti a can cu a sifahnak khan nannih kha rumter an duh hna caah a si.

1JOHAN 3:16

Dawtnak hi zeidah a si ti kan hngalhning cu hitihin a si: Khrih nih kan caah a nunnak kha a hloh. Cucaah kannih zong nih kan unau hna caah kan nunnak cu kan hloh ve awk a si.

GENESIS 8:21

Bawipa nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh ṭhan ti lai lo; minung cu a no lio tein a ruahnak cu a ṭhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk ṭhan ti hna lai lo.

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i

HEBRU 9:26

cu ti tuah a herh a si ahcun, vawlei ser hramthawk in voi tam tuk a in cang hnga. Amah le amah raithawinak i aa hmannak thawngin sualnak kha a hloh khawh nakhnga chan vialte nih donghnak an phak dengmang caan ah hin voi khat ah za lak in a hung lang.

HEBRU 9:14

Cu hmanh nih cu bantukin a tuah khawh ahcun, Khrih thisen nih cun, zeitluk in dah a tuah khawh chinchin lai! Zungzal hmunmi Thlarau in a tlingmi raithawinak bantukin Pathian sinah amah le amah cu aa pe. Kannih nih Pathian nung kha kan biak khawh nakhnga santlai lomi rian kan tuah tawnmi kan chiaṭha thleidannak chung i a cammi kha a thi in a kan thianhpiak lai.

1TIMOTE 2:6

amah cu mi vialte tlanhnak caah a lu aa pemi a si. Cu nih cun, caan a tlin tikah Pathian nih mi vialte kha khamh a duh hna ti kha a langhter i

EFESA 4:15

kannih cu dawtnak lungthin in biatak kha kan chim deuh awk a si i kan lu a simi Khrih leiah khan a lam kip in kan ṭhan awk a si.

1JOHAN 3:23

Cun nawl a kan pekmi cu: A Fapa Jesuh Khrih min zumh le Khrih nih nawl a kan pek bantukin pakhat le pakhat i dawt hi a si.

1TIMOTE 4:12

Na kum a no ruangah ahohmanh nih in zawmhtaih hna hlah seh, sihmanhsehlaw na biachim na holhrel ah siseh, na zia na za ah siseh, dawtnak, zumhnak le thiannak na ngeihmi ah siseh, zumtu hna caah tahchunh awk tlak va si tuah.

1THESALON 4:9

Zumhnak lei i nan unau hna dawtnak kongah caṭial a herh ti lo. Zeicahtiah nanmah hrimhrim kha Pathian nih pakhat le pakhat nan i dawt awk a si tiah an cawnpiak hna i

EFESA 4:2

Toidornak lungthin ngei u, lungnem le lungsau in um zungzal u. Pakhat le pakhat i bawm u law cuticun nan i dawtnak kha langhter u.

GALATI 1:4

Atu chan, chan ṭhalo chung hin kannih cu luatter awkah, Pathian kan Pa duhnak zulh in, Khrih cu kan sualnak caah aa pe.

LEVITIKAS 1:17

a thlaki a thlongh hna lai, sihmanhsehlaw a pum cu a cheu lai lo. Cun tlangbawi nih biakṭheng cungah cun, mei cung thing cungah cun a khangh lai; mah cucu khangh thawinak, mei in thawinak, Bawipa caah rimthaw cu a si.

LEVITIKAS 1:13

sihmanhsehlaw a chungril le a ke hna cu ti in a ṭawl hna lai. Cun tlangbawi nih a dihlak te cun a pek lai i biakṭheng cungah a khangh lai; khangh thawinak, mei in thawinak, Bawipa caah rimthaw a si lai.

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.

HEBRU 9:23

Atu i kan chimmi thil, vancung thil mui le thlam a simi hna nih hi bantukin thianhnak an herh ahcun, vancung thil hrimhrim, a taktak le a ngaingai a simi hna zong nih khan raithawinak a ṭha deuhmi an herh ve ko.

EFESA 3:19

A dawtnak hi tling lak ngaingai cun hngalh khawh a si lo nain nan hngalh te ko lai. Cucaah Pathian tlinnak a tlingmi cun khat ko u.

ROM 8:3

Minung kan sining kha a der ruang i Nawlbia nih a tuah khawh lomi kha Pathian nih a tuah. Minung kan sining chung i a ummi sualnak cu Pathian nih a Fapa a run thlahnak thawng khan sual a phawt cang. Sualnak teinak ding caah cun minung kan sining a sualmi bantuk sining he hin a ra.

AMOS 5:21

Nan puai hna cu ka huat hna i zei ah ka rel hna lo, Nan sunhsakmi nan pumhnak hna cu ka duh hna lo.

LEVITIKAS 1:9

sihmanhsehlaw a chungril hna le a ke hna cu ti in an ṭawl hna lai. Cun tlangbawi nih a dihlak in khangh thawinak caah biakṭheng cungah a khangh lai; mei in thawinak, Bawipa caah rimthaw a si lai.

EFESA 5:25

Vale hna, Khrih nih khrihfabu cu a dawt i a nunnak a pek bantukin, nannih zong nih nan nupile kha nan dawt hna awk a si.

1 KORIN 5:7

Sualnak thilnu hlun cu nan chungah rian a ṭuan. Nannih cu a thar tein rawhmi changreu nan si nakhnga cu thilnu hlun cu hlonh u. Khrihfa nan si bantukin nannih cu thilnu telh lomi Lanhtak puai changreu cu nan si; zeicahtiah kan Lanhtak puai tuufa Khrih cu raithawinak ah pek a si cang caah kan Lanhtak puai cu aa thawk taktak cang.

ROM 4:25

Amah cu kan sual ruangah thihnak phakter a si i Pathian he kan i remnak hnga dingah nunnak ah thawhter a si.

JOHAN 6:51

Vancung in a rung ṭummi nunnak changreu cu keimah hi ka si. Hi changreu a eimi paoh cu zungzal in an nung lai. Ka pekmi hna changreu cu ka sa hi a si, cucu zeicahdah ka pek hna ti ahcun, vawlei hi a nun nakhnga caah a si,” tiah a ti.

ROM 8:37

Zeihmanh nih an kan ṭhen kho lai lo, hi thil vialte hna chung hin a kan dawtu thawngin kannih cu teitu hna nakin teitu kan si deuh.

LEVITIKAS 3:16

Cun tlangbawi nih biakṭheng cungah rimthaw ca i mei in thawimi rawl ah a khangh hna lai. Thau vialte cu Bawipa ta a si.

EXODUS 29:18

Tuukawng cu a ning piin raithawinak caah biakṭheng cungah khan na khangh lai. Hi thawinak hi Bawipa ca i khanghmi thawinak a si; mei in khanghmi thawinak, Bawipa duhmi rimhmui thawinak a si.

EXODUS 29:25

Cun rawl cu an kut chung khan na lak hna lai i khangh thawinak cungah khan biakṭheng cungah na khangh hna lai. Cu ti na tuah cu Bawipa duhmi rim thaw um seh ti caah a si; cu thawinak cu Bawipa sinah pekmi thawinak mei in khanghmi thawinak a si.

ROM 15:16

Khrih Jesuh sal sinak nawl a ka pekmi ruangah hin a si. Jentail mi cu Pathian cohlan awk tlakmi raithawinak an si nakhnga le Thiang Thlarau thawngin Pathian sin pekmi an si nakhnga, Pathian sin i a rami Thawngṭha ka chimnak ah hin tlangbawi bantuk ka si.

2 KORIN 2:14

Sihmanhsehlaw Pathian cu lawm ko u sih. Zeicahtiah Khrih teinak puai i a kal nuahmahmi mibu chungah khan kannih cu Khrih he kan i pehtlaihnak thawngin Pathian nih thongtla bantukin a kan hruai zungzal. Khrih kong hngalhnak cu khuazakip ah zihmui bantukin karhter awkah Pathian nih kannih cu a kan hman.

EFESA 1:4

Vawlei a ser hlan in Pathian nih kannih cu Khrih chung i amah ta si dingin a kan thim cang, cucaah a hmaiah a thiangmi le soi awk um lomi kan si awk a si.

EFESA 5:15

Zeitindah kan nuncan a si ti kha ṭha tein i zoh u. Mihrut bantukin um hlah u, mifim bantukin um u.

FILIPI 4:18

Cucaah hi ca kan kuatmi hna hi, bawmhnak nan ka kuatmi vialte ka hmuh dih hna tinak ca a si — kaa zat leng tiangin nan ka kuat. Epafroditas nih nan laksawng cu a rak ka phorh i ka herhmi vialte cu ka ngei dih ko cang. Hi nan laksawng hi Pathian nih a duh i a cohlanmi raithawinak, rimhmui pekchanhmi bantuk an si.

HEBRU 8:3

Tlangbawi Ngan cu Pathian sin i pekmi laksawng pek le saram raithawinak pekchanh kha an rian a si bantukin, kannih kan Tlangbawi Ngan zong nih cun pekchanh awk a ngeih ve kha a herh.

NAMBAR 7:21

khangh thawinak ca i cawtum no pakhat, tuukawng pakhat, tuufa a pa kum khat a timi pakhat;

DEUTERONOMI 27:6

Bawipa nan Pathian caah remh lomi lung in biakṭheng pakhat nan ser lai i a cungah Bawipa nan Pathian sinah khangh thawinak nan pekchanh lai;