EFESA 5:17 - Lai (Hakha) Common Language Bible 2006

¹⁷ Mihrut si ti hlah u, Bawipa nih tuah hna seh ti an duhmi hna tu kha tuah i zuam u.

Laibaibal Thiang (BSI)

¹⁷ Cucaah mihrut bangin um hlah u, Bawipa duhnâk zeidah a si ti kha hngalh u.

EFESA 5:17 Խաչաձեւ Հղումներ

ROM 12:2

Hi vawlei kalning hin kal ve lengmang ti hlah u, sihmanhsehlaw chunglei in Pathian nih nan lungthin kha a dihumnak in in thleng hna seh. Cu tikah a ṭhami thil le Pathian nih a lawmhmi thil le a tlingmi thil kha nan hngalh khawh lai, cucu Pathian duhmi an si.

1THESALON 5:18

zei bantuk thil nan ton hmanh ah lunglawm in um u. Khrih Jesuh chung i nan nunning ah hin hitihin nung hna seh, tiah Pathian nih an duh hna.

KOLOSE 1:9

Nan kong kan theih ri in nan caah thla kan cam lengmang. Pathian nih nannih cu amah hngalhnak le a Thlarau nih an pekmi hna fimnak le hngalhnak in in khahter hna seh tiah Pathian cu kan nawl.

EFESA 5:15

Zeitindah kan nuncan a si ti kha ṭha tein i zoh u. Mihrut bantukin um hlah u, mifim bantukin um u.

JEREMIAH 4:22

Ka mi hna cu mihrut an si, keimah kong kha zeihmanh an hngal lo; Annih cu fa lungping, hngalhthiamnak ngei lomi an si. Ṭhat lonak tuah bel an thiam ngai, sihmanhsehlaw ṭhatnak cu zeitindah ka tuah lai ti kha an hngal lo.

1 PETER 4:2

Cucaah atu thawk in, hi vawlei cung i nan nun chung cu, minung duhnak kha si ti loin Pathian duhnak tu kha i ukter cang u.

KOLOSE 4:5

A zummi a si lomi hna cung i rian nan ṭuan tikah fimnak in ṭuan u law caan ṭha nan hmuhmi paoh kha ṭha tein hman i zuam u.

JOHAN 7:17

Pathian duhnak tuah a duhmi hna nih cun, kan cawnpiakmi hna hi Pathian sinin a rami maw a si keimah i ka hei in cawnpiak menmenmi hna dah a si, ti kha nan hngalh ko lai.

SALM 111:10

Bawipa ṭih hi fim hram i thawh cu a si; cu bantukin a nungmi cu hngalhnak ah an ṭhang, Bawipa cu zungzal in thangṭhat si ko seh.

JOB 28:28

Cun minung cu a thawh i, ‘Zohhmanh, Pathian ṭih hi fimnak cu a si, ṭhat lonak hrial hi hngalhthiamnak cu a si,’ tiah a ti,” a ti.

PHUNGTHLÛKBIA 14:8

Zeicahdah mifim cu a fim? Zeidah ka tuah lai ti kha aa hngalh caah a fim. Zeicahdah mihrut cu a hruh? Ka hngalh tiah aa ruah caah a hrut.

PHUNGTHLÛKBIA 2:5

khi tikah Bawipa ṭihnak cu na hngalh lai i Pathian hngalhnak cu na hmuh lai.

DEUTERONOMI 4:6

Ul hna u law, tuah hna u, zeitintiah miphun hna hmuh ah mah cucu nan fimnak le nan hngalhnak a si lai; hi nawlbia vialte an theih tikah, ‘Hi a nganmi miphun hi a fim le a hngalhthiammi an si hrimhrim ko,’ an ti lai.

PHUNGTHLÛKBIA 23:23

Biatak kha vaa cawk law zuar ti hlah, fimnak, cawnpiaknak le hngalhthiamnak kha i cawk hna.

SALM 119:27

Na phunglam zulhning kha ka cawnpiak law na cawnpiaknak khuaruahhar cu ka ruat hna lai.