EFESA 4:5 - Lai (Hakha) Common Language Bible 2006

⁵ Bawipa pakhat lawng a um, zumhnak pakhat lawng a um, tipil innak pakhat lawng a um;

Laibaibal Thiang (BSI)

⁵ Bawipa pakhat, zumhnâk pakhat, baptisma pakhat,

EFESA 4:5 Խաչաձեւ Հղումներ

1 KORIN 8:6

sihmanhsehlaw kannih caah cun Pathian cu pakhat lawnglawng a um i amah cu kan Pa, zeizong vialte Sertu kha a si i kannih hi amah ca i a nungmi kan si; cun Bawipa cu pakhat lawnglawng a um i cucu Jesuh Khrih kha a si i amah thawng cun zeizong vialte kha ser an si i amah thawng cun kannih zong hi kan nung.

1 KORIN 12:13

Cu bantukin kannih vialte zong hi, Judah mi kan si ah, Jentail mi kan si ah, sal kan si ah, miluat kan si ah, kan dihlak in pum pakhat chungah khan Thlarau pakhat nih tipil a kan pek i kan dihlak in Thlarau pakhat kha din awkah pek kan si.

1 PETER 3:21

cucu atu i nanmah an khamhtu hna tipil innak a rak sawhtu hi a si. Tipil innak cu pum hnawm kholh hi a si lo, chiaṭha thleidannak thiang nih Pathian sin i biakamnak a tuahmi tu hi a si. Tipil innak nih cun Jesuh Khrih thihnak in a thawh ṭhannak thawngin an khamh hna i

ROM 3:30

Pathian cu pakhat pei a si cu, Judah mi cu an zumhnak thawngin amah he cun a remter hna lai i Jentail mi zong cu an zumhnak thawng in a si ṭhiamṭhiam ve ko lai.

MATTHAI 28:19

Cucaah khuazakip ah va kal u law miphun vialte kha ka zultu ah va ser hna u; Pa le Fapa le Thiang Thlarau min in tipilnak va pe hna u law,

1 KORIN 1:13

Khrih cu a cheuh in nan i cheu dih. Nan ca i vailamtahnak ah a thimi kha Paul dahra a si? Tipil nan in kha Paul zultu si awkah dahra a si?

JUDAS 1:3

Ka dawtmi ka hawile hna, kan dihlak in kan i hrawmmi khamhnak kong kha ca in, in chim hna ning ti cu ka duh zungzalmi a si. Sihmanhsehlaw atu ah hin, Pathian nih voi khat ah za lak in a mi a pekmi hna zumhnak kha rak ṭanh u, tiah in chimh hna kha a herh hringhran in ka hngalh caah cu kong cu ca in kua loin kan um kho hna lo.

2 KORIN 11:4

Zeicahtiah nan sinah a ra i kannih chimmi si loin Jesuh dang a hung chimmi zong kha nan rak pomhlawm duahmah ko hna i kannih nih kan in chimhmi hna Thlarau le Thawngṭha he aa dang rumro komi thlarau le thawngṭha zong kha nan rak cohlan duahmah fawn ko.

ZEKHARIAH 14:9

Cun Bawipa cu vawlei cung vialte siangpahrang a si lai; khi ni ah cun Bawipa lawnglawng cu Bawipa a si lai i a min lawnglawng cu min a si lai.

FILIPI 2:11

Pathian kan Pa sunparnak caah cun lei vialte nih Jesuh cu Bawipa a si, an ti lai.

EFESA 4:13

Cucaah kan zumhnak le Pathian Fapa kan hngalhnak i pakhat kan sinak ah khan kan i fon dih lai; nutling patling kan si lai i Khrih tlinnak a sanning taktak zong kha kan phan ve lai.

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

1 KORIN 12:5

Rian ṭuan hi a ning tampi a um, sihmanhsehlaw a rian kan ṭuanmi cu Bawipa ṭhiamṭhiam kha a si ko.

1 KORIN 1:2

Nannih cu Pathian mithiang si awkah kawh nan si i Khrih Jesuh he nan i pehtlaihnak thawngin Pathian ta nan si. Cun Jesuh Khrih cu kan Bawi zong a si i an Bawi zong a si ve bantukin kan Bawipa Jesuh Khrih min in thla a cammi paoh cu khuazeika i a ummi an si hmanh ah Pathian ta cu an si ve.

JUDAS 1:20

Sihmanhsehlaw ka hawile hna, nannih cu a thiang bikmi nan zumhnak cungah khan fek chin lengmang in i sa chin lengmang ko u. Thiang Thlarau ṭhawnnak thawng khan thlacam u law

HEBRU 13:7

Pathian bia a rak in chimtu hna nan hruaitu hmasa hna kha philh hna hlah u. Zeitindah an nuncan kha a si i zeitindah an thihning a si kha ruat ṭhan u law an zumhnak kha cawng hna u.

HEBRU 6:6

Cun annih cu an tlu. Annih cu ngaihchihnak ah kirpi ṭhan khawh an si ti lo. Pathian Fapa kha vailam ah an khenh ṭhan ca le zapi hmaiah ningzak ngaingai in an tuah ṭhan caah ngaihchihnak ah kirpi ṭhan khawh an si ti lo.

TITAS 1:1

Zumhnak kan i hrawmmi chung i ka fa taktak a simi Tias, hi ca hi kan kuat. Pathian kan Pa le Khrih Jesuh kan Khamhtu nih vel le daihnak in pe ko hna seh.

FILIPI 3:8

Cu lawng cu an si lo, a dang vialte zong kha sungh cikcek ah ka rel hna, cu thil hna nakin a sung deuh tukmi ka Bawipa Khrih Jesuh hngalhnak ruangah cun sungh cikcek ah ka rel hna. Khrih cu ka co khawh nakhnga le amah he cun kan i pehtlaih khawh nakhnga, Amah ruangah cun zeizong vialte hi ka hlonh dih hna, an dihlak in hnawmtam ah ka rel hna.

LAMKALTU 10:36

Mi vialte Bawipa a simi Jesuh Khrih thawngin Pathian nih remnak Thawngṭha Israel mi a pek hna cu nan hngalh.

LAMKALTU 2:36

“Israel mi vialte hna, nannih nih vailam tahnak thing cungah nan khenh chihmi Jesuh hrimhrim hi Pathian nih Bawipa ah le Messiah ah a ser cang, ti kha fiang tein hngal u,” tiah a ti.

2 PETER 1:1

Jesuh Khrih sal le lamkaltu a simi Simon Peter nih, Kan Pathian a dinnak thawng le kan Khamhtu Jesuh Khrih thawngin kan zumhnak tlukin a sunglawimi zumhnak a hmu vemi nan sinah ca kan kuat hna.

JEIM 2:18

Sihmanhsehlaw a cheu nih nan i thawh hnga i, “Pakhat nih zumhnak a ngeih, a dang pakhat nih tuahnak a ngeih,” nan ti hnga. Cu tikah kan lehnak hna cu, “Zeitindah tuahnak um loin mi nih zumhnak a ngeih khawhning a si ka hmuhsak tuah. Kei nih cun ka zumhnak cu ka tuahnak in kan hmuhsak hna lai,” ti hi a si hnga.