EFESA 4:31 - Lai (Hakha) Common Language Bible 2006

³¹ Lungthli in i uamnak le thinhunnak le ingpuannak kha hlaw hna u. I hua ti hlah u, i vawlpam ti hlah u. Huatnak lungthin ngei ti hlah u.

Laibaibal Thiang (BSI)

³¹ Chiatkhâtnâk le, thinhunnâk le, thinhânnâk le, i siknâk le, thangchiatnâk vialte hlei ah, ruahnâk chia-kha vialte hi nan sinin hloh dih si hna seh.

EFESA 4:31 Խաչաձեւ Հղումներ

KOLOSE 3:8

Sihmanhsehlaw atu cu thinhunnak tehna, ingchiat tehna, huatnak lungthin tehna, cu nan hlonh hrimhrim hna lai. Mi va nihsawhnak bia siseh, holh thurhnawm siseh, nan kaa chungin nan chuahter hrimhrim lai lo.

PHUNGCHIMTU 7:9

Na thin i sum khawh kha i zuam, lungchung in mi uam peng hi hruh a si.

1 PETER 2:1

Ṭhat lonak vialte kha hlaw cang hna u; ziar ngei ti hlah u, lih chim ti hlah u; hrawkhrol in um ti hlah u, nahchuahnak ngei ti hlah u, zawmhtaihnak bia hmang ti hlah u.

JEIM 1:19

Ka dawtmi u le nau hna, mah hihi philh hlah u: ahohmanh bia theih duhnak leiah cun a khul a rangmi si u law biachimnak lei le thinhunnak lei ah cun a khul a nuarmi si u.

KOLOSE 3:19

Vale hna, nan nupi le kha daw hna u law bia hrang in ti hna hlah u.

JEIM 3:14

Sihmanhsehlaw nan lung chungin mi nahchuahnak nan ngeih i mi cungah nan thin a hun peng i mah zawn lawng aa ruatmi nan si ahcun, mifim kan si tiin i porhlaw hlah u law, biatak dohnak ah lih kha chim lengmang hlah u.

EFESA 4:26

Na thin a hun ahcun na thinhunnak kha sualnak chung i an luhpitu siter hlah; cun na thinhunnak cu ni tlakter hlah.

1JOHAN 3:12

Miṭhalopa ta a simi Kain, a nau a thattu bantuk kha kan si awk a si lo. Zeicahdah Kain nih khan a thah? Amah tuahmi thil kha a ding lo i a nau tuahmi thil kha a din caah a si.

SALM 101:5

Mi congoih a hmangmi kha daihter kaa zuam hna lai i miporhlaw hna le miruamkai hna he cabuai i ṭhut ṭi cu ka hrial lai.

JEIM 4:11

Ka u le ka nau hna, pakhat le pakhat i soi hlah u. Ahohmanh a u a nau kha a soi i sual a phaw lengmangmi cu Nawlbia kha a soi i sual a phawmi a si. Nawlbia cu sual na phawt a si ahcun nang cu nawlbia a zulmi kha na si ti lo, Nawlbia sual a phawtu kha na si lehlam.

PHUNGTHLÛKBIA 26:20

Thing a um lo ahcun mei cu a mit, a thli tein a chim depmaptu um lonak hmun ah cun siknak a dai.

TITAS 1:7

Khrihfabu hruaitu cu Pathian rian ṭuantu a si caah mawhchiat awk a um lomi a si lai. Miruamkai a si lai lo, mithintawi a si lai lo, zurit hmang a si lai lo, mi-aukhuan hmang a si lai lo, mihakkau a si lai lo.

1TIMOTE 3:11

An nupile zong ziaza ṭhami an si lai i mi congoih hmangmi an si lai lo; zurit hmang lomi an si lai i zeizong kip ah miding an si lai.

2 KORIN 12:20

Nan sin ka phak tikah, si hna seh ti kan duhmi hna kha rak si loin kan hmuh sual hna lai ti kha ka phang i, si seh ti nan ka duhmi kha ka si lo sual lai ti zong kha ka phang ve. Pakhat le pakhat i si le i nahchuah le thintawi le mah zawn lawng ruat le i thangchiat i congoih le i porhlaw le ningcanglo khuasa in kan hmuh sual hna lai ti kha ka phang.

1 KORIN 14:20

Ka u le ka nau hna, khua nan ruahning ah hin ngakchia bantuk si hlah u; ṭhat lonak kongah cun ngakchia bantuk si u, sihmanhsehlaw khuaruahning ah cun nutling patling si u.

PHUNGTHLÛKBIA 29:22

Thin a tawimi nih rem lonak an chuahter, Thin aa sum lomi nih palhnak an tuah zungzal tawn.

PHUNGTHLÛKBIA 14:17

Mi thin tawi nih cun thil hrut kha an tuah tawn, sihmanhsehlaw mifim deuhmi cu an lung a sau.

PHUNGTHLÛKBIA 10:18

Huatnak a paw chungah a thupmi nih a hmur in lih a chim, hawi thangchiatnak a chimmi cu mihrut an si.

PHUNGTHLÛKBIA 10:12

Huatnak nih rem lonak kha a thawhter, sihmanhsehlaw dawtnak nih cun i tisualnak vialte kha a khuh dih.

1TIMOTE 5:13

Inn khat hnu inn khat an vak lengmang i an caan kha pakpalawng men ah an hman. Cun cu nak hmanh in a ṭhalo chinmi cu, mi congoih kha an thiam i a kenkip ah khan an vaa sawh i chim awk a si lomi zong kha an chim lengmang.

GALATI 5:20

siasal biak tehna le dawih le eih tehna hi an si. Pakhat le pakhat an i ral, an i do, an i nahchuah, an thin a hung anmah zawn cio lawng an ruat, an i ṭhen,

1 KORIN 5:8

Cucaah kan puai cu thilnu hlun, sualnak le ṭhat lonak thilnu hlun he cawhmi changreu he khan si loin thilnu aa tel lomi changreu, thiannak le biatak changreu he khan tuah u sih.

ROM 3:14

An kaa cu bia chiakha in a khat.

PHUNGTHLÛKBIA 25:23

Chaklei thli nih ruah a ratpi, congoihnak nih thinhunnak a chuahpi.

PHUNGTHLÛKBIA 18:8

Mi congoihnak bia chim cu a thlummi changreu bantukin a thaw i pum chung chungchin ah khan kan lemh riahmah ko hna.

PHUNGTHLÛKBIA 6:19

Lih a chim lengmangmi tehte le U le nau karlak i rem lonak thlaici a tuhtu.

SALM 140:11

Lih in midang sual a puhmi cu, mi sual an puhnak hna ah khan thluachuak hna hlah seh; mipuarhrang cu ṭhat lonak nih khan tlak hna seh law hrawk hna seh.

SALM 64:3

An lei kha nam bantukin an i tat i bia ṭhalo kha thal bantukin an kah.

SALM 50:20

Nanmah nan unau congoih kha nan i tim zungzal, midang sual kawl lawng kha nan duh.

SALM 15:3

mi congoih a hmang lo i hawikom cungah ṭhat lonak a tuah lo i a innpa a congoih lo i

2 SAMUEL 19:27

Cun na sal cu siangpahrang sinah a ka thangchiat cang. Sihmanhsehlaw siangpahrang ka bawipa cu Pathian vancungmi bantuk a si ko; cucaah nangmah nih a ṭha na timi paoh tuah ko.

GENESIS 37:4

An pa nih annih nakin Josef a dawt deuh kha a unau hna nih cun an hmuh tikah an huat ngaingai i a chawnh hmanh ṭhiṭha in an chawn duh lo.

GENESIS 27:41

A pa nih Jakob kha thluachuahnak a pek caah cun Esau nih Jakob cu a huat i a lungchung in, “Ka pa cu va thi deng cang kaw, a zun ngaih kan lim cun Jakob cu ka thah lai,” tiah a ti.

GENESIS 4:8

Cun Kain nih a nau Abel kha a thawh i, “I chawk tuah u sih,” a ti. Lo an va phak tikah khan Kain nih a nau cu a thah.

BIAPHUAN 12:10

Cun vancung ah cun aw thangpi pakhat ka theih i, “Atu cu Pathian khamhnak a phan cang! Atu cu Pathian nih a ṭhawnnak kha siangpahrang bantukin a langhter cang. Atu cu a Messiah nih khan a nawlngeihnak kha a langhter cang. Kannih kan unau hna sual a puhtu, Pathian hmaiah dir riangmang in chunzan in sual a puh zungzaltu hna kha, vancung in lengah hlonh a si cang.

1JOHAN 3:15

A unau a huami paoh cu lainawng a si i lainawngmi nih cun an chungah zungzal nunnak an ngei lo ti kha nan hngalh.

TITAS 2:3

Nutar deuh pawl kha, nan umtuning ah mi hmaizah a thiammi nan si awk a si, na ti hna lai. Mi congoih hmangmi le mizuram an si awk a si lo.

2TIMOTE 2:23

Bia i al lengmangnak, hruhnak men le zeihmanh hngalh set ṭung loin i al lengmangnak hi hrial i zuam, zeicahtiah hi bantuk bia i al lengmangnak cu i siknak ah a dong ti kha na hngalh.

1TIMOTE 3:3

zu rit hmangmi a si lai lo, mitlokciar a si lai lo, milungnem le daihnak a duhmi a si lai; tangka mitthimi a si lai lo;

LAMKALTU 21:30

I tuainak cu khuapi chungah cun a khat i mi vialte kha an tli an le i Paul kha an tlaih i biakinn chung khan an chuah. Khulrang in innka kha an hrenh.

JEREMIAH 6:28

An dihlak in midohhmang, milungkhong, Mi congoih i a vak lengmangmi an si.

PHUNGTHLÛKBIA 29:9

Mifim nih mihrut kha taza a cuai ahcun, Mihrut cu a thin lawng a hung lai i a nih lawng a chuak men lai i daihnak zeihmanh a um hlei lai lo.

PHUNGTHLÛKBIA 19:12

Siangpahrang thinhunnak cu chiandeih ngur bantuk a si, Sihmanhsehlaw a duhdawtnak cu ram cung i a tlami dap bantuk a si.

2 SAMUEL 19:43

Cun Israel mi nih Judah mi cu an leh hna i, “Siangpahrang chungah hin vo hra pei kan ngeih tiah, cun David chung zongah hin nanmah nakin tam deuh kan ngei. A si kun ahcun, zeicahdah nan kan zawmhtaih? Kan siangpahrang cu tlunpi ṭhan u si tiah a ti hmasa biktu cu kanmah kan si lo maw?” tiah an ti. Sihmanhsehlaw Judah mi hna bia cu Israel mi hna bia nakin a hrang deuh.

2 SAMUEL 13:22

Sihmanhsehlaw Absalom nih Amnon sinah khan bia ṭha siseh, bia chia siseh, zeihmanh a chim lo, zeitintiah Amnon nih a farnu Tamar kha hramhram in a sual caah Absalom nih Amnon kha a huat.

GENESIS 37:21

An i ceih thawng kha Reuben nih a theih hna i Josef nunnak khamh kha aa zuam. “A thah cu that hlah u sih,” a ti.

2TIMOTE 3:3

zaangfahnak an ngei lai lo, mi zawnruahnak an ngei lai lo, mi thangchiat duhmi an si lai, ruru-hranghrang in khua a sami an si lai i ṭih a nungmi an si lai; ṭhatnak kha an huat lai;

JEREMIAH 9:4

Ahohmanh nan innpa kha i ralring cio hna u, nan unau kha zum hna hlah u; Zeicahtiah unau nih unau kha hlen a si i hawikom nih hawikom kha congoih a si.

SALM 37:8

Thinhung in um hlah u, hrut sual hlah u! Lung rethei in um hlah u! Cu nih cun zeihmanh an ṭhathnem hna lai lo.

EFESA 4:22

Cucaah nan rak nun tawnning in an nuntertu hna nan mihring hlun kha hlaw u, cu mihring hlun cu pumsa duhnak hlenhmang nih a hrawh lengmang tawnmi kha a si.

EFESA 4:25

Cucaah lihchim um ti hlah seh. Aho cio paoh nih a unau cu biatak chim seh, zeicahtiah kan dihlak in hmunkhat ah Khrih pum chung nge kan si cio.