EFESA 4:28 - Lai (Hakha) Common Language Bible 2006

²⁸ Fir a hmangmi kha fir ti hlah seh, amah ca i ding tein pawcawmnak caah le sifakmi bawmhnak caah rianṭuan seh.

Laibaibal Thiang (BSI)

²⁸ Firhmang nih fir ti hlah seh, chambau mi a bomh khawh nâkhnga a kut in ba lakin rian ṭuan seh.

EFESA 4:28 Խաչաձեւ Հղումներ

1TIMOTE 6:18

Ṭhatnak tuah le thil ṭha tuahnak i rum le nunsian le thil ṭhenh sian kha na chimh hna lai.

GALATI 6:10

Cucaah a caan kan ngeih fate, mi cungah ṭhatnak tuah kha i zuam u si law zumhnak lei i kan rualchan a simi hna cungah khan i zuam khun u sih.

EXODUS 20:15

“Nan fir lai lo.

ZEKHARIAH 5:3

“Mah hihi ram pumpi a cultu chiatserhnak a si; khattelei kam i ṭialmi hin mifir vialte kha hloh dih an si lai i khattelei kam i aa ṭialmi hin lih in chiat a sermi vialte kha hloh dih an si lai.

JOHAN 12:6

Hi bantukin bia a chim cu misifak kha an zawn a ruah hna caah si loin, mifir rak si kaw a kenmi tangka bawm chung khan a rak i lak lengmang tawn ca tu ah a rak si.

LUKA 19:8

Zakia cu a dir i Bawipa cu, “Bawipa, ngaihmanh, misifak caah ka ngeihmi thil hnarcheu ka pek lai; cun ka hlenmi hna an um ahcun a let li in ka cham hna lai,” tiah a si.

HOSEA 4:2

Chiatser in biakamnak kha an tuah, sihmanhsehlaw an zul lo, an i that, an i ramh; va cung pa duhnak le zaang-ennak le i thahnak le i nawnnak lawng kha a si ko.

JEREMIAH 7:9

Nannih nih nan fir, lai nan nawng, va cung in pa nan i duh i lih in tehte nan cang, Baal sinah raithawinak nan khangh, nan hngalh lomi pathian kha nan dawi hna.

EXODUS 20:17

“Nan innpa inn kha nan mit a thi lai lo. A nupi siseh, a salpa siseh, a salnu siseh, a cawtum siseh, a laa siseh, a ngeihmi thil paohpaoh si hna seh, nan mit a thi lai lo,” a ti.

2 KORIN 8:12

Pek duhnak lungthin nan ngeih ahcun nan ngeih lomi thil zoh in si loin nan ngeihmi thil zoh in Pathian nih nan laksawng cu an cohlanpiak hna lai.

2 KORIN 8:2

Harnak an innak nih khan fak piin a hneksak hna; asinain an i lawmhnak cu a ngan tuk caah an si a fak ngaingai ko nain thawhlawm ah an siang ngaingai.

ROM 12:13

Nan u nan nau a si a fakmi kha nan thil hrawm hna u law khual kha tluninn onh hna u.

JOHAN 13:29

Judas cu tangka zal tlaitu kha a si caah, a zultu a cheukhat nih cun, Jesuh nih khan Judas cu, puai ca i a herh ding changreu va cawk a fial rua, asiloah sifakmi kha zeilo va ṭhen hna a ti rua, tiah an ruah.

LUKA 3:8

Nan nun nan ṭhinh cu nan thil timi ah khan langhter u. ‘Abraham pei a kan hringsortu cu a si tiah,’ ti len hlah u. Pathian nih cun a duh ahcun hi lung hi a lak hna lai i Abraham tefa ah cun a ser khawh ko hna.

PHUNGTHLÛKBIA 30:9

Zeicahtiah tam tuk ka ngeih ahcun kan hlawt sual lai i, “Bawipa cu aho hen dah a si?” ka ti sual lai; ka si a fah ahcun ka fir sual lai i ka Pathian min cu ka thurhhnawmh sual lai.

PHUNGTHLÛKBIA 28:13

A palhnak kha a thupmi cu khua-awng a tong lai lo, sihmanhsehlaw a phuang i a hlawmi nih cun zaangfahnak a hmuh lai.

PHUNGTHLÛKBIA 14:23

Rianṭuan harnak nih hin ṭhathnemnak a chuahpi, kaa chim men lawng nih cun sifahnak lawng a chuahpi ko.

PHUNGTHLÛKBIA 13:11

Khulrang in hmuhmi rumnak cu a ziam zau, sihmanhsehlaw tlawmpal, tlawmpal tein khonmi cu a karhcho.

JOB 34:32

Santlai lomi misual ka si ko, nangmah nih lam ka hruai, Ṭhat lonak ka tuahmi paohpaoh kha zeihmanh ka tuah ti lai lo,’ hei ti law

EXODUS 21:16

“Ahohmanh mi a firmi cu, a zuar ah siseh, amah kut chung i hmuh a si ah siseh, thah a si lai.

PHUNGTHLÛKBIA 21:26

Chun nitlak in a ruahmi cu zei khi dah hei ngei ning law ti lawng khi a si ko. Sihmanhsehlaw miding nih cun mi kha a pek hna i sianh loin a um hna lo.

PHUNGTHLÛKBIA 31:20

Sifak retheimi sinah nun a siang.

1 KORIN 4:12

kan paw i cawmnak dingah kan kut in fak piin rian kan ṭuan.

TITAS 3:8

Hi bia hi biatak a si. Hi bia hi biapi in na rak lak hna awkah ka duh. Pathian a biami nih cun hmaizah awk tlak a simi rian kha ṭuan hna seh law, cu rian cu anmah caah hmaizah awk tlakmi rian a si ti lawng si loin an minung hawi ca zong i a ṭhahnemmi rian a simi kha si hna seh.

TITAS 3:14

Kan mi hna cu rian ṭha ṭuan kha cawnpiak hna; an nunnak ca i a herh taktakmi hmuh khawhnak kha chim hna; pakpalawng in um men hna hlah seh.