EFESA 1:17 - Lai (Hakha) Common Language Bible 2006

¹⁷ Kan Bawipa Jesuh Khrih i a Pathian, a liannganmi kan Pa cu, nanmah kha Thlarau pek awkah ka hal lengmang, thlarau nih cun an fimter hna lai i Pathian kha nan sinah a phuan lai i Pathian cu nan hngalh lai.

Laibaibal Thiang (BSI)

¹⁷ Kan Bawipa Jesuh Krih Pathian, sunparnâk Pa nih Amah hngalhnâk ah, biaphuannâk le fimnâk thlarau an pêk khawh hna nâkhnga,

EFESA 1:17 Խաչաձեւ Հղումներ

ISAIAH 11:2

A mi kha a uk khawh hna nakhnga Bawipa ṭhawnnak nih amah cu fimnak le hngalhnak le thiamnak a pek lai. Bawipa duhnak kha zeidah a si ti a hngalh lai i Bawipa cu a ṭih lai.

PHUNGTHLÛKBIA 2:5

khi tikah Bawipa ṭihnak cu na hngalh lai i Pathian hngalhnak cu na hmuh lai.

2 PETER 1:3

Pathian sunparnak le ṭhatnak i hrawm ve awkah a kan kotu kan hngalhnak thawngin Pathian ṭihzah in nun awkah kan herhmi thil vialte cu amah Pathian ṭhawnnak lila nih cun a kan pek.

2 PETER 3:18

Kan Bawipa le kan Khamhtu Jesuh Khrih vel le hngalhnak ah khan ṭhang ko u. Atu le zungzal tiang khin sunparnak cu amah ta si ko seh! Amen.

EFESA 1:3

Kan Bawipa Jesuh Khrih i a Pa le a Pathian cu lawm ko u sih. Zeicahtiah Khrih he kan i pehtlaihnak thawngin kannih cu vancung ram ah hin thlarau laksawng phun kip kha a kan pek.

JOHAN 17:3

Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.

MATTHAI 11:27

Ka Pa nih zeizong vialte kha ka kut chungah a ka pek dih. Pa dah ti lo nih cun ahohmanh nih Fapa kha an ka hngal lo i Fapa le an sinah a phuanmi hna dah ti lo nih cun ahohmanh nih Pa kha an hngal lo.

1 KORIN 2:10

Cu biathli cu Pathian nih a Thlarau in kannih sinah khan a phuan. Thlarau nih cun zeizong vialte kha a dah a hriah dih, Pathian nih aa tinhmi a thukmi hmanh kha a coih dih hna.

JEREMIAH 24:7

Keimah hngalh khawhnak lungthin kha ka pek hna lai, zeicahtiah keimah cu Bawipa ka si; an lungthin a dihumnak in keimah sinah an kir ṭhan lai caah annih cu ka mi an si lai i kei cu an Pathian ka si lai.

EFESA 3:5

Hi biathli hi hlanah cun mi kha theihter an rak si lo, sihmanhsehlaw atu cu Pathian nih a Thlarau in a lamkaltu mithiang hna le a profet mithiang hna sinah khan a phuan cang.

JOHAN 20:17

Jesuh nih cun, “Ka tlai peng ko tuah hlah, zeicahtiah ka Pa sinah ka kir rih lo. Sihmanhsehlaw ka unau pawl sinah khan va kal law, ‘Ka Pa le nan Pa, ka Pathian le nan Pathian a simi sinah khan ka kal lai,’ a ti tiah va chim hna,” tiah a ti.

LAMKALTU 6:10

Sihmanhsehlaw Thlarau nih Steven cu fimnak kha a pek caah bia a chim tikah an tei kho lo.

MATTHAI 6:13

Tukforhnak chungah kan phakter hlah, Mi Ṭhalopa sin khan him tein kan khamh tuah.

JOHAN 14:26

sihmanhsehlaw ka Pa nih ka min in a run thlah laimi Bawmtu, Thiang Thlarau nih cun zeizong vialte kha an cawnpiak hna lai i kan chimhmi vialte hna kha nan lung an pemter hna lai.

2 KORIN 12:1

A ṭhathnemnak zeihmanh a um lo hmanh ah kaa porhlawt a hau ko. Atu cu Bawipa nih a ka pekmi langhnak le biathlam kong kha ka chim cang hna lai.

LUKA 21:15

zeicahtiah nan ral ahohmanh nih an in tei hna i an in al khawh hna nakhnga lo, bia le fimnak kha kan pek hna lai.

SALM 24:7

Kutka hna, kau piin i hung u, zungzal in a ummi innka hna, kau piin i hung u; a liannganmi siangpahrang cu a lut lai.

1 KORIN 12:8

Thlarau nih cun pakhat cu fimnak bia chim thiamnak a pek i pakhat cu hngalhnak biathuk fiang lak in chim thiamnak a pek.

1 KORIN 2:8

Hi vawlei a uktu hna nih hin, cu fimnak cu an rak hngal lo. Rak hngal hna seh law cu, sunparnak Bawi kha vailam ah an rak khenh hnga lo.

ROM 15:6

Cuticun lungkhat tein kan Bawipa Jesuh Khrih i a Pa Pathian cu nan thangṭhat khawh lai.

JOHAN 16:3

Ka Pa zong, keimah zong an kan hngalh lo caah hi bantukin nan cungah an tuah lai.

DANIEL 10:1

Persia siangpahrang Sairas a bawi kum thum kum ah Belteshazzar ti zongah a min sak a simi Daniel sinah bia pakhat kha phuan a si. Hi bia cu biangai a si nain a sullam hngalh awk a har ngaingaimi bia a si. Langhnak a hmuhmi thawng khan a sullam a hun hngalh khawh.

JEREMIAH 31:34

Cun annih nih pakhat le pakhat kha, ‘Bawipa kha hngal tuah,’ tiin i cawnpiak kha an herh ti lai lo, zeicahtiah a hme bik in a ngan bik tiang, an dihlak in an ka hngalh lai. An ṭhat lonak kha ka ngaihthiam hna lai i an sualnak kha ka hngal camcin ti lai lo,’ tiah Bawipa nih a ti.

JOHAN 14:17

Amah cu biatak phuangtu thlarau a si; vawlei nih cun a hmuh lo ca le a hngalh lo caah a cohlang kho lo; sihmanhsehlaw amah cu nan sinah a um i nan chung i a nun caah nannih nih cun nan hngalh.

MATTHAI 16:17

Jesuh nih cun, “Johan fapa Simon, mi vanṭha ngaingai na si! Zeicahtiah hi biatak cu minung sinin na hngalhmi a si lo i vancung i a ummi ka Pa nih an pekmi a si.

MATTHAI 11:25

Khi caan ah khan Jesuh nih aa thawh i, “Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi hna sinah na langhter caah na cungah ka lawm.

JEREMIAH 9:24

sihmanhsehlaw ahohmanh nih porhlawt a duh a si ahcun hi tu hi i porhlaw deuh seh: Keimah theih le hngalh hi. Zeicahtiah keimah cu Bawipa ka si i a dong lomi dawtnak kha ka pek hna i vawlei cungah hin biading le dinnak kha ka tuah; hi thil hna hi ka lunglawmhnak an si,” tiah Bawipa nih a ti.

JEREMIAH 2:11

Miphun pakhatkhat nih a pathian hna kha, pathian an si lo hmanh ah, a thleng bal hna maw? Sihmanhsehlaw ka mi hna nih cun an Sunparnak kha zeihmanh a ṭhahnem lomi thil ah an thlen.

SALM 24:10

A liannganmi siangpahrang cu ahodah a si? Amah cu ralkapbu Bawipa, a liannganmi siangpahrang kha a si! Selah a si! Selah

BIAPHUAN 7:12

“Amen! Thangṭhatnak le sunparnak le fimnak le lunglawmhnak le upatnak le ṭhawnnak le thil ti khawhnak cu zungzal in zungzal tiang kan Pathian ta a si! Amen!” an ti.

TITAS 1:1

Zumhnak kan i hrawmmi chung i ka fa taktak a simi Tias, hi ca hi kan kuat. Pathian kan Pa le Khrih Jesuh kan Khamhtu nih vel le daihnak in pe ko hna seh.

DANIEL 5:11

Na ram chungah hin mipa pakhat, a chung i pathian thiang hna thlarau a ngei i na pa chan ah hngalhnak a ngei ti hngalhnak a fiangmi le pathian fimnak bantuk fimnak a ngei ti hngalhmi a um. Na pa Nebukhadnezzar siangpahrang nih khan mitleh thiam hna le khuachia ṭhawlthiam hna le Khaldi mi hna le mang ihthiam hna haotu bik ah khan a chiah.

1 CHANRELNAK 29:11

Maw Bawipa, lianhngannak le ṭhawnnak le sunparnak le teinak le upatnak cu nangmah ta an si ko; zeitintiah vancung le vawlei cung i a ummi thil vialte cu nangmah ta an si dih; maw Bawipa, pennak cu nangmah ta a si i nangmah cu zeizong vialte cungah cungnung bik na si.

JEIM 2:1

Ka u le ka nau hna, sunparnak Bawi, Bawipa Jesuh Khrih a zummi nan si bantukin mi thleidannak lungthin zeihmanh ngei hlah u.

1 KORIN 14:6

Cucaah ka u le ka nau hna, nan sin i ka rat tikah holhtheihlo cun bia in chim hna ning law nan caah ka ṭhathnemnak zeital a um hnga maw? Um hlah. Pathian nih a phuanmi bia siseh, hngalhnak bia siseh, biatak fianter khawhnak siseh, cawnpiaknak siseh, kan chimhmi hna chungah khan aa tel ṭung lo ahcun zeihmanh kan ṭhathnem hnanak a um lai lo.

LUKA 12:12

Zeicahtiah Thiang Thlarau nih khi caan ah nan chim awk cu an chimh ko hna lai,” tiah a ti.

LUKA 2:14

“A sang bik van ah khin Pathian cu sunparnak hmu ko seh, Cun a dawtmi hna umnak vawlei ah hin remnak um ko seh,” tiah an ti.

SALM 29:3

Bawipa aw cu rili cungah a thang, a sunglawimi Pathian cu khuari bantukin a ri i a aw cu rili cungah khan a thang dih.

2TIMOTE 2:25

amah a dohtu hna a chimhhrin tik hna i nem tein a chimhringmi a si awk a si. Annih cu Pathian nih an lung a thlen khawh ko hna i biatak kha a hngalhter ṭhan khawh ko hna.

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

LAMKALTU 7:2

Steven nih cun a leh i, “U le nau le pale hna, ka bia hi ngai tuah u! Kan pu Abraham cu Haran khua i va um awkah a rak i thawh hlan, Mesopotamia ram i a rak um lioah khan sunparnak Pathian cu a sinah a rak lang i,

EXODUS 28:3

Keimah nih thiamnak ka pekmi hna zungthiam vialte kha Aaron thuam cu serter hna law Aaron nih cun ka tlangbawi rian cu ṭuan seh.

JOB 42:5

Hna theihnak lawngin nangmah cu ka rak in theih, Sihmanhsehlaw atu cu ka mit in kan hmuh cang;

PHUNGTHLÛKBIA 18:15

Ruahnak a fimmi nih cun hngalhnak kha an i lak chin lengmang i mifim mi nih an hna in hngalhnak kha an kawl.

EFESA 4:13

Cucaah kan zumhnak le Pathian Fapa kan hngalhnak i pakhat kan sinak ah khan kan i fon dih lai; nutling patling kan si lai i Khrih tlinnak a sanning taktak zong kha kan phan ve lai.

FILIPI 3:15

Kannih thlarau lei in nutling patling a si cangmi hna nih cun, hitihin kan lungputning cu a si awk a si. Asinain ruahning phun dang a ngeimi nan um ahcun, Pathian nih cucu an fianterpiak ko hna lai.

MATTHAI 20:33

“Bawipa, kan mit hung kan damter law kan duh,” tiah an leh.