DEUTERONOMI 9:28 - Lai (Hakha) Common Language Bible 2006

²⁸ cu ti a si lo ahcun na kan chuahpinak ram nih khan, “Bawipa nih a kamhmi hna ram ah a luhpi khawh hna lo ca le a huat hna caah, ramlak i thah hna awkah a chuahpi hna,” tiah a ti sual hnga.

DEUTERONOMI 9:28 Խաչաձեւ Հղումներ

NAMBAR 14:16

‘Bawipa nih hi mi hna hi chiatser tein a kamhmi hna ram ah khan a luhpi khawh hna lo caah ramcar chungah a thah hna,’ an ti lai.

EXODUS 32:12

Zeicahdah Izipt mi nih khan, ‘A chuahpi hna kha tinhmi ṭhalo ngei in pei a si hrim kha, tlang cung i va thah hna awk le an dihlak in hloh cikcek duh ah pei a chuahpi ko hna cu,’ ti khawhnak an ngeih lai? A alh in a alhmi na thinhunnak cu i sum ko law na lung cu thleng law hi rawhnak cu na mi hna cungah cun tlunter sawh hlah.

DEUTERONOMI 1:27

Nan thlam chungah nan phunzai i, ‘Bawipa nih a kan huat caah kannih kha hrawh awkah, Amor mi hna kut chungah pek awkah Izipt ram in a kan chuahpi.

DEUTERONOMI 9:27

Na sal Abraham, Isak le Jakob kha cingkeng hna law; hi mi hna an lung khonnak siseh, an ṭhat lonak siseh, an sualnak siseh zei ah rel sawh hlah;

JOSHUA 7:9

Zeitintiah Kanaan mi hna le hi ram chung i a ummi vialte nih an theih lai i an kan kulh lai i vawlei cung hin kan min an hloh lai; na min lianngan cu zeidah na tuahpiak lai?” tiah a ti.

EZEKIEL 20:9

Israel mi hna an umnak miphun hna lakah khan, ka min cu thurhnawmh a si kun ai lai ri tiah ka min upat in rian kha ka ṭuan ṭhan. Khi miphun hna sinah khan, Israel mi cu Izipt ram in ka chuahpi hnanak khan kaa phuang.