DEUTERONOMI 9:21 - Lai (Hakha) Common Language Bible 2006

²¹ Cun hi nan thil sual, nan sermi cawfa cu, ka lak i mei in ka khangh i ka den, leidip bantukin a dip tiang dip tein ka rial; cun cu leidip cu tlang cungin a rung luangmi tivate ah cun ka paih.

DEUTERONOMI 9:21 Խաչաձեւ Հղումներ

EXODUS 32:20

An sermi cawfa kha a lak i mei ah a rawh i dip tein a rial i a dip cu ti cungah khan a hlonh i Israel mi cu kha ti kha a dinter hna.

ISAIAH 31:7

Sualnak siasal sui le ngun in nan i sermi nan hlonh hna caan kha a phan lai.

HOSEA 8:11

Sual thianhnak caah tiin Israel mi nih biakṭheng tam deuh an ngeih deuh paoh ah, sualnak hmun kha a karh chin lengmang ve a si ko!

ISAIAH 30:22

Ngun nan hutmi nan siasal hna le sui nan hutmi nan siasal hna kha nan i lak hna lai i hmunhnawm hlonh in nan hlonh hna lai i, “In hmu ti hna hlah u sih,” nan ti hna lai.

DEUTERONOMI 9:20

Cun Bawipa nih Aaron cungah a thin a hun tuk caah amah cu hrawh awkah aa tim; cun khi caan ah Aaron ca zongah thla ka cam colh.

MIKAH 1:7

A milem vialte cu den an si dih lai i a siasal vialte cu an dihlak in khangh an si lai; A siasal vialte cu hnawmpon ah ka ser hna lai. Hlawhhlannak man in a cawkmi an si i hlawhhlannak man ah an cang ṭhan lai.

1 SIANGPAHRANG 15:13

A nu Maakah zong kha, Asherah caah fihnung siasal a ser caah siangpahrang bawinu a sinak kha a ngolter; cun Asa nih a nu milem cu a hau i Kidron tivate ah khan a khangh.

2 CHANRELNAK 34:7

Israel ram chung dihlak ah, biakṭheng hna kha a chimh hna i Asherim le milem hna kha dip tein a rial hna i zihmui biakṭheng kha a hau hna. Cun Jerusalem ah a kir.