DEUTERONOMI 9:18 - Lai (Hakha) Common Language Bible 2006

¹⁸ Cun Bawipa hmaiah a hlan bang khan ni sawm li le zan sawm li ka bawk; Bawipa kha a thin phawh awkah amah mithmuh ah ṭhat lo nan tuahnak thawngin sual nan tuahmi vialte ruangah rawl ei lo le ti ding loin ka um.

DEUTERONOMI 9:18 Խաչաձեւ Հղումներ

EXODUS 34:28

Moses cu Bawipa sinah khan ni sawm li le zan sawm li a um i zeihmanh a ding lo i a ei lo. Lungtlap cungah khan biakamnak bia cu a ṭial hna — nawlbia pahra cu.

DEUTERONOMI 9:9

Lungtlap hna, Bawipa nih nannih he biakamnak a sernak lungtlap hna, lak awkah tlang cungah ka hung kai tikah khan, tlang cungah khan ni sawm li le zan sawm li ka hung um; rawl zong ka ei lo, ti zong ka ding lo.

SALM 106:23

Cucaah Pathian nih cun ka mi cu ka hrawh hna lai a ti; asinain a thimmi a sal Moses nih khan Pathian cu a thlauh i a thinhunnak nih khan a that hna lo.

2 SAMUEL 12:16

Cucaah David nih Bawipa kha ngakchia caah cun a nawl; cun David cu rawl a ul i a lut i vawlei ah zan khuadei a ril ko.

DEUTERONOMI 10:10

“Hmasa bantuk ṭhiamṭhiam khan, tlang cungah cun ni sawm li le zan sawm li ka um i khi tan zongah khan Bawipa nih ka bia a ka ngaihpiak; Bawipa nih hrawh an duh hna lo.

EXODUS 34:9

Aa thawh i, “Ka cungah na lung a tlin taktak a si ahcun, kan kalpi ko, tiah kan nawl Bawipa. Hi mi hna hi milungṭhawng an si taktak ko, sihmanhsehlaw kan ṭhat lonak le kan sualnak cu kan ngaithiam law nangmah ta ah kan cohlang ko,” a ti.

DEUTERONOMI 9:17

Cucaah lung tlap pahnih kha ka lak hna i ka kut pahnih hna chung cun ka hlonh hna i nan mit hmuh ah ka khuai hna.

DEUTERONOMI 9:25

“Bawipa nih nannih cu ka hrawh hna lai tiah a ti caah, cucaah Bawipa hmaiah hi ni sawm li le zan sawm li cu ka bawk.

1 SIANGPAHRANG 19:8

Cun a tho i a ei a din i cu rawl thazang cun ni sawm li le zan sawm li, Pathian tlang Horeb leiah cun a kal.

EZRA 10:6

Cun Ezra cu Pathian inn hmai khan a tho i Eliashib fapa Jehohanan khaan chungah khan a va kal i khika ah cu zan cu rawl zong ei lo ti zong ding loin a riak; zeicahtiah salchuak pawl zumhtlak loin an um ruangah khan a ngaih a chia.