DEUTERONOMI 8:5 - Lai (Hakha) Common Language Bible 2006

⁵ Cucaah mipa nih a fapa a chimhhrin bantukin Bawipa nan Pathian nih an chimhhrin hna kha nan lung chungin hngal ko u.

DEUTERONOMI 8:5 Խաչաձեւ Հղումներ

BIAPHUAN 3:19

Ka dawtmi cu ka chimhhrin hna i dan ka tat tawn hna. Cucaah cun i biatak law na sualnak kha mertak hna.

PHUNGTHLÛKBIA 3:12

Zeicahtiah pa nih a duhmi a fapa cu a chimhhrin bangin Bawipa nih a dawtmi kha a chimhhrin ve hna.

2 SAMUEL 7:14

Keimah cu a pa ka si lai i amah cu ka fapa a si lai. ṭhat lonak a tuah tikah minung fung le minung fapa hna tuknak vual in ka chimhhrin lai;

1 KORIN 11:32

Sihmanhsehlaw Bawipa nih bia a kan ceih i dan a kan tat cu vawlei sinah sualphawt chih kan si nakhnga lo caah a si.

SALM 94:12

Bawipa, nangmah nih na chimhhrinmi, na phunglam na cawnpiakmi hna cu lunglawmmi an si,

EZEKIEL 18:28

A sualnak kha an sining tein a hmuh hna i a hnulei a mertak hna ahcun, a nung lai, a thi lai lo.

SALM 89:32

an sualnak ruangah khan dan ka tat hna lai i palhnak an tuahmi ruangah khan fungfek in ka tuk hna lai.

DEUTERONOMI 4:9

“Ṭha tein i ralring u law, i zohkhenh u, nan mit nih a hmuhmi thil cu nan philh sual hna nakhnga lo le nan nunchung ah nan lung chungin an tlau sual nakhnga lo; nan fale le nan tule hna kha hngalhter hna u —

EZEKIEL 12:3

Cucaah mipa, an mit hmuh hrimhrim ah chun ah lam ca i na herh ding kha i tim law khualtlawn ah cun i thawh tuah. Na inn kha na kaltak i an hmuhhngan ah ral taannak chungah na kal tikah hin, annih nih mi dohhmang kan si ti kha an hei hngalh hmanh hnga maw.

DEUTERONOMI 4:23

Bawipa nan Pathian biakamnak nannih he a sermi cu nan philh sual i Bawipa nan Pathian nih an thlauhmi hna suaimi mui, zei mui a kengmi hmanh cu, nan ser sual nakhnga lo, i ralring tuah u.

ISAIAH 1:3

Caw nih a ngeitu kha a hngalh i laa nih a bawipa nih rawl a peknak kuang kha a hngalh. Sihmanhsehlaw ka mi Israel mi hna nih cun cu hmanh cu an hngal lo. A hngalh in an hngalthiam hrimhrim lo,” a ti.

DEUTERONOMI 4:36

Amah nih an chimhhrin hna nakhnga, vancung in a aw cu an theihter hna; cun vawlei ah a mei lianngan cu an hmuhter hna i mei chung cun nannih nih a aw kha nan theih.

DEUTERONOMI 8:6

Cucaah Bawipa nan Pathian nawlbia cu zul tuah u; amah lam kha zul u law, amah kha ṭihzah tuah u.

PHUNGTHLÛKBIA 13:24

Na fa cu dan na tat lo ahcun na huat a si, na dawt ahcun amah kha chimhring tuah.

PHUNGCHIMTU 7:14

Ṭhat ni ah i lawm law harnak na ton ni ah hihi va ruat tuah: Pathian nih lunglawmhnak zong cu a umter i harnak zong cu a umter, hmailei ah zeidah a um lai ti bel, ahohmanh nih an hngal lo.

PHUNGTHLÛKBIA 3:11

Ka fapa, Bawipa chimhhrinnak cu zei rel loin um hin hlah. An mawhchiatnak nih cun in nor hlah seh,