DEUTERONOMI 8:17 - Lai (Hakha) Common Language Bible 2006

¹⁷ Nan lung chungin, ‘Keimah ṭhawnnak le ka kut thazang nih hi chawva hi an ka pek,’ tiah nan ti sual nakhnga lo, i ralring tuah u.

DEUTERONOMI 8:17 Խաչաձեւ Հղումներ

DEUTERONOMI 9:4

“Bawipa na Pathian nih na hmaiah annih cu a dawi hna hnuah, ‘Bawipa nih hi ram co awkah a ka luhpi hi, keimah dinnak thawngin pei a si,’ tiah na lung chungin va ti hlah; Bawipa nih na hmai in annih kha a dawi hna cu hi miphun hna ṭhat lonak ruangah a si deuh.

1 KORIN 4:7

Midang nakin cungnung deuh ah aho nih dah an ser? Pathian pek a si lomi na ngeihmi zeital a um maw? Cucaah cun nan hmuhmi cu a lakin hei hmu hlah u law cu bang, zeitindah nan i porhlawt khawh?

DANIEL 4:30

“Mah hihi a liannganmi Babilon, keimah nih siangpahrang umnak caah keimah ṭhawnnak a nganmi le keimah upatnak langhternak caah ka sermi a si lo maw?” tiah a au.

HOSEA 12:8

Asinain annih nih cun an i thawh i, Kannih cu kan rum cang, chawva tampi kan ngei cang; Dinlonak in an rum tiah ahohmanh nih an kan ti kho lai lo, an ti.

DEUTERONOMI 7:17

“Nannih nih nan lung chungin, ‘Hi miphun hna hi kanmah nakin an ngan deuh, zeitintiah kan pawnchuah khawh hna lai?’ nan ti ahcun,

HABAKKUK 1:16

Cucaah an sur ngan kha raithawinak an pekchanh hna i an sur kha khangh thawinak an pekchanh hna; Zeicahtiah nun nuam ngaiin an nunnak le rawl tampi an ngeih khawhnak cu an sur hna thawng cun a si.

BIACEIHTU 7:2

Bawipa nih Gideon cu a chawnh i, “Keimah nih Midian mi cu an kut chung i pek awkah na sin i a ummi hna kha an tam tuk; Israel nih, ‘Keimah kut hrimhrim nih pei a ka khamh tiah,’ tiin ka cung lam ah aa uangthlar sual hnga.

1 SAMUEL 2:7

Bawipa nih a pamter tawn hna i a rumter tawn hna; A ṭhumh tawn hna i a hlorh zong a hlorh tawn hna.

SALM 44:3

Hi ram cu na mi nih an nam in an teimi a si lo, anmah ṭhawnnak in an teimi zong a si lo; nangmah lianhngannak le ṭhawnnak in a si i nangmah nih na dawt hna langhternak caah an sin i na umhnawh hnanak tu nih khan hi ram cu a tei.

PHUNGCHIMTU 9:11

Vanrang tangah hin thil pakhat ka hngalhmi a um ṭhan hoi: tlik zuamnak ah hin khul a rangmi nih teinak an hmu zungzal lem lo i ralṭhami hi tuknak ah teitu an si zungzal lem lo. Mifim mi hi duhdim in an um zungzal lem lo i mifim mi hi mirum an si bal theng lo. Vanchiatnak hi mi zei cung paoh ah a tlung ko.

1 SAMUEL 30:23

Sihmanhsehlaw David nih a thawh hna i, “Ka u le ka nau hna, hi bantukin Bawipa nih a kan pekmi thil kongah nan tuah hnga lo; kannih kha a kan zuah i a kan dohtu bu kha kan kut chungah a kan pek cang.

JOB 31:25

Ka chawva a tam caah le ka rumnak a karh caah kaa lawm i

PHUNGCHIMTU 3:6

Kawl caan a um, thlau caan a um; chiah caan a um, hlonh caan a um;

JEREMIAH 9:22

Cun Bawipa nih hi bangin a ti: Mithi mi an ruak hna cu lo lakah ek bantukin an ril liangluang lai i Rawlṭuantu hna nih an ṭuan hnu i an kaltakmi rawl, ahohmanh nih an pumh ṭhan ti lomi bantuk khi an si lai.

EZEKIEL 28:5

Chawlehnak i na fimnak thawngin chawva cu naa pon tengtung ko hna i, Na rumnak rup cun na ruamkainak cu a ṭhang.

DANIEL 4:27

Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i ṭhatnak tuahnak khan na ṭhat lonak cu i tlan tuah, cuticun lungdaihnak saupi na hmuh lai,” tiah a ti.