DEUTERONOMI 8:16 - Lai (Hakha) Common Language Bible 2006

¹⁶ ramlak chungah khan nan pupa hna nih an hngalh lomi manna in an cawm hna, a donghnak ah nannih cu ṭhatnak tuahpiak awkah an hneksak hna i thluachuahpek awkah an ṭhumh hna.

DEUTERONOMI 8:16 Խաչաձեւ Հղումներ

DEUTERONOMI 8:3

Minung hi rawl lawnglawng in a nung lo, sihmanhsehlaw Bawipa kaa in a chuakmi thil kip in a nung ti kha an hngalhter hna nakhnga, rawlṭam fahnak kha an inter hna i manna in an cawm hna, mah cucu nanmah nih siseh nan pupa hna nih siseh nan rak hngal lo.

JEIM 1:12

Hneksaknak a in tikah fek tein a ummi cu a lung aa lawm, zeicahtiah cu bantuk hneksaknak kha a tei khawh caah Pathian nih amah a dawtu hna a kamhmi nunnak kha laksawng ah a hmuh lai.

EXODUS 16:15

Israel mi nih an hmuh tikah zei a si ti awk kha an hngal lo i pakhat le pakhat cu, “Zeidah a si?” tiah an i hal. Annih cu Moses nih khan, “Hihi Bawipa nih nan ei awk i an pekmi hna rawl a si.

1 PETER 1:7

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.

2 KORIN 4:17

Cun harnak hmete caan tawite kan inmi nih hin, hi harnak nakin a let tampi in a ngan deuhmi zungzal sunparnak cu a kan pek lai.

ROM 8:28

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh.

GENESIS 22:1

Cu hnu tlawmpal ah cun Pathian nih Abraham kha a hneksak i, “Abraham,” tiah a ti i Abraham nih, “Bawipa, na chimmi bia ka ngai ko,” tiah a leh.

EXODUS 15:25

Moses nih Bawipa sinah thla fak piin a cam i Bawipa nih cun thingtan pakhat a hmuhsak i cu thingtan cu ti chungah khan a paih i ti cu a khaat kha a lo. Cuka ah cun Bawipa nih zulh awk phunglam a pek hna i a hnek zong a hneksak hna.

EXODUS 16:4

Bawipa nih Moses cu, “Nan dihlak caah van in rawl ka surter lai. Ni fate in nan chuahhnawh lai i cu ni ca i aa za dingin nan char lai. Kan cawnpiakmi hna kha nan zul maw zul lo ti cu hi ning hin kan hneksak khawh hna lai.

EXODUS 16:31

Israel mi nih cu rawl cu a min ah manna an sak. Koriander mu bantuk a si, a rang i khuaihliti cawhmi changper bantukin a thlum.

DEUTERONOMI 8:2

A nawlbia cu nan ngai lai maw ngai lo dah tinak caah, nan lung chung i a ummi kha hngalh awkah nannih cu harnak in an hneksak hna nakhnga, Bawipa nan Pathian nih hi kum sawm li chung ramlak ah an vahternak hna kha, i cinken ko u.

DEUTERONOMI 13:3

cu profet cu siseh mang mantu cu siseh, ahohmanh an bia nan ngai hna lai lo; zeicahtiah Bawipa nan Pathian cu nan lungthin dihlak le nan ruahnak dihlak in nan daw maw ti hngalh awkah Bawipa nan Pathian nih hneksak an del hna a si.

2 CHANRELNAK 32:31

Cucaah Babilon bawi hna nih, ram chung i tuahmi hmelchunhnak va hlathlai awk i a sinah an thlahmi lamkal hna kong ah khan, amah cu hneksak awk le a lung chung i a ummi vialte hngalhnak ah, Pathian nih amah tein a thlah ko.

SALM 119:68

Zeitluk in dah na ṭhat i zeitluk in dah vel na ngeih! Na nawlbia cu ka cawnpiak tuah hna.

DANIEL 11:35

Hi hruaitu hna lakah hin a cheu cu thah an si lai i annih cu hneksak cikcek le thianh an si lai i a vaar in an vaar lai. Asinain caan khiahmi cu a donghnak a phan ṭhiamṭhiam ve lai.

EXODUS 20:20

Moses nih mi zapi cu, “Nan thinphang hlah u; Pathian a rat cu nanmah hneksak awk le sualnak nan tuah nakhnga lo amah nan a ṭih zungzal nakhnga ca lawngah a si,” a ti.

JOB 42:12

Cun Bawipa nih Job cu a chan a donghlei kha a thawk lei nakkhan thluachuahnak tam deuh in a pek i tuu thong hleili, kalauk thong ruk, cawtum tuah thong khat le laapi thong khat a ngei.

PHUNGTHLÛKBIA 17:3

Sui le ngun cu mei in hneksak an si, minung lung cu Bawipa nih a hneksak.