DEUTERONOMI 6:7 - Lai (Hakha) Common Language Bible 2006

⁷ na fale kha fel tein na cawnpiak hna lai i, na inn chung i na ṭhut ah siseh, lam i na kal ah siseh, na ih ah siseh, na thawh ah siseh, na chim lengmang hna lai.

DEUTERONOMI 6:7 Խաչաձեւ Հղումներ

DEUTERONOMI 11:19

Cun mah hna cu nan fale kha nan cawnpiak hna lai i, nan inn chung i nan ṭhut le lam i nan i chawh le nan ih le nan thawh tikah nan chim lengmang hna lai.

EFESA 6:4

Nu le pa hna, nan fale kha an thin hung seh tiin ti hna hlah u. Khrihfa ziaza le cawnpiaknak he tu khan ṭhanter hna u.

1 PETER 3:15

Sihmanhsehlaw nan lungthin chungin Khrih kha upat u law nan Bawi ah ser u. Ruahchannak nan ngeihmi kong kha, kan chim tuah u, an timi hna an um ahcun, zeitik caan paoh i chim kho dingin timhcia tein um zungzal u.

DEUTERONOMI 6:2

Bawipa na Pathian cu na ṭih nakhnga le na chan cu a sau nakhnga, Bawipa nan Pathian nih nannih kha cawnpiak awkah nawl a ka pekmi nawlbia hna le phunglam hna le phungbia hna cu mah hihi an si.

EFESA 4:29

Bia nan i ruah tikah mi ca ṭhat lonak bia hmang hlah u. Mi ca i san a tlaimi, a herhmi zawn i ṭhatnak a chuahpitu le a theimi thluachuah vanluh a petu ding bia lawng kha hmang u.

GENESIS 18:19

A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

PHUNGTHLÛKBIA 6:22

Na kal tikah an in hruai lai, na ih tikah an in ven lai, naa hlauh tikah bia an in ruah lai.

LUKA 6:45

Miṭha nih a lung chung i thil ṭha a khonmi chung khan ṭhatnak a chuahter; miṭhalo nih a lung chung i thil ṭhalo a khonmi chung khan chiatnak a chuahter. Zeicahtiah mi nih a kaa in a chimmi hi a lung chung i a khatmi kha a si,” tiah a ti.

MATTHAI 12:35

Miṭha nih cun thil ṭha aa khonmi chung khan thil ṭha a chuah hna i miṭhalo nih cun thil ṭhalo aa khonmi chung khan thil ṭhalo a chuah hna.

KOLOSE 4:6

Nan biachim nan holhrel cu a zungzal in ngaih a nuammi le a ṭhami a si awk a si i ahopaoh kha zeitindah ka chawnh ah a ṭhat bik lai ti hngalh kha nan i zuam lai.

PHUNGTHLÛKBIA 15:7

Mifim hmurka nih hngalhnak kha an ṭhanter, mihrut lungthin tu cu, cu bantuk a si lo.

PHUNGTHLÛKBIA 10:21

Miṭha bia nih cun mi tampi a cawm hna, sihmanhsehlaw mihrut cu a hruh ruangah a thi tawn.

MALAKHI 3:16

Khi tikah Bawipa a ṭihmi hna cu pakhat le pakhat bia an i ruah i Bawipa nih an bia cu a theihpiak hna i a ngaihpiak hna. Amah a ṭihmi hna le an lungchung in a min aa cinkenmi hna cu a hmaika i cazin chungah an min kha a khumh hna.

PHUNGTHLÛKBIA 15:2

Mifimpa lei nih hngalhnak kha a karhter, sihmanhsehlaw mihrut nih cun pakpalawng bia kha a chim.

SALM 129:8

Cucaah an pawng i a kalmi ahohmanh nih, “Bawipa nih thluachuah in pe hna seh, Bawipa min in thluachuah kan in pek hna,” an ti hna lai lo.

SALM 119:46

Na nawlbia cu siangpahrang kha ka chimh hna lai i cu tuah cu ka ning a zak lai lo.

RUTH 4:11

Cun hauka ah a ummi vialte le upa hna nih khan, “Hngaltu kan si. Na inn chungah a ra ding minu cu, Rachel le Leah, Israel innchungkhar a dirhtu pahnih hna bantuk ah khan Bawipa nih ser ko seh. Efrathah ah hin khua awng tong law, Bethlehem ah na min thang ko seh;

SALM 37:30

Mifim nih cun fimnak bia an chim i ahmaanmi bia kha an ka in a chuak.

RUTH 2:12

Bawipa nih na tuah ciami cu in rul seh law, Bawipa, Israel Pathian, a thla tangah i dor awk i na rak fuhmi nih cun, tampi in laksawng in pe ko seh!” tiah a ti.

RUTH 2:4

Cun zohhmanh, Boaz cu Bethlehem in a ra i rawlṭuantu hna sinah cun, “Bawipa cu nan sinah um ko seh,” tiah a ti. Cun annih nih, “Bawipa nih thluachuah in pe ko seh,” tiah an leh.

SALM 71:17

Ka no lio tein nangmah nih na ka cawnpiak i atu tiangin khuaruahhar na tuahmi kha ka chim lengmang ko.

ISAIAH 38:19

Atu i keimah nih kan thangṭhat bantukin nangmah an thangṭhatmi cu minung hi an si. Zeitluk in dah zumhawktlak na si kha pale nih an fale kha an chimh hna.

JOB 8:10

Annih nih nangmah cu an in cawnpiak in an in chim in, an hngalhnak cu an in chim hnga lo maw?

SALM 119:13

Na kan pekmi nawlbia vialte cu, fak piin ka chim lengmang hna lai.